Today is Monday and Promise is promise...ပုန်ကန်သူများ၏ စစ်တပ်များသည် ဆွေဟိုင်းတစ်လျှောက် လမ်းခရီးတွင် အခိုင်အမာ စခန်းချထားကြသည်။ သူတို့ သတင်းရရှိပြီး ဖြစ်သည်။
တောင်ပိုင်းယန်မှ စစ်သည်တို့ ဆွေဟိုင်းကို ချီတက်လာသည်ဟု...နတ်ဆိုးဘုရင်နှင့် တိုက်ပွဲတွင် များစွာ အထိနာခဲ့သော ယန် စစ်သည်တော်တို့၏ အရေအတွက်မှာ နည်းပါးနေပြီ ဖြစ်သည့်အတွက် ပုန်ကန်သူတို့ စိတ်အေးနေသည်။
သို့သော်...
သုံးရက်ခန့်အကြာတွင် တောင်ပိုင်းမှ စစ်ချီလာသော စစ်သည်တော်တို့သည် ဟန်ပြသပ်သပ်သာသာ ဖြစ်ကြောင်း ပုန်ကန်သူတို့ သိလိုက်ရချိန်တွင် နောက်ကျသွားချေသည်။သူတို့ဆီသို့အမှန်တကယ်ချီတက်လာသည်မှာ မြောက်ပိုင်းမှာ စစ်သည်တော်များပင် ဖြစ်သည်။ ဆွေဟိုင်းမှာ မြောက်ပိုင်းနှင့် ကပ်လျှပ်ဒေသဖြစ်သည့်အတွက် ပထဝီဝင်အနေအထားတို့မှာ မြောက်ပိုင်းသားတို့အတွက် မစိမ်းပေ...
မြေပြင်အနေအထားပိုမိုကျွမ်းကျင်ပြီး စိတ်ဓာတ်မာကျောသော မြောက်ပိုင်းစစ်သည်တော်တို့၏ အလစ်အငိုက်တိုက်ခံခြင်းကို ခံရသောကြောင့် အရေအတွက်များသော်လည်း ပုန်ကန်သူတို့မှာ တဖြည်းဖြည်းအရေးနိမ့်နေသည်။
လီချန်းယုံသည် သူ့ဆီသို့ အဆက်မပြတ်ရောက်လာသော တိုက်ပွဲ၏သတင်းများကို နားစွင့်ရင်း ယန်နန်းတော်၌သာ ရှိနေသည်။
မြောက်ပိုင်းစစ်သည်တော်တို့နှင့် ထိပ်တိုက် စစ်မျက်နှာပြင်ကို ရှေ့တန်းထွက်ကာ ပုန်ကန်သူတို့ ရင်ဆိုင်နေရသည်ဟူသော သတင်းရောက်လာချိန်၌ လီချန်းယုံက တစ်စုံတစ်ရာကို ဆုံးဖြတ်ပြီးဟန်ဖြင့် မတ်တပ်ရပ်လိုက်သည်။
သူ၏ခြေလှမ်းများက ယခင်ကသို့ အိန္ဒြေကြီးစွာ အေးဆေးတည်ငြိမ်နေပါသော်လည်း သူ၏ နှုတ်ခမ်းလွှာက တင်းတင်းစေ့ထားသည်။
နူးညံ့စွာပြုံးကာ အချိုသာဆုံးသော စကားတို့ကိုသာ ဆိုလေ့ရှိသော အိမ်ရှေ့စံလေးမှာ သူမည်သို့ ပြုံးရယ်ရမည်ကိုပင် မေ့နေဟန်တူသည်။
YOU ARE READING
The True Conqueror [Complete]
Historical FictionTitle - The True Conqueror (အောင်နိုင်သူအရှင်) တောင်ပိုင်ဘုရင်ကြီးလင်းမိုနှင့် မြောက်ပိုင်းအိမ်ရှေ့စံ လီချန်းယုံတို့၏ ကြည်နူးဖွယ် ဒဏ္ဍာရီတစ်ပုဒ်... Name - The True Conqueror (ေအာင္နိုင္သူအရွင္) ေတာင္ပိုင္ဘုရင္ႀကီးလင္းမိုႏွင့္ ေျမာက္ပိုင္းအိမ္ေရွ႕စံ...