{Unicode}
အပိုင်း ၇၀.၁
အိမ်ရှေ့စံက အတင့်ရဲစွာပင် သူ ပုန်ကန်ကြောင်းဆိုလာခြင်းက ရှိနေသည့်အရံသရုပ်ဆောင်အားလုံးကို အံ့အားသင့်သွားစေသည်။ ရှန့်ချောင်က အခွင့်အရေးကို အမိအရယူကာ အထဲခိုးဝင်ပြီး ကျီကျားယို့ကို တိုင်တွင်ချည်ထားသည်ကို မြင်လျှင် ခပ်မြန်မြန် ကြိုးဖြည်ပေးလိုက်သည်။
သူမ ခိုးထွက်နေချိန်တွင် ဖိရားငယ်သည်လည်း ဒါရိုက်တာ၏ အချက်ပြမှုကို လက်ခံရရှိကာ အိဒ္ဒြေဆယ်လိုက်ပြီး ရဲမက်များထံ အမိန့်ပေးသည်။
"အရှင့်သားက မဟုတ်တမ်းတရား လျှောက်ပြောနေတာပဲ၊ ကျိန်းသေပေါက် လူရမ်းကားတွေ သွေးထိုးတာပဲ ဖြစ်ရမယ်၊ အရင်ဆုံး အိမ်ရှေ့စံကို အရှေ့နန်းဆောင်ဆီ ခေါ်ဆောင်သွား၊ ပြီးတော့ လူရမ်းကား...."
နေဦး၊ လူရမ်းကားက ဘယ်မှာလဲ?
လှမ်းကြည့်ချိန်တွင် ဗီလိန်ဖြစ်သူမှာ နံရံကျော်တက်ကာ ထွက်ပြေးနေလေပြီ။
နံရံထောင့်စွန်းတနေရာတွင် ကြီးမားသည့် ရေစည်တစ်ခုရှိပြီး ရှန့်ချောင်နှင့် ကျီကျားယို့က ရေစည်တစ်ဖက်တစ်ချက်ကို နင်းကာ နံရံကို တွဲလွဲခိုပြီး ကျော်တက်သွားခြင်းဖြစ်သည်။
နောက်မှ လိုက်ပါလာသူ ကင်မရာသမားနှစ်ယောက်မှာ တစ်ယောက်ကို တစ်ယောက် စိတ်ပျက်လက်ပျက်လှမ်းကြည့်လိုက်ပြီး ပခုံးပေါ် ကင်မရာများထမ်းလျက် တံခါးမှ ဖြတ်ကာ လိုက်ရသည်။
ရှန်ကျွင့်ယီးက လှမ်းအော်သည်။
"ခွေးကောင်တွေ!! မင်းတို့ တိုက်ခိုက်ရဲလား! မင်းတို့ ခေါင်းတွေကို ဒီမင်းသားက ဖြတ်ပြီး ငါ့ခမည်းတော်နဲ့ အတူမြုပ်ပစ်မယ်!!"
ဇာတ်ဝင်ခန်းကား ရုတ်ရုတ်သဲသဲ။
ကျီကျားယို့က ပြေးနေရင်း လှမ်းမေးသည်။
"အစ်ကို ကျွင့်ယီးကို ဘယ်လိုလုပ်ကြမလဲ?"
ရှန့်ချောင် - "ဘယ်လိုပဲဖြစ်ဖြစ် သူက အရှေ့နန်းဆောင်က ငတုံးအိမ်ရှေ့စံပဲ၊ ဘယ်သူမှ သူ့ကို ထိရဲမှာ မဟုတ်ဘူး"
CZYTASZ
GTKWF (Myanmar Translation )
RomansTitle: Get to Know about Wife Fan Author: Chun Dao Han Chapters: 167 chapter This is just a fan translation Credit to original author Start Date - End Date -
