Unicode
လီချန်းယုံကို ခေါ်ဆောင်လာသော အဖိုးကြီးသည် အလာကကဲ့သို့ အဖြူရောင်ငှက်ကြီးဖြင့်ပင် ပြန်ပို့ဆောင်ပေးခဲ့သည်။ ကောင်းကင်မှ မြေပြင်သို့ မြင်နိုင်လောက်သည့် အကွာအဝေးတွင် ဟန်ယန်းတောတစ်ခုလုံး မြင်းများစီးနင်းသည့် ကိုယ်ရံတော်တပ်ဖွဲ့များနှင့် စစ်သည်တော်တို့ဖြင့် ပြည့်နေကြောင်း တွေ့လိုက်ရသည်။
လီချန်းယုံမှာ အလွန်အမင်းအံ့သြမသွားဘဲ အခြေအနေမှန်ကို ရိပ်စားမိလေသည်။ လင်းမိုကသူ့ကိုရှာရန်တပ်ဖွဲ့များစေလွှတ်ထားခြင်းဖြစ်ဟန်တူသည်။
ကောင်းကင်မှ ပျံဝဲလာသော အဖြူငှက်ကြီးနှင့် အဖိုးအိုကို သာမန်လူတို့ မမြင်နိုင်ပေ။ အဖိုးအိုသည် လီချန်းယုံကို သူကနဦးက ခေါ်ဆောင်လာသော နေရာသို့ ပြန်ပို့ပေးသည်။ ထိုနေရာ၏ အနီးတစ်ဝိုက်တွင် စစ်သည်တော်တို့ရှိမနေ။
လီချန်းယုံက ငှက်ကြီး၏ကိုယ်ပေါ်မှ အလျင်အမြန်ဆင်းပြီး သူကျားအရေခွံထားခဲ့သော နေရာသို့သွားလိုက်သည်။ ကျားအရေခွံသည် သူထားခဲ့သော နေရာတွင်ရှိမနေ။ သူသေချာအောင်အနီးပတ်ပတ်လည်ထိ ရှာကြည့်သည်။
ထိုအချိန်တွင် လင်းမိုသည် မြင်းနက်ကြီးကို စီးကာ တောတစ်ခုလုံး နေရာလပ်မကျန်အောင် လီချန်းယုံကို ရှာဖွေနေခဲ့သည်။
"အူ....''
မလှမ်းမကမ်းဆီက ဝံပုလွေအူသံသည် ရှောင်ချို၏ အသံဖြစ်မှန်းသိသောကြောင့် လင်းမိုက မြင်းကိုရပ်တန့်လိုက်သည်။ သူက စိတ်အာရုံဖြင့် ရှောင်ချိုကို လှမ်းဆက်သွယ်လိုက်သည်။"အရှင်...ကျွန်တော်ခံစားလို့ရပြီ။ သခင်လေးပြန်လာပြီ။ အရှင် မနက္က ကျားအရေခွံယူလာတဲ့နေရာမှာ...''
"မင်းဟေးချိုနဲ့ကိုယ်ရံတော်တွေကို အကြောင်းကြားလိုက်။ ငါချန်းယုံကို သွားခေါ်မယ်''
ပြောရင်းမြင်းဇက်ကြိုးကို ဆြဲကာ ဒုန်းစိုင်းစီးပြီး မနက္က သူရှာခဲ့သော နေရာသို့ ပြန်လှည့်လာခဲ့သည်။
အရွက်ဖားဖားနှင့် သစ်ပင်ကြီးများအုံ့မိုးကာ ချုံနွယ်သစ်ငုတ်တို့ ထူထဲနေသော နေရာတွင် အဖြူရောင်ဝတ်စုံနှင့် ကောင်လေးတစ်ယောက်သည် ခြေထောက်ထော့နင်းထော့နင်းဖြင့် တစ်စံတြစ်ခုကို ရှာဖွေနေသည်။
YOU ARE READING
The True Conqueror [Complete]
Historical FictionTitle - The True Conqueror (အောင်နိုင်သူအရှင်) တောင်ပိုင်ဘုရင်ကြီးလင်းမိုနှင့် မြောက်ပိုင်းအိမ်ရှေ့စံ လီချန်းယုံတို့၏ ကြည်နူးဖွယ် ဒဏ္ဍာရီတစ်ပုဒ်... Name - The True Conqueror (ေအာင္နိုင္သူအရွင္) ေတာင္ပိုင္ဘုရင္ႀကီးလင္းမိုႏွင့္ ေျမာက္ပိုင္းအိမ္ေရွ႕စံ...