EL HOMBRE MAFIA: Franklin Hugo

CHAPTER 79

CHAPTER 79

HAWAK ang puting damit habang papalapit sa altar, pati na rin ang bibliya na kanyang inilapag sa lamesa. Nagsitayuan ang mga tao sa simbahan ng España. Father Franklin Hugo, finally came back as a Priest. Pagkatapos ng apat na taon magmula nang mamatay si Belle, hindi nagdalawang isip ang binata na muling bumalik sa simbahan upang baguhin ang lahat ng pagkakamali na sinimulan ng kanyang ama.

Gusto niyang ibalik ang tiwala nang mga taong naapektuhan sa lahat ng ilegal na transaksyon sa simbahan. Iniwan niya ang buhay sindikato at tuluyang binitiwan si Gael pati si Charm.

He fired his two loyal guards, lalo na si Manang Karing at Manong Boyet. Ang mga tauhan sa El Hombre Mafia na kanyang iniwan. Pero ang hindi alam ni Franklin na nanatiling magkakahawak kamay ang kanyang mga naging tauhan. From El Hombre Mafia to El Hombre Organization. Gawa nang proposal ni Don Vito kay Gael na maging isang organisasyon na lamang ito, hindi tumanggi sila Gael dahil sa mabuting patutunguhan ng grupo.

Natapos ang isang oras na misa, bumalik si Franklin sa kanyang sasakyan upang umuwi sa simpleng bahay na kanyang binili. Payapa lang siyang naninirahan mag-isa, hindi sumasama sa kahit kanino at naging mailap.

Tunay na naging malaki ang epekto ng pagkawala ni Belle sa kanya. Kahit may ilang mga kababaihan na pilit siyang tinutukso para lumabas ng simbahan, wala siyang pakialam dahil ito na ang pangako niya sa sarili na hindi na muling magmamahal ng iba at ipagpapatuloy ang pagiging Pari.

Sa pagbubukas ng kanyang pintuan, halos atakihin ang binata dahil sa kanyang nakita.

"Wala ka man lang reaksyon?!" Bulalas ni Manong Boyet.

"Bakit hindi kayo nagsabi?"

"Bro, you are a changed man. From being a womanizer, flirt guy, party boy to a Priest?" Natatawang sinabi ni Vito.

"Stop, ayoko nang makasalanan. Pero bakit nandito nga kayo? Gael, anong sinabi ko sa 'yo?" Asar na sinabi ni Frank pagkatapos ay umupo sa kabisera dahil nakahanda ang pagkain.

"Sir, we missed you. Apat na taon na ang nakalipas. Tsaka gusto ka sana namin imbitahin para ikasal na kami," wika ni Gael hanggang sa lumabas si Jaica.

Napalunok na lamang si Franklin at pinigilan na lumigid ang luha sa kanyang mga mata. "I'm glad that you are fine."

"I miss you, Frank! Tagal mong nawala!" Bulalas ni Jaica pagkatapos ay niyakap ito.

Franklin tap her arm at inilayo si Jaica. "Gusto ko man na ikasal kayo, pero hindi ako ang nagkakasal sa mga tao rito."

"Why? Bakit naman, Hijo?" Tanong ni Manang Karing.

Nag-iwas tingin si Franklin hanggang sa sumubo pa ito ng pagkain. "Ibang Pari na lang. Hindi ako. Pwede naman akong bisita. Dito ba kayo ikakasal?"

"Sa Pilipinas! May divorce dito baka hiwalayan ako ni Jaica, sir!" Tugon ni Gael pagkatapos ay nilapag ang plane ticket para kay Franklin.

"No... I'm sorry, hindi na ako babalik ng Pilipinas," pagtanggi ni Franklin pagkatapos ay ibinalik ang plane ticket kay Gael.

"Bro, it's your right hand's wedding day. Huwag mo dapat itong palampasin," sabat ni Vito.

"I want to stay here. Best wishes to the both of you. I hope you respect my decision," matamlay na sagot ni Franklin pagkatapos nu'n ay muli siyang kumain kaya naman sinabayan na lamang siya nina Vito, Cassandra, Gael, Charm at Jaica. Habang si Manang Karing at Manong Boyet na lumabas ng tahanan ni Franklin.

"Bakit ka naman lumabas? Hindi ka ba gutom?" Tanong ni Manang Karing sa asawa.

"Apat na taon na ang nakalipas pero hindi pa rin mabuti ang pakiramdam ni Frank. Hindi ito ang batang inalagaan natin."