GTKWF (Myanmar Translation )

Chapter 141.1

{Unicode}

အပိုင်း ၁၄၁.၁

ပန်းခင်းအား ကျော်ဖြတ်လာပြီးနောက် ပို၍ ဝေးဝေးလျှောက်လာလေ ပို၍ ခေါင်သီလာလေပင်။ ပတ်ဝန်းကျင်ရှုခင်းမှာ မဲမှောင်၍ သွေးစွန်းနေလျက်ရှိသည်။ ရှန့်ချောင် အနည်းငယ် ကြောက်ရွံ့လာကာ ဝိညာဉ်လမ်းမထက်တွင် အခြားသော တာဝန်များ ရှိမရှိ ပြန်လှည့်ကြည့်ရန် ဆုံးဖြတ်လိုက်သည်။

အရိပ်အမှောင်များအကြားမှ အဖြူ အမဲ ပုံရိပ်နှစ်ခု လေပေါ် မျောလွင့်လာသည်ကို သူမ မြင်လိုက်ရသည်။  မျောလွင့်လာသည်ဟု ပြောသည်မှာ မမှန်လှ။ အမှန်အားဖြင့် ထိုသူနှစ်ဦးမှာ ခြေဖျားထောက် လမ်းလျှောက်လာခြင်းဖြစ်ပြီး ခြေဖနောင့်များ မြေပေါ် ထိခြင်းမရှိပဲ သူတို့ လမ်းလျှောက်နေသည့် ပုံစံမဇာ အလွန်တရာ ထူးဆန်းလှသည်။

နှစ်ဦးသားမှာ အမဲနှင့် အဖြူအသီးသီး ဝတ်ဆင်ထားသည်။ အမဲဝတ်ဆင်ထားသူက 'ငါတို့ မင်းကို လာကြိုတယ်' စာတန်းပါသည့် ဦးထုပ် ဆောင်းထားကာ အဖြူလူဆောင်းထားသည့် ဦးထုပ်ပေါ်တွင်မူ 'မင်းလည်း ဒီမှာပဲ' ဟူ၍။ နှစ်ဦးစလုံးမှာ မြေအောက်ကမ္ဘာမှ ဖြစ်ကြောင်း သိသာထင်ရှားသည်။

ရှန့်ချောင် အငိုက်မိသွားကာ ထိတ်လန့်သွားရသည်။ သူမ 'အမေရေ' အော်ကာ နောက်လှည့်ထွက်ပြေးတော့သည်။

အနက်ရောင်လူက ခြေဖျားထောက်ရာမှ ရပ်လိုက်ကာ သူမနောက် အလျှင်အမြန် ပြေးလိုက်လာသည်။ ရှန့်ချောင် နောက်လှည့်ကြည့်ကာ ထိုသူနှစ်ဦး နီးကပ်လာသည်ကို မြင်လိုက်ရသည်။ ထိတ်လန့်လွန်းသဖြင့် 'ကယ်ကြပါဦး' အော်ရင်း ထွက်ပြေးတော့သည်။

မည်သို့ပင်ဆိုစေ ငယ်ရွယ်သန်မာသည့် ယောကျ်ားနှစ်ယောက်အား သူမ ကျော်မပြေးနိုင်ပဲ မကြာခင်မှာပင် အမှီလိုက်လာခဲ့သည်။ ရှန့်ချောင် မျက်လုံးအုပ်ကာ နေရာမှာတင် အော်ဟစ်လာခြင်းက အနက်ရောင်လူအား ဒေါသထွက်သွားစေကာ ရှန့်ချောင်ထံ လှမ်းအော်လာသည်။

"မင်းနာမည် ဘာလဲ? မင်း နည်းနည်းလောက် သရဲ ဂုဏ်သိက္ခာထိန်းလို့မရဘူးလား?"

ရှန့်ချောင်လည်း ပြန်အော်သည်။

"သရဲက သရဲ ကြောက်လို့မရဘူးလား? နင်တို့ ငါ့နောက် ဘာလို့ လိုက်နေတာလဲ?"