GTKWF (Myanmar Translation )

Chapter 15

{Unicode}

အပိုင်း ၁၅ | သူမအပြုံးကနေ လှပတဲ့ ပန်းတပွင့် ပေါ်ထွက်လာဖို့ မျှော်လင့်တယ်

ရှိုးပွဲအပြီးတွင် ဂုဏ်ပြုညစာစားပွဲကျင်းပကာ ဟော့ရှီးက လူအားလုံးနှင့် တကြိမ်ဆီသောက်ပြီးနောက် သူ့အခန်းဆီ ပြန်ချိန်တွင် မနက်အစောပိုင်းဖြစ်သည်။ ဖုန်းလှမ်းယူကာ သူ့ပရိသတ်အားလုံး အိမ်ပြန်ရာလမ်းတစ်လျှောက် လုံခြုံရေးဂရုစိုက်ဖို့ ပို့စ်တင်လိုက်ပြီးနောက် မနေ့က hot search ထိ ရောက်သွားတဲ့ ကော်ဇောနီလျှောက်လမ်းအကြောင်း ရှာကြည့်လိုက်သည်။

ဓါတ်ပုံထဲရှိ ရှန့်ချောင်မှာ သူ့အတွေးထဲမှ မိမိကိုယ်ကို ယုံကြည်မှုနည်းပြီး သတ္တိမရှိတဲ့ မိန်းကလေးပုံစံနှင့် လုံးလုံးမှ မတူချေ။

သူ ထိုအကြောင်းတွေးလိုက်ကာ ဖုန်းခေါ်လိုက်သည်။

ဖုန်းဝင်သွားပြီးနောက် နားကြပ်ထဲရှိ အသံမှာ အမြဲတစေ ပြုံးပျော်လျက်ရှိသည်။

"ဟော့ရှီး၊ ရှင့်ဂုဏ်ပြုပွဲပြီးသွားပြီလား?"

သူမ သူ့အကြောင်း သေချာနားလည်လေသည်။

"မင်း ဒီနေ့ ရောက်လာသေးလား?"

"ဒါပေါ့၊ ကျွန်မ ဓါတ်ပုံအများကြီးရိုက်ခဲ့တယ်"

သူမ အချိန်အတော်ကြာ စိတ်ဓါတ်ကျနေမည်ဟု သူ တွေးထားခဲ့ခြင်းဖြစ်သည်။ သူ့ရှိုးပွဲကို ကြည့်ဖို့ သူမစိတ်ပါမည်ဟု သူ မမျှော်လင့်ထားခဲ့ပေ။

ခဏမျှ တုံ့ဆိုင်းပြီးနောက် ဟော့ရှီးက

"ငါ အစောပိုင်းက ရှိုးပွဲအတွက် ပြင်နေရလို့ အချိန်သိပ်မရှိဘူး"

အမှန်တကယ်တော့ အသံသွင်းဖိုင်နဲ့ ပတ်သက်ပြီး သူ ဂရုတစိုက်ရှိလိုခဲ့သည်။ အခုတွင်တော့ အသိုင်းအဝိုင်းထဲရှိ လူအားလုံး သက်ပြင်းချနေလေပြီ။

ရှင်းယောင်မီဒီယာက သူမစိန်ခေါ်သလိုမျိုး အဝတ်မဲ့ဓါတ်ပုံတွေ ထုတ်မပြလာပေမဲ့ သူမဂုဏ်သိက္ခာကိုတော့ ညစ်နွမ်းစေဖို့ ကြိုးပမ်းလာသည်။ သူမ ဘယ်လိုစိတ်ထားမျိုးနဲ့များ အပြင်ထွက်နိုင်ရတာလဲ? အင်တာနက်လောကတခုလုံး၏ ကိုယ်ချင်းစာတရားကို သူမ ရလိုက်သော်လည်း အတွင်းလူတွေ မျက်လုံးထဲတွင်တော့ ဒီကိုယ့်ကိုကိုယ် ထိခိုက်စေတဲ့ ဂုဏ်သတင်းက ဆုံးရှုံးမှုများလွန်းသည်။