The True Conqueror [Complete]

Chapter 54

Unicode

တစ်ပတ်ခန့်အကြာ...

ယန်နန်းတော်၏ ကြီးမားသော ခန်းမဆောင်တွင် ပွဲလမ်းသဘင်တစ်ခု ဆင်နွှဲနေသည်။ ကြင်ယာတော်အဖြစ်အရွေးခံသော မိန်းမပျိုများထဲမှ ငါးယောက်ကို မိဖုရားအဖြစ် တင်မြှောက်မည်ဖြစ်ပြီး ငါးယောက်ကို ကိုယ်လုပ်တော်အဖြစ် တင်မြှောက်မည်ဖြစ်သည်။ ကိုယ်လုပ်တော်တစ်ယောက်မှာ အမျိုးသားကိုယ်လုပ်တော် ဖြစ်သည်။

လင်းမိုနှင့် ထိုအမျိုးသမီးတို့၏ မင်္ဂလာအခမ်းအနားကို တက်ရောက်သူများထဲတွင် မြောက်ပိုင်းအိမ်ရှေ့စံသည်လည်း အပါအဝင်ဖြစ်သည်။ လီချန်းယုံသည် အနက်ရောင်ပိုးသားဝတ်ရုံရှည်ကို ဝတ်ဆင်ထားပြီး သူ၏ ဆံပင်မြှင့်မြောက်ကာ ထုံးထားသည်။ သူ၏ ခါးတွင် ထုံးစံအတိုင်း ဝံပုလွေမာန်ဖီနေပုံကို ဓားရိုးတွင် ထိုးထားသည့် ဓားရှည်တစ်လက်ချိတ်ဆွဲထားသည်။

အကယ်၍ မြောက်ပိုင်းသားများသာ ဤေနရာ၌ ရှိနေပါက လီချန်းယုံ အမှန်တကယ် အသုံးပြုသော လက်နက်မှာ ဓားရှည်မဟုတ်ကြောင်း သိလိမ့်မည်။ ထို့အပြင် လီချန်းယုံ မည်သည့်အခါကမျှ အနက်ရောင်ဝတ်ရုံ ဝတ်ဆင်လိမ့်မည်မဟုတ်မှန်း သိလိမ့်မည်။

လီချန်းယုံသည် အစပထမက သူဝတ်ရုံနေကျ အဖြူရောင်ပိုးသား၌ အပြာရောင်ရေခဲတောင်းတန်းသဏ္႑ာန်ကို လက်အနားတွင် ထိုးထားသော ဝတ်ရုံကို ဝတ်ရန် စဉ်းစားသေးသည်။ သို့သော် ယနေ့သည် လင်းမို၏ မင်္ဂလာပွဲဖြစ်သည်။မည်သို့ပင် ဟန်ဆောင်လက်ထပ်သည်ဆိုစေ မင်္ဂလာပွဲက မင်္ဂလာပွဲဖြစ်သည်။ သူ့အတွက်ကတော့ ထိုမင်္ဂလာပွဲသည် ပျော်ရွှင်ဖွယ် အဓိပ္ပါယ်ကို ရည်ညွှန်းခြင်း မဟုတ်သောကြောင့် သူအနက်ရောင်ဝတ်ရုံကို ဝတ်ဆင်သွားသည်။

သာယာစြာ တီးခတ်နေသော စောင်းသံတို့ကို လျစ်လျူရှုကာ မိမိအားချပေးထားသော နေရာတွင် လီချန်းယုံသည် သေရည်ခွက်ကို ငဲ့သောက်နေသည်။ သူ၏ ဘေးက အမတ်များက အရွေးခံရသော ကြင်ယာတော်တို့သည် မည်မျှချောကြောင်း လှကြောင်း ပြောဆိုနေကြသည်။

တောင်ပိုင်းက သေရည်က လီချန်းယုံကို သိပ်ပြီး အကျိုးသက်ရောက်မှုမရှိ။ သူက မူးချင်ပါသော်လည်း မမူးနိုင်ပါ။ နောက်ဆုံး လီချန်းယုံ လက်လျှော့လိုက်ရသည်။