GTKWF (Myanmar Translation )

Chapter 28

{Unicode}

အပိုင်း ၂၈ | နင့်ပရိသတ်တွေကို နင့်မျက်နှာ သွားပြလိုက်ဦး

Variety Show တွင် နှစ်ရက်မျှနေထိုင်ပြီးနောက် ရှန့်ချောင်၏ စိတ်အခြေအနေမှာ မူလအတိုင်းပြန်ဖြစ်လာသည်။ သူမ၏အလှတရားမှာလည်း အရင်တိုင်းပြန်ဖြစ်လာကာ သူမမျက်နှာက နောက်ထပ်အလှတန်ဖိုးတစ်ခု ထပ်တိုးလာသည်။ သူမ Weibo follower အရေအတွက်မှာ နေ့စဉ်တိုးတက်နေသည်ဟု ဆိုကြကာ မကြာမှီမှာပင် 8 မီလီယံ ပြည့်သွားသည်။

[ချာချာက သူမထံ မက်ဆေ့ချ်ပို့လာသည်။ 'ဥက္ကဌ၊ ပရိသတ် 8 မီလီယံပြည့်တဲ့အတွက် ချောင်ချောင်ဆီက လက်ဆောင်တောင်းပေးပါလား၊ သူ့နာမည်က တဖြည်းဖြည်းတက်နေတာ၊ ပရိသတ်များတာ အရေးကြီးတယ်!!]

ရှန့်ချောင် စဉ်းစားကာ သဘောတူလိုက်သည်။

ရှန့်ချောင်၏ Weibo acc ထံမှ ပိုစ့်အသစ်တက်လာဖို့ ကြာကြာ မစောင့်လိုက်ရချေ။

@ShengQiao: Follower  ၈ မီလီယံပြည့် အထိမ်းအမှတ်။ ဂိမ်းထဲ Penta kill ယူပြခြင်း

အောက်မှာ အတူတွဲတင်လာသည်မှာ Honor of kings မှ ဗီဒီယိုဖြစ်သည်။ ရှန့်ချောင်၏ ဟီးရိုးမှာ သူ့အနီရောင်အရိပ်နှင့်အတူ မည်သည်ကိုမှ အသက်ရှင်ချန်မထားသော အာကီ နတ်ဆိုးဖြစ်သည်။ သူမက ကျားတစ်ကောင်လို လက်ရဲဇက်ရဲရှိကာ Penta kill ကို လွယ်လင့်တကူ ယူသွားသည်။

အင်တာနက်အသုံးပြုသူများ - [Awesome!!]

ပရိတ်သတ်များ - [ဝူး..ဝူး.ဝူး... တခြားသူတွေက လက်ဆောင်အနေနဲ့ သူတို့ဆယ်လ်ဖီပုံတင်ကြတယ်။ ငါတို့ကတော့ အေးစက်တဲ့ သတ်ဖြတ်မှု ဗီဒီယိုကို ကြည့်နေရတယ်]

***
တိုက်ရိုက်ထုတ်လွှင့်မှုအစီအစဉ်မှာ ပေါ့ပါးလွယ်ကူပြီး ပျော်စရာကောင်းလှသည်။ ထိုကဲ့သို့ စိတ်သက်သောင့်သက်သာဖြစ်စေသော ရှိုးအစီအစဉ်ကို ကောင်းမေလင်က ရှန့်ချောင်ကို ဘယ်ခံစားခွင့်ပြုမလဲ? ထို့ကြောင့် နှစ်ရက်အကြာတွင် ဖန်းပိုင်က ရိုက်ကူးရှိရာဆီ မျက်နှာမဲမှောင်လျက် ရောက်လာပြန်သည်။

"ကြယ်ပွင့်ပြိုင်ပွဲ?"

လက်ရှိ Variety show အစီအစဉ်နာမည်များမှာ ပို၍ ပို၍ ဖန်စီကျလာသည်ဟု ရှန့်ချောင် ခံစားရသည်။