Unicode
"ဒါ မစားချင်ဘူး"
ပေါင်မုန့်ကင်ပန်းကန်နဲ့နွားနို့ဖန်ခွက်ကို ဇမ်းဆီပြန်တွန်းပေးရင်းဆိုသည်။အရင်က အိမ်မှာလူမနေတာမို့ ဘာစားသောက်ပစ္စည်းသိပ်မထားပေ။ထို့ကြောင့် အခုရုတ်တရပ်ကြီးရောက်ချလာတာမို့ အိမ်မှာက ပေါင်မုန့်နဲ့နွားနို့သာရှိ၏။အချိန်က အပြင်ထွက်ဝယ်ရင်တောင် ဘာမှရှိမှာမဟုတ်ပေ။ထို့ကြောင့်ရှိနေတာ ပြင်ပေးလိုက်တော့ ဗိုက်ဆာသည်လို့အော်တဲ့လူက နူတ်ခမ်းဆူကာ ငြင်းပြန်သည်။
"လောလောဆယ် ဒါပဲရှိတာ"
ဇမ်းစကားဆုံးတော့ ညွှန်းကာ ထမင်းစားခန်းကို မျက်ဝန်းတွေဝေ့ဝဲကြည့်လိုက်ကာ မျက်နှာလေးကိုသိသိသာသာမဲ့သည်။ဒီလောက်ခမ်းနားတဲ့အိမ်မှာ နွားနို့နဲ့ပေါင်မုန့်ပဲရှိတာတဲ့။
"ငါမှ မစားချင်တာ"
"အဲ့ဆိုဘာစားချင်တာလဲ....၊ကျုပ်ကိုပဲစားမလား"
"ဇမ်း!ငါအကောင်းပြောနေတာ"
"ကျုပ်ကရော နောက်ပြောနေလို့လား"
"မင်းနဲ့စကားမပြောဘူး"
ဗိုက်ကဆာရတဲ့အထဲ အစခံနေရတာကြောင့် ညွှန်းတကယ်စိတ်တိုလာခြင်းပါ။
"ဘာစားချင်လို့လဲ ကျုပ်ကိုပြော"
"........."
"ဦးညွှန်းစာစီဖွဲ့!"
"ဘာလဲ!"
ဇမ်းကအသံမာတော့ ညွှန်းကလည်းခပ်ဆတ်ဆတ်ပြန်ထူးသည်။မျက်ဝန်းလေးတွေကသာမန်ထက်ပိုကာ ဝိုင်းတောက်နေတာမို့ သူ့လူစိတ်ဆိုးနေတာမှန်းဇမ်းသိသည်။တစ်ခါတစ်လေ ဘယ်သူကအကြီး ဘယ်သူကအငယ်မှန်းပြန်မေးရမလို။ဇမ်းကိုယ့်အတွေးနဲ့ကိုယ် နူတ်ခမ်းတို့ကပြုံးယောင်သန်းလာ၏။
"ပြော....ဘာစားချင်တာလဲ....၊ကျုပ်လုပ်ပေးမယ်"
"ကြက်ကြော်"
"အင်း"
"ခေါက်ဆွဲပြုတ်...."
"အင်း..."
"စပ်စပ်"
"ဟင်!"
"ခေါက်ဆွဲပြုတ်စပ်စပ်လေးလို့!"
YOU ARE READING
You are My Bone
Romanceလူတိုင်းပါးစပ်ဖျားမှ ဇမ်းဆိုတဲ့ကောင်က အပေအတေကောင်လို့သမုတ်လဲ သူတို့သတ်မှတ်ချက်အတိုင်းသွားပါစေ.....ကိုယ့်ထမင်းကိုယ်စားပြီး သူများစကားတွေကိုထိုင်ခံစားနေဖို့ အဲ့လောက်ထိ ကျုပ်မှာအချိန်တွေအားလပ်မနေဘူး! ____________ လူတိုင္းပါးစပ္ဖ်ားမွ ဇမ္းဆိုတဲ့ေကာင္က အ...
