Part 99
ဟန်ရုံဖန်က ဤမျှကြီးမားသည့်မိသားစုပြဿနာအား ခေါင်းရူပ်ခံပြီးမဆုံးဖြတ်ချင်ပေ ။ သူသည်လည်းအပြင်လူတစ်ပိုင်းဖြစ်သောကြောင့် ထိုမိသားစုကြားထဲ၌ အမုန်းမခံချင်ကာ နောက်ဆုံးဆုံးဖြတ်ချက်မှာ အလယ်လူဖြစ်သည့်ဟန်ချင်စုန့်နှင့်သာသက်ဆိုင်သည် ။
" ချင်စုန့်ရဲ့ဇနီးလေး ဦးလေးရဲ့မျက်နှာကိုထောက်ထားပြီး နည်းနည်းလောက်ညှာတာပေးလိုက်ပါ ။ ယွမ်သုံးထောင်ဆိုတာကတော့ သူတို့အတွက်ခက်ခဲလွန်းပါတယ် ".
" ဒါဆိုရင် ဦးလေးပြောကြည့် အဲ့ဒီကျေးဇူးမသိတတ်တဲ့လူတွေက ဘယ်လောက်ပြန်ပေးသင့်တယ်လို့ထင်လဲ "
ဟန်ရုံဖန်က စာရင်းကိုကြည့်ကာပြောလိုက်သည် ။
" ဒီလိုဆိုရင်ရော အစ်ကိုကြီးတစ်ယောက်ရဲ့အငယ်တွေအတွက်ထောက်ပံ့ပေးတာလို့ယူဆလိုက်ပြီး ...."
ဟန်ရုံဖန်က စကားစရပ်ထားကာ အဖိုးကြီးဟန်နှင့်ဟန်ကျင်းယု အားကြည့်လိုက်သည် ။ ထိုနှစ်ယောက်ကတစ်ပြားတစ်ချပ်မှပေး ချင်နေပုံမရပေ ။ လင်းလန်ဘက်ကကြည့်လျှင်လည်း သူမမတရားခံရသည်မှာများလွန်းလှပြီး ဟန်ဖန်ရုံအနေနှင့် မီးခဲဖင်ခုထိုင်နေရသလိုဖြစ်နေခဲ့သည် ။
ဟန်ရုံဖန်ကဆက်ပြောလိုက်သည် ။
" တစ်ဝက်ကိုထောက်ပံ့ပေးတယ်လို့တွေးပြီး ယွမ်တစ်ထောင့်ငါးရာဘဲ ယူလိုက်ရင်ရောဘယ်လိုလဲ "
ဟန်ကျင်းယုက လက်မခံနိုင်ကာအော်လိုက်သည် ။
" ဦးလေး! ဒီလိုလုပ်လို့မဖြစ်ဘူးလေ ယွမ်ထောင့်ငါးရာလောက်ပိုက်ဆံကြီး ကျွန်မတို့ကဘယ်မှာသွားရှာရမှာလဲ "
သူမက အသည်းနှလုံးတွေအနာခံကာ သူမ၏နာရီကိုချွတ်ပြီးစားပွဲပေါ်တင်ရင်းပြောလိုက်သည် ။
" ဒီနာရီကယွမ်တစ်ရာ့ငါးဆယ်တန်တယ် ပြီးတော့ငါ့မှာလက်မှတ်ချို့ရှိသေးတယ် "
" သုံးပြီးသားဖြစ်နေပြီယွမ်တစ်ရာဘဲတန်တယ် "
ဟန်ကျင်းယုက သူမ၏ပုံစံအားဂရုမစိုက်နိုင်တော့ကာ အော်ဟစ်ငိုယိုတော့သည် ။
YOU ARE READING
၇၀ခုနှစ်များဆီမှစည်းကမ်းကြီးသည့်ဇနီးသည်
General FictionTitle - Strict Wife of the '70s Manages the Household 💥Description လင်းလန် နိုးလာချိန်တွင် သူမသည် ပိုးသတ်ဆေးသောက်ထားသည့် အိမ်ထောင်ရှင်မတစ်ဦး၏ ကိုယ်ထဲသို့ ကူးပြောင်းသွားသည်ကို သိလိုက်ရသည်။ မူလကိုယ်သည် သူမခင်ပွန်း၏ ကောင်းမွန်သည့်အနာဂတ်ကို ဖျက်စီးလိ...
