Unicode
လင်းမိုသည် လီချန်းယုံနှင့် အခန်းခွဲနေရန် စိတ်ပင် မကူးထားချေ။ အခန်းသည် တစ်ယောက်စာအတွက် ဖြစ်သော်လည်း ဆယ့်ခြောက်ပြည်ထောင်က မင်းညီမင်းသားများအတွက် ရည်စူးသည် ဖြစ်၍ ကျယ်ဝန်းကာ ခမ်းနားလေသည်။
လီချန်းယုံသည် ရက်ပေါင်းများစွာ လည်ပတ်ရင်း အိပ်ရာနှင့် ဝေးခဲ့ရသူ ဖြစ်သည့်အတွက် အိပ်ရာပေါ် ပစ်လှဲချလိုက်လေသည်။
လင်းမိုကမူ လီချန်းယုံ လုပ်သမျှကို မမှိတ်မသုန် ကြည့်နေလေသည်။ လီချန်းယုံက မျက်စိတစ်ဖက်ဖွင့်၍ လင်းမိုကို ကြည့်ကာ ပြောလိုက်သည်။
"လာလေ!''
သူ၏ ဘေးက နေရာကို လက်ဖဝါးဖြင့် ပုတ်ပြကာ လင်းမိုကိုလာရောက်ရန် ပြောလေသည်။
လင်းမိုကမူ ဦးခေါင်းကို ယမ်း၍ ပြောလေသည်။
"အားယုံ! မအိပ်နဲ့ ရေအရင်ချိုး''
လီချန်းယုံက ပြန်မပြောဘဲ လက်သာ ကာပြသည်။ မချိုးဘူးဟူသော အဓိပ္ပါယ်ပင်။
လင်းမိုသည် ထုံးစံအတိုင်း လီချန်းယုံကို ခဏထား၍ ရေချိုးပေးရန်အတွက် လိုအပ်သည်တို့ကို ပြင်ဆင်ရလေသည်။ အပူအအေး မျှတသော စည်အသင့် ဖြစ်ပြီးဆိုကာမှ သူသည် အိပ်နေသော လီချန်းယုံကို နှိုးရလေသည်။
"အားယုံလေး ထတော့!''
အအိပ်ဆတ်သော လီချန်းယုံက ရုတ်ချည်းပင်နိူးလာသည်။ သည်တစ်ကြိမ်တော့ သူသည် မျက်စိနှစ်ဖက်ဖွင့်ကြည့်ခြင်း ဖြစ်ပေရာ အဆင်သင့် ဖြစ်သော ရေစည်ကို တွေ့လေသည်။.
"ချိုးလို့ရပြီလား''
လင်းမိုကခေါင်းငြိမ့်ပြသည်။ လီချန်းယုံက သည်အချိန်ကို စောင့်နေမှန်း သူသိပေသည်။
အတည်ပြုချက်ရသောအခါ လီချန်းယုံ အိပ်ရာမှငေါက်ခနဲထလာသည်။ သူက လင်းမို၏ အရှေ့တွင် မတ်တပ်ရပ်ကာ လက်နှစ်ဖက်ကို ဆန့်တန်းပြီး သူ၏ ဝတ်ရုံလွှာကို ချွတ်ပေးရန် အဓိပ္ပါယ်ဖြင့် လက်နှစ်ဖက်ကို ဆန့်တန်းပြသည်။
ထုံးစံအတိုင်း လင်းမိုက ဝတ်ရုံချွတ်ပေးရပြန်သည်။ ဝံပုလွေဖြူလေး၏ ကြည်စင်ဝင်းမွတ်သောအသားအရည်က တောင်ပိုင်းနေရာကြောင့် မသိမသာ နီနေလေသည်။ ထိုသည်က လီချန်းယုံကို ပို၍ ယောကျ်ားပီသစေကာ ဆွဲဆောင်မှုရှိလေသည်။
YOU ARE READING
The True Conqueror [Complete]
Historical FictionTitle - The True Conqueror (အောင်နိုင်သူအရှင်) တောင်ပိုင်ဘုရင်ကြီးလင်းမိုနှင့် မြောက်ပိုင်းအိမ်ရှေ့စံ လီချန်းယုံတို့၏ ကြည်နူးဖွယ် ဒဏ္ဍာရီတစ်ပုဒ်... Name - The True Conqueror (ေအာင္နိုင္သူအရွင္) ေတာင္ပိုင္ဘုရင္ႀကီးလင္းမိုႏွင့္ ေျမာက္ပိုင္းအိမ္ေရွ႕စံ...