Unicode
"ဒီရက်ပိုင်းအတွင်း ရှင်းကိုခေါ်ထားပေးလို့ကျေးဇူးပါနော် အကို့ကိုရော၊အကိုဇမ်းကိုရော"
ရှင်းအမက ဒီနေ့ပြန်မှာမို့ ရှင်းလည်းအခန်းပြန်လို့ရပြီဖြစ်သည်။ထို့ကြောင့် ရှင်းကအခန်းပြန်ခါနီး ညွှန်းတို့ကိုနူတ်ဆတ်နေခြင်းပင်။ရယ်မှမဟုတ်ဘဲ စကားပြောလိုက်ရင်တောင် ပါးချိုင့်လေးပေါ်ပေါ်လာပုံက အတော်ပင်ချစ်ဖို့ကောင်းပြီး ခပ်အုပ်အုပ်ဆံပင်လေးနဲ့ ရှင်းရဲ့ပုံစံကြောင့် ချစ်စရာကောင်းတဲ့ကလေးလိုဖြစ်နေ၏။
"ရပါတယ်...၊အခုကိုယ့်နေရာကိုယ်ပြန်သွားရတော့မှာဆိုတော့ စိတ်မကျဥ်းကျပ်တော့ဘူးပေါ့"
"စိတ်ကျဥ်းကျပ်တယ်လည်းမဟုတ်ပါဘူး...၊အကိုတို့နဲ့အတူနေရတာပျော်စရာကောင်းပါတယ်"
"ဟုတ်ပါပြီ...၊နောက်ပျင်းရင် အကို့ဆီလာပေါ့"
"ဟုတ်"
"ကဲ ဒါဆို သွားသွား...၊အမစောင့်နေတယ်မလား"
"ဟုတ်...၊ဒါဆိုကျွန်တော်သွားပြီနော်အကို၊အကိုဇမ်းကိုလည်းကျေးဇူးတင်ကြောင်းပြောပေးပါနော်"
"ဟုတ်ပြီ၊အကိုပြောလိုက်မယ်နော်...၊သွား သွား"
ညွှန်းပြောလိုက်တော့ရှင်းလေးက ပြုံးပြရင်း ခေါင်းငြိမ့်သည်။ညွှန်းလည်းအခုမှစိတ်ထဲပေါ့ကာပျော်သွားရ၏။ဇမ်းကတော့ ထွက်လိုက်မလာဘဲ အခန်းထဲနေခဲ့တာမို့ ညွှန်းတစ်ယောက်ထဲပဲထွက်နူတ်ဆက်လိုက်ရတာပင်။သို့ပေမယ့် ဒီတစ်ခါတော့ ဇမ်းအစားအားနာခြင်းဖြစ်တာမျိုးမရှိတော့။ကြည့်ရတာ ပေါင်းတာကြာလို့အကျင့်တွေကူးလာသလားပဲ။သို့ပေမယ့် ထွေထွေထူးထူး ဘာမှတွေးမနေတော့ဘဲ အခန်းထဲ ပြန်ဝင်လိုက်၏။
အကိုအခန်းထဲပြန်ဝင်သွားပြီးနောက် ခဏနေတာနဲ့ ရှင်းကိုယ့်အခန်းထဲ ကိုယ်ပြန်ဝင်လာလိုက်သည်။ရှင်းအခန်းထဲရောက်တာနဲ့ ဧည့်ခန်းက ဆိုဖာမှာထိုင်နေသည့် မမိုးက ထလာကာ သော့ကိုရှင်းဆီပစ်ပေးသည်။
"ငါစောစောပြန်သွားရလို့ နင်ကတော့ပျော်နေမှာပေါ့"
"အဲ့လိုမဟုတ်ပါဘူးမမမိုး"
YOU ARE READING
You are My Bone
Romanceလူတိုင်းပါးစပ်ဖျားမှ ဇမ်းဆိုတဲ့ကောင်က အပေအတေကောင်လို့သမုတ်လဲ သူတို့သတ်မှတ်ချက်အတိုင်းသွားပါစေ.....ကိုယ့်ထမင်းကိုယ်စားပြီး သူများစကားတွေကိုထိုင်ခံစားနေဖို့ အဲ့လောက်ထိ ကျုပ်မှာအချိန်တွေအားလပ်မနေဘူး! ____________ လူတိုင္းပါးစပ္ဖ်ားမွ ဇမ္းဆိုတဲ့ေကာင္က အ...
