ရှင် သူမကို အမြဲချစ်နေမှာလား
+
သံသယအချစ်လုက လက်သီးဆုပ်လိုက်၏။ သူ့စိတ်ခံစားချက်တွေကို မျိုသိပ်ရင်း "သူက လက်ထပ်ပြီးပြီ" ဟု ခါးသီးစွာ ထုတ်ပြောခဲ့သည်။
အကယ်၍သာ ရှီကျားမူဘက်က မတော်တဆမှုမျိုး မကြုံခဲ့လျှင် သူမကို လက်ထပ်ခွင့်ရနိုင်ပါ့မလား။
သူတို့နှစ်ယောက် လင်မယားအနေနှင့် လူသိရှင်ကြား ရုပ်လုံးပြရမည်ဆိုလျှင်တောင် ရှီကျားမူအဖြစ် သရုပ်ဆောင်ရပေမည်။
လက်ထပ်ပြီး အတူတူရှိနေကြသော်လည်း တဖြည်းဖြည်း အဆုံးသတ်ဆီ ရောက်လာလိမ့်မည်။ သူက ရှီကျားမူ၏အစားထိုးခံသာ။
သူသဘောကျသည့် မိန်းကလေးက အိမ်ထောင်ကျပြီးသား။ သူမတစ်စုံတစ်ယောက်၏ဇနီးဖြစ်နေပြီ။ ထို့ကြောင့် သူမကို ပွေ့ဖက်ခဲ့ပြီး ဘာကြောင့် သူ့ကိုမချစ်နိုင်ရတာလဲဟူ၍ မေးခဲ့ခြင်းသာ။
မနေ့ညက သူမကိုသတိရမိနေစဉ် သူ့ဝမ်းနည်းမှုကို ပြေပျောက်အောင် အရက်သောက်ခဲ့တာလား။
ထိုသတင်းနှစ်မျိုးစလုံးက သူမကို ဝမ်းသာအားရစေသလို စိတ်ရှုပ်စေသည်။
သူမ၏အချစ်ပြိုင်ဘက်က ပိုင်ရှင်ရှိသွားသည့်အတွက် ဝမ်းသာမိခဲ့သည်။ သို့ပေမဲ့ တစ်ချိန်တည်းမှာပဲ လုဘက်က ထိုသတင်းကြောင့် နာကျင်ခံစားနေမည်ကို သူမ စိုးရိမ်နေခဲ့သည်။
ချောင်က မေးခွန်းမေးရန် တုံ့ဆိုင်းနေဆဲမှာပင် "သူက လက်ထပ်ပြီးပေမဲ့ ရှင်ကရော သူ့ကို ချစ်နေသေးလား" ဟု မေးခဲ့သည်။
လုက ထိုမေးခွန်းကို ကြားသည့်အခိုက်တွင် စူးစိုက်စိုက်စိုက်ကြည့်ကာ သူ့မျက်လုံးများက တောက်ပလာသည်။
သူ့မျက်လုံးတွေက သူမကို လေးလေးနက်နက်ကြည့်ရင်း သူမဆီ " ဟုတ်တယ်" ဟု ပြောနေပုံပင်။
လုဘက်က တုံ့ပြန်မှုကတော့ ပြတ်ပြတ်သားသား အရိပ်အမြွက်မရှိဘဲ ယိမ်းယိုင်နေလျက်။ ချောင့်နှလုံးသားက အနည်းငယ်နာကျင်သွားပြီး လုကို နောက်ကျောပေးထားလိုက်သည်။ သူမအသံကို တည်ငြိမ်စေရန် ကြိုးစားရင်း ဖြေခဲ့သည်။
YOU ARE READING
ပျိုတိုင်းကြိုက်တဲ့နှင်းဆီခိုင်ကြီးကိုအိမ်ပြန်ခေါ်ပါမယ် |ဘာသာပြန်| H.I.A.T.U.S
Romanceလူကြိုက်အများဆုံးရုပ်ရှင်မင်းသမီး ချောင်အန်းဟောင် နဲ့ အတော်ဆုံးရုပ်ရှင်မင်းသား လုကျင်းညန်တို့ဟာ အသိုင်းအဝိုင်း၏ အတင်းအကျပ်ပေးစားမှုကြောင့် မဖြစ်မနေလက်ထပ်လိုက်ရပြီးနောက် လုရဲ့စည်းကမ်းချက် ၃ ခုကတော့.. ၁။ မင်းငါ့ကို လူတွေရှေ့မှာ မထိနဲ့။ ၂။ မင်းကငါ့မိန်...