Unicode
"ချန်းယုံ...ရှောင်ချိုပြောတာ မင်းပျောက်သွားတယ်ဆို။ဘယ်ကို ရောက်သွားတာလဲ''
နောက်တစ်နေ့မနက်တွင် အိပ်ယာနိုးနိုးချင်း လင်းမိုက လီချန်းယုံကို မေးလေသည်။"သေဆုံးခြင်းအလွန်နယ်နမိတ်''
လီချန်းယုံက ပြန်ဖြေသည်။ထိုအမည်နာမကို ကြားရသောအခါ လင်းမို၏ မျက်နှာက ကြက္ခနဲ ပျက်သွားသည်။
"မင်းက အဲ့ဒီကိုဘယ်လိုလုပ်ပြီးရောက်သွားတာလဲ''"ရှောင်ချိုနဲ့ ဟေးချိုလို ဒဏ္႑ာရီသတ္တဝါ ချီလင် အဖိုးကြီးက ခေါ်သွားတာ''
လီချန်းယုံက အဖိုးကြီးသူ့ကို မည်သို့လာခေါ်သွားကြောင်းကိုလည်း လင်းမိုကို တစ်စပ်တည်း ရှင်းပြသည်။လင်းမိုက လီချန်းယုံ ရှင်းပြသည်ကို နားထောင်ရင်း သူအသိချင်ဆုံးသော အရာကိုသာ တိုက်ရိုက်မေးလိုက်သည်။
"သူက မင်းကို ဘာလို့ခေါ်သွားတာလဲ''လီချန်းယုံက သက်ပြင်းတစ်ချက်ချလိုက်သည်။
"သူပြောတာက ငါ့ကို သတိပေးလို့ရအောင်တဲ့။ လူ့လောက နဲ့ နတ်ဆိုးမိစၦာလောကကြားက အလွှာပါးလွှာသွားတဲ့ အချိန်မှာ နတ်ဆိုးဘုရင်က လူ့လောကကို ရောက်လာပြီး ကပ်ဆိုးတွေကို ဖန်တီးလိမ့်မယ်တဲ့။ အဲ့ဒီနတ်ဆိုးဘုရင်ကို နဂါးစီးနင်းသူအရှင်ကပဲ ရေခဲဝိညာဉ်ဓားနဲ့ အနိုင်ယူနိုင်မှာ။ ရေခဲဝိညာဉ်ဓားအသက်ဝင်ဖို့က ငါ့ရဲ့ နှလုံးသွေး...''"ချန်းယုံ...တော်ပြီ''
လီချန်းယုံ ရှင်းပြသည်များကို လင်းမိုဆက်လက် နားမထောင်ချင်ပါ။ တစ်ယောက်ယောက်၏ နှုတ်ဖျားမှ လီချန်းယုံ၏ မကောင်းကြောင်းထွက်လာလျှင်ပင် သူသတ်ပစ်ချင်သည်အထိ ဒေါသထွက်ရာ ယခုလို လီချန်းယုံ၏ ရင်ကိုခွဲပြီး ဓားတစ်ချောင်း စိုက်အဝင်ခံရမည့်အကြောင်းအရာကို နားထောင်ရန်မှာ သူ့အတွက်ခါးသီးလှသည်။"နတ်ဆိုးဘုရင်ကလာရင် နဂါးစီးနင်းသူအရှင်အသစ်ရဲ့ ကြင်ယာတော်ကို လိုက်ရှာမှာတဲ့။ အဲ့ဒါကြောင့် ငါ့ကို သတိထားခိုင်းတာ။ အချိန်မတန်သေးပဲ ငါသေသွားခဲ့ရင် မင်းက လူ့လောကကို မကယ်နိုင်မှာစိုးလို့''
ရှင်းပြနေသော လီချန်းယုံ၏ အသံမွာ တုန်ယင်နေပြီး အဆုံးသတ်၌ မသိမသာ တိုးဝင်သွားသည်။
YOU ARE READING
The True Conqueror [Complete]
Historical FictionTitle - The True Conqueror (အောင်နိုင်သူအရှင်) တောင်ပိုင်ဘုရင်ကြီးလင်းမိုနှင့် မြောက်ပိုင်းအိမ်ရှေ့စံ လီချန်းယုံတို့၏ ကြည်နူးဖွယ် ဒဏ္ဍာရီတစ်ပုဒ်... Name - The True Conqueror (ေအာင္နိုင္သူအရွင္) ေတာင္ပိုင္ဘုရင္ႀကီးလင္းမိုႏွင့္ ေျမာက္ပိုင္းအိမ္ေရွ႕စံ...