{Unicode}
အပိုင်း ၁၀၈.၁
လေယာဉ်မယ်၏ ချိုမြိန်သည့် ကြေညာသံပေါ်ထွက်လာသည်။
"ခရီးသွားဧည့်သည်တော်များရှင့်၊ ကျွန်မတို့ရဲ့ လေယာဉ်ဟာ မကြာခင်မှာ စတင်ထွက်ခွါတော့မည်ဖြစ်ပါ၍ ကျေးဇူးပြုပြီး လူကြီးမင်းတို့၏ လက်ကိုင်ဖုန်းများနှင့် အခြားအီလက်ထရောနစ်ပစ္စည်းများအား စက်ပိတ်၍သော်လည်းကောင်း (သို့) Flight mode သို့ပြောင်းပေးထားပါရန်၊ မိမိတို့ရှေ့တွင်ရှိသော စားပွဲများကို ခေါက်သိမ်းပေးပါရန်နှင့် ထိုင်ခုံများအား တည့်မတ်စွာ ထားပေးပါရန် မေတ္တာရပ်ခံအပ်ပါသည်။ ထိုင်ခုံခါးပတ်များကိုလည်း သေချာစွာ တပ်ဆင်ထားပေးပါရန် မေတ္တာရပ်ခံအပ်ပါသည်။"
ဟော့ရှီးသည်လည်း ဖုန်းတစ်ဖက်ရှိ ကြေညာချက်အား ကြားရပြီးနောက် နွေးထွေးစွာဖြင့် ဆိုသည်။
"မင်း ဟိုကိုရောက်ရင် ကိုယ့်ဆီ မက်ဆေ့ချ်ပို့"
ရှန့်ချောင်မှာ ဖုန်းချရန် တွန့်ဆုတ်နေသော်လည်း ဖုန်းချရန်သာ တတ်နိုင်ပြီး ဝမ်းနည်းတကြီးဖြင့် ခပ်မတ်မတ်ပြင်ထိုင်လိုက်သည်။ သူမဘေးတွင် ချီလျန်က မဂ္ဂဇင်းတစ်အုပ်ကိုင်ကာ ထိုင်နေသည်ကို မြင်လိုက်ရသည်။ သူက မျက်စိတစ်ဖက်မှိတ်ပြကာ လေသံတိုးတိုးဖြင့် မေးသည်။
"ရှောင်ချောင်၊ မင်း ရည်းစားထားနေတာလား?"
ရှန့်ချောင်က ထပ်ခါတလဲလဲ ငြင်းဆိုသည်။
"မဟုတ်ပါဘူး!"
ချီလျန် - "ဒါဆို မင်း ဘာလို့ တိတ်တိတ်လေး ဖုန်းခိုးဖြေတာလဲ?"
ရှန့်ချောင် - "ရှင့်ကို နှောင့်ယှက်မိမှာ စိုးလို့ပါ"
လေယာဉ်မယ်များက လုံခြုံရေးစစ်ဆေးချက်များ ပြုလုပ်ရန် ခပ်မြန်မြန်လာရောက်သည်။ ပြန်ထွက်မသွားခင်တွင် လေယာဉ်မယ်တစ်ယောက်က စိတ်လှုပ်ရှားမှုအား ချုပ်တည်းထားရဟန်ဖြင့် ရှန့်ချောင်ထံ ဆိုလာသည်။
"ချောင်ချောင်၊ ရှင် တကယ်လို့ တစ်ခုခုလိုရင် ကျေးဇူးပြုပြီး ကျွန်မကို ခေါ်လိုက်နော်၊ ကျွန်မက ရှင့်ပရိသတ်ပါ"
أنت تقرأ
GTKWF (Myanmar Translation )
العاطفيةTitle: Get to Know about Wife Fan Author: Chun Dao Han Chapters: 167 chapter This is just a fan translation Credit to original author Start Date - End Date -