Unicode
ထိုနေ့ညနေ အိမ်ရှေ့စံ၏ အိပ်ဆောင်တွင်...
"ချန်းယုံ မင်းအခုမှ တုံးတာလား ငယ်ငယ်ကတည်းကတုံးတာလား''
လင်းမိုက လီချန်းယုံသည် ယန်နိုင်ငံ၏စာအရေးအသားကို သင်ယူလိုကြောင်းပြောသဖြင့် သင်ပေးနေခြင်းဖြစ်သည်။ စာလုံးများမှာ ပင်မရင်းမြစ်ဘာသာစကား တူသောကြောင့် သိပ်မခက်ခဲသော်လည်း လီချန်းယုံမှာ မရေးတတ်သေးပေ။
အမှန်ဆို လီချန်းယုံသည် ငယ်စဉ်ကတည်းက အလွန်ဉာဏ်ကောင်းပြီး လိမ္မာသည်ဟု ချီးကျူခံခဲ့ရသောသူ ဖြစ်သည်။ သူမရေးတတ်သည်က ယန်ဘာသာတွင်သုံးသော စာလုံးများက မြောက်ပိုင်းတွင်သုံးနှုန်းသည့် စာလုံးများနှင့်မတူသောကြောင့် ဖြစ်သည်။
လင်းမို၏ မညှာမတာဝေဖန်မှုကြောင့် လီချန်းယုံသည် သူရေးနေသော စုတ်တံကို စားပွဲပေါ်သို့ အသံမြည်အောင် ပစ်ချလိုက်လေသည်။
"မသင်တော့ဘူး''
လီချန်းယုံက ဒေါသတကြီးပြောလေသည်။လင်းမိုက မျက်ခုံးပင့်ပြီး စိတ်ဆိုးသွားသော ဝံပုလွေဖြူလေးကို ကြည့်လိုက်သည်။ လီချန်းယုံ၏ ထူထဲနက်မှောင်သော မျက်ခုံးလွှာက အနည်းငယ်ကုပ်နေသည်။ သူ၏ ဖြောင့်တန်းသော နှာတံလေးမှာ ပကတိအတိုင်းရှိနေသည်။ ရှည်လျားကော့ညွတ်သော မျက်တောင်ရှည်ကြီးများကိုပုတ်ခတ်နေသည်ကို လင်းမို အူယားလာသည်။ လီချန်းယုံ၏ ချယ်ရီးသီးလို နီရဲရဲနှုတ်ခမ်းလွှာလေးမှာ သွားဖြူဖြူလေး၏ ရန်ရှာခြင်းကိုခံနေရသည်။ လီချန်းယုံက စိတ်တိုပြီး သူ့နှုတ်ခမ်းသူဖိကိုက်ထားခြင်းဖြစ်သည်။ လင်းမိုက မိမိအစား ရန်ရှာခြင်းခံနေရသော နှုတ်ခမ်းဖူးနီရဲရဲလေးကို သနားမိသွားသည်။
"မကိုက်နဲ့...မင်းနှုတ်ခမ်းကိုအတင်းဖိကိုက်မထားနဲ့''
လီချန်းယုံ၏ မျက်စောင်းက လင်းမိုဆီ ဒိုင်းကနဲရောက်လာသည်။
"ငါ့နှုတ်ခမ်းငါဘာလုပ်လုပ်ပေါ့''"မင်းကိုစိတ်တိုအောင်လုပ်တာ ငါလေ ငါ့ကိုလာကိုက်''
လင်းမိုက မကောင်းဆိုးဝါးဆန်စွာပြုံးပြီး ရွှင်မြူးစွာပြောလေသည်။
YOU ARE READING
The True Conqueror [Complete]
Historical FictionTitle - The True Conqueror (အောင်နိုင်သူအရှင်) တောင်ပိုင်ဘုရင်ကြီးလင်းမိုနှင့် မြောက်ပိုင်းအိမ်ရှေ့စံ လီချန်းယုံတို့၏ ကြည်နူးဖွယ် ဒဏ္ဍာရီတစ်ပုဒ်... Name - The True Conqueror (ေအာင္နိုင္သူအရွင္) ေတာင္ပိုင္ဘုရင္ႀကီးလင္းမိုႏွင့္ ေျမာက္ပိုင္းအိမ္ေရွ႕စံ...