Back to the Apocalypse

၅၄

(Unicode) သူတိုသည် လျှင်မြန်စွာ သိမ်းကြုံး၍ အရာအားလုံးကို စုစည်းလိုက်ကြသည်။ အခြားသူတွေ ထွက်မလာသေးတာကို မြင်လိုက်ရတော့ သူတိုသည် ဘေးနားရှိဆိုင်သို ပြေးသွားကြသည်။ ပိုင်ကျင်းသည် အသုံးဝင်သည်ဖြစ်စေ၊ အသုံးမဝင်သည်ဖြစ်စေ သူ ရှာဖွေနိုင်သမျှကို ‌စုဆောင်းထားခဲ့သည်။ ဘယ်လိုပဲဖြစ်ဖြစ် သူ၏ လျှိဝှက်နယ်မြေသည် ကြီးမားပြီး ၎င်းကို အလွတ်ကြီးထားရန်မှာ အဓိပ္ပာယ်မရှိပေ။

သိပ်မကြာခင်မှာပဲ အပေါ်ထပ်မှ တခြားလူများ ဆင်းလာခဲ့ကြသည်။ ရှောင်မုန့်ကို ပွေ့ချီထားသည့် လျိုဝေမှလွဲ၍ လူတိုင်းသည် ယာယီအိပ်ယာလိပ် အကြီးစားများဖြင့် ရိက္ခာများအပြည့်ဖြည့်၍ သယ်လာခဲ့ကြသည်။

"ဒါ အကုန်ပဲ... ကျန်တာတွေကတော့ ရှောင်မုန့်ဆီမှာ... စူပါမားကတ်က အရင်တည်းက လုယူခံထားရတဲ့ပုံပဲ... ကြမ်းပြင်ပေါ်မှာ ပုလင်းတွေ၊ ဗူးတွေ၊ ဆန်တွေ၊ ဝိုင်တွေနဲ့ ပြန့်ကျဲနေတယ်... ကျွန်တော်တို ဒီပစ္စည်းတွေကို အရင်ယူချင်တာကြောင့် တတိယထပ်ကိုတော့ မရောက်သေးဘူး... ရှောင်မုန့်နယ်မြေကလည်း ပြည့်နေပြီ"

ရှောင်းဆာက ခေါင်းညိတ်လိုက်ပြီး ထိုပစ္စည်းများကို ပိုင်ကျင်းထံ၌ သိမ်းဆည်းခိုင်းလိုက်သည်။ ကျန်တဲ့သူများက ကားထဲသို ဝင်သွားကြသည်။ သူတိုအဖွဲမှာ အာကာသစွမ်းအား ရှိခဲ့ရင်တောင် တခြား ပြင်ဆင်မှုတွေ လုပ်ထားသင့်သည်။

ပိုင်ကျင်း၏မျက်နှာသည် နီရဲနေပြီး သူ့နှလုံးသားသည် အနည်းငယ် ရှက်ရွံနေသလို ခံစားနေရသည်။ ဒီပြဿနာတွေကို သူ တစ်ခါမှ မစဉ်းစားဖူးဘူး။

ရှောင်မုန့်၏နယ်မြေ လွတ်သွားသည့်အချိန်၌ အခြားသူများသည် စူပါမားကတ်သို ပြန်သွားခဲ့ကြပြီး ရှောင်းဆာနှင့် ပိုင်ကျင်းတိုက လမ်းဘေးရှိဆိုင်များကို တိုက်ခိုက် စုဆောင်းလျက်ရှိသည်။ ထိုသို သုံးကြိမ်တိုင်တိုင် ပြုလုပ်ခဲ့ပြီးနောက် စူပါမားကတ်ရှိ ၎င်းတို ရှာဖွေနိုင်သမျှ အရာအားလုံးမှာ အခြေခံအားဖြင့် ရှင်းလင်းထားပြီးဖြစ်သည်။ သူတိုသည် ကားများဆီသို ပြန်လာခဲ့ကြကာ ခရီးဆက်လာကြသည်။