{Unicode}
အပိုင်း ၄၉
ရှန့်ချောင်က အဆင့်မြင့် Horror Show 'Escape from Life' တွင် ပါဝင်မည်မှန်း သိပြီးတဲ့နောက် အသိုင်းအဝိုင်းအတွင်းရှိ သူငယ်ချင်းများက သူတို့၏ ဝမ်းနည်းကြေကွဲမှုကို ဖော်ပြလာသည်။
ကျုံးရှန်း - "အခက်အခဲတွေကို ကျော်ဖြတ်တဲ့နေရာမှာ မင်းရဲ့ သတ္တိကို ငါလေးစားသွားပြီ၊ တကယ်လို့ မင်းကြောက်ရင် ဗီဒီယိုကော ခေါ်လိုက်"
ဖုကျီချင်း - "ပရိုဂရမ်ထဲက Extra အားလုံးက ဝတ်စုံဝတ်ထားတဲ့သူတွေ၊ အဲ့ချိန်ကျရင် ပီဒီကလည်း မင်းနောက်လိုက်ပြီး ရိုက်ကူးနေမှာ၊ ကိုယ့်စိတ်ကိုယ် မခြောက်နဲ့"
လဲ့ရှောင်က သူမကို မေးခွန်းထုတ်သည်။
"ချောင်ချောင်၊ နင် သရဲကြောက်တတ်မှန်း နင့်အေးဂျင့်က သိရဲ့သားနဲ့ နင့်ကို horror show ရိုက်ခိုင်းတယ်၊ သူ နင့်ကို ကောင်းကောင်းမဆက်ဆံဘူးလား? နင် အနိုင်ကျင့်ခံနေရရင် သည်းမခံနဲ့၊ ထုတ်ပြောလိုက်"
နောက်တစ်စက္ကန့်အကြာတွင် သူမသဘောထားကို ပြောင်းလဲကာ ရှက်ရွံ့စွာ ဆိုလာသည်။
"ချောင်ချောင် နင် ရှန်ကျွင့်ယီးနဲ့ အတူရိုက်ရမှာ မနာလိုလိုက်တာ၊ နင် အချိန်ရရင် ငါ့ကို လက်မှတ်ကူတောင်းပေးပါလား?"
ရှန့်ချောင် - "သူ့လက်မှတ်ယူပြီး နင်ဘာလုပ်မှာလဲ? ငါ နင့်ကို ဟော့ရှီးလက်မှတ်ပေးမယ်"
လဲ့ရှောင် - "...... ဟော့ရှီးဟာ မလိုချင်ဘူး၊ ငါ သူ့ဖန်မဟုတ်ဘူး၊ ရှန်ကျွင့်ယီး လက်မှတ်ပဲ လိုချင်တယ်"
ရှန့်ချောင် - "နင်ဒီလောက်ထိ ပုန်းကွယ်နေမယ်လို့ ငါ မထင်ထားဘူးဟမ်? ပြီးခဲ့တဲ့တစ်ခေါက် ငါ နင့်ကို ဟော့ရှီးကို မဲပေးခိုင်းတုန်းက နင် ရှန်ကျွင့်ယီးကို မဲပေးတယ်၊ ငါ ထင်တာ နင်လက်ချော်သွားတာလို့၊ ဒီလိုဆိုတော့ တမင်တကာပေါ့လေ?"
လဲ့ရှောင် - "... ဘယ်လိုပဲဖြစ်ဖြစ် ဟော့ရှီးက ငါ့မဲကို မလိုဘူးလေ၊ နောက်ပြီး ကျိန်းသေပေါက် ငါ့အချစ်ဆုံးမောင်ငယ်လေးကို မဲပေးရမှာပေါ့"
ရှန့်ချောင် - "ရှောင်ရှောင် သူငယ်ချင်းတွေကြားထဲမှာ မလုပ်သင့်ဆုံးက ဘာလဲ သိလား?"
YOU ARE READING
GTKWF (Myanmar Translation )
RomanceTitle: Get to Know about Wife Fan Author: Chun Dao Han Chapters: 167 chapter This is just a fan translation Credit to original author Start Date - End Date -
