Back to the Apocalypse

၈၇

(Unicode) သူ၏ခန့်မှန်းချက်မှာ မှန်ကန်သည်။ ကျန်းချိုးချန်သည် ယခုအခါ အမှိုက်တစ်စလို ဖြစ်နေသည့်အတွက် သူ၏နှလုံးသားထဲတွင် ပိုင်ကျင်းကို ကျိန်ဆဲနေရင်း ဖြူဖပ်ဖြူရော်ဖြစ်နေခဲ့သည်။ ယေဘူယျသဘောတရားအရ သူ၏ အရှေ့တွင် အဆင့်မြင့်စွမ်းရည် အသုံးပြုသူသည် ကြားခံအနေဖြင့်ရှိနေပါက နောက်မှလိုက်လာသော ယာဉ်များသည် လုံခြုံနိုင်သည်။ ပုရွက်ဆိတ်များသည် ၎င်းတို့ကို ဖြတ်ကျော်ဝင်ရောက်လာသော Hummer ကို မျက်စိမမြင်သကဲ့သို ပြုမူကာ အနောက်ဘက်ရှိကားများဆီသို အပြေးအလွှား သွားလာနေမည်ကို မည်သူက သိနိုင်ခဲ့မှာလဲ? ဒါသည် ပိုင်ကျင်း၏အစီအစဉ် မဟုတ်ကြောင်း တစ်စုံတစ်ဦးကသာ လာပြောခဲ့မည်ဆိုပါက သူ့ကို သတ်မည်ဆိုရင်တောင် မယုံကြည်နိုင်ဘူး။ သိုသော် အဆုံးသတ်မှာ သူ၏ကိုယ်ပိုင်တွက်ချက်မှုသည် မှားယွင်းနေခဲ့သေးသည်။ ပိုင်ကျင်းမှာ ဒီလိုအစွမ်းအစ ရှိနေလိမ့်မည်ဟု သူ ဘယ်တုန်းကမှ မထင်ထားခဲ့ဘူး။

"ဖာခ့်" ကားပေါ်ရှိလူများအားလုံးသည် သူတို၏စွမ်းရည်များဖြင့် အသည်းအသန် တိုက်ခိုက်နေရင်း ဒေါသတကြီး ကျိန်ဆဲလိုက်ကြသည်။ ကံကောင်းစွာဖြင့် ကျန်းချိုးချန်သည် ခေါင်းဆောင်တစ်ဦးဖြစ်သည်။ သူတို၏ ကားသည် ပြုပြင်မွမ်းမံထားသည့် အရာများထဲမှတစ်ခုဖြစ်ပြီး ကားပေါ်ရှိ လူများအားလုံးသည် အင်အားကြီးပြီး စွမ်းဆောင်နိုင်စွမ်းရှိကြသည်။ ထိုသိုမဟုတ်ပါက ပုရွက်ဆိတ်များ၏အောက်တွင် အသတ်ခံလိုက်ရတာ ဖြစ်နိုင်သည်။

"ဘုန်း! ဘုန်း! ဘုန်း!" ပုရွက်ဆိတ်များ၏လက်များသည် ပြတင်းပေါက်များကို ရိုက်ခတ်လျက်ရှိနေပြီး ကြောက်စရာကောင်းသော ပဲ့တင်သံများ ထွက်လျက် ရှိသည်။ ပုရွက်ဆိတ်တွေက ဘယ်အချိန်မှာ ပြတင်းပေါက်တွေကို ချိုးဖြတ် ထွက်လာနိုင်မလဲဆိုတာ သူတို မသိကြဘူး။ ၎င်းတို့၏ အာရုံခံပစ္စည်းအောက်တွင် ၎င်းတို့၏သွေးသံရဲရဲပါးစပ်များသည် ဟောင်းလောင်းပွင့်လျက်ရှိကြပြီး မှိန်ဖျော့ဖျော့ အလင်းရောင်အောက်တွင် ပွင့်လိုက်၊ပိတ်လိုက်လုပ်နေကြကာ ၎င်းတို့၏သွားများကို ဖော်ထုတ်ပြသထားသည်။ ၎င်းတို၏ အငမ်းမရ စားသောက်လိုနေသည့် စိတ်ဆန္ဒများသည် နယ်မြေတစ်ခုလုံးကို သွေးဆာနေသော အကြောက်တရားများနှင့် ပြည့်နှက်နေစေသည်။