Unicode
"အဖဘုရားသခင်၊သားတော်နဲ့သန့်ရှင်းသောဝိညာဥ်တော်တို့ရဲ့နာမတော်ကိုတိုင်တည်၍ ဆုတောင်းဆပ်ကပ်ပါတယ် အာမင်"
ဇမ်း ဘုန်းတော်ကြီးရဲ့ ဝတ်ပြု၊ဘုရားစာဖတ်ခြင်းပြီးစီးအောင်စိတ်ရှည်ရှည်နဲ့စောင့်နေလိုက်သည်။ဘေးက သူ့လူကိုကြည့်တော့ စိတ်ဝင်တစားနားထောင်နေသည့်တိုင် မျက်ဝန်းလေးတွေက တည်ငြိမ်လေးနက်နေသည်။ဇမ်း သူ့လူလက်လေးကို လှမ်းကိုင်လိုက်တော့ ညွှန်းက သူ့ကိုကြည့်ကာ ပြုံးပြလာ၏။
"ခဏနေ မင်း ဖာသာနဲ့စကားပြောရင် ငါအပြင်မှာစောင့်နေမယ်နော်.....၊စောစောကအပြင်ကချယ်ရီပင်အောက်မှာကစားနေတဲ့ကလေးတွေကိုတွေ့ခဲ့တယ်"
သူစကားပြောတဲ့အခါ တစ်ချို့စကားတွေမှာလူပိုရှိနေရင် ပြောရတာ အဆင်မပြေမှာဆိုးလို့ သူ့လူရှောင်ပေးနေမှန်းဇမ်းနားလည်သည်။
"ကျေးဇူးပါ ညွှန်း"
"ဘာမှလည်း မဆိုင်တာကို"
"ဟွန်း!"
ဇမ်းကရိုးရာမပြတ် ဟွန်းခနဲရယ်တော့ ညွှန်းက ပြုံးစစလေးဖြင့် အရှေ့ကိုပြန်လှည့်သွား၏။သိပ်မကြာခင် ဖာသာရဲ့ ဟောပြောခြင်းလည်းပြီးကာ အားလုံးက ဝတ်ပြုခြင်းကိုအဆုံးသတ်လိုက်ကြ၏။ထို့နောက် ဝတ်ပြုဆုတောင်းကြသူတွေလည်း အသီးသီးဘုရားကျောင်းအတွင်းမှထွက်သွားကြလေသည်။အားလုံးထွက်သွားပြီဆိုမှ ညွှန်းကပါ ဇမ်းကိုခေါင်းလေးတစ်ချက်ညိတ်ပြရင်း ထွက်သွားလေသည်။
"တွေ့ဆုံဖို့ပြောထားတဲ့လူငယ်ထင်တယ်"
"ဟုတ်ပါတယ် ဖာသာ"
"ဒီဘက်မှာ လာထိုင်လိုက်ပါ လူငယ်လေး"
"ကျေးဇူးပါ"
ဇမ်း ဖာသာညွှန်ပြပေးသည့် ခုံမှာ ဖာသာနဲ့အတူမျက်နှာချင်းဆိုင်ထိုင်လိုက်သည်။ထို့နောက် ဖာသာပြောလာမည့်စကားတစ်ချို့ကိုအာရုံစိုက်နေလိုက်သည်။
"သိချင်တာကဘာအကြောင်းအရာများလဲ လူငယ်....၊ပုံမှန်အားဖြင့်တော့ ဒီမှာ အပြင်လောကနဲ့ပတ်သတ်တဲ့ကိစ္စတွေ မရှိတာများတယ်ဆိုတော့"
![](https://img.wattpad.com/cover/327871887-288-k583650.jpg)
YOU ARE READING
You are My Bone
Romanceလူတိုင်းပါးစပ်ဖျားမှ ဇမ်းဆိုတဲ့ကောင်က အပေအတေကောင်လို့သမုတ်လဲ သူတို့သတ်မှတ်ချက်အတိုင်းသွားပါစေ.....ကိုယ့်ထမင်းကိုယ်စားပြီး သူများစကားတွေကိုထိုင်ခံစားနေဖို့ အဲ့လောက်ထိ ကျုပ်မှာအချိန်တွေအားလပ်မနေဘူး! ____________ လူတိုင္းပါးစပ္ဖ်ားမွ ဇမ္းဆိုတဲ့ေကာင္က အ...