{Unicode}
အပိုင်း ၆၄.၂
နောက်ဆုံးတွင် ဆွဲဆောင်မှုကို မလွန်ဆန်နိုင်သည့် ရဲဘော်ရှန့်ချောင်မှာ ခပ်မြန်မြန်ရေချိုးပြီးနောက် ထင်သာမြင်သာမှုမရှိသည့် အဝတ်အစားကို လဲလှယ်လိုက်သည်။ အချိန်ရောက်လာချိန်တွင် ဦးထုပ်နှင့် Mask တပ်လိုက်ကာ အပြင်ထွက်ဖို့ မစောင့်နိုင်တော့ချေ။
ရှန့်ချောင် ခန်းမအပြင်ဘက်သို့ ရောက်ရှိချိန်တွင် အထဲတွင် တီးလုံးသံခပ်တိုးတိုးပင် ပျံ့လွင့်နေလေပြီ။ ရှန့်ချောင် လျန်ရှောင်ထန်ကို လှမ်းခေါ်လိုက်ကာ လမ်းမပေါ်ရှိ သတင်းစာဆိုင်နားတွင် တွေ့ဆုံသည်။
ရင်းနှီးနေသည့် သူမဝတ်စားဆင်ယင်ပုံကို မြင်တွေ့ပြီးနောက် လျန်ရှောင်ထန်က ဆိုသည်။
"စိတ်ချ! ဘယ်သူမှ မမှတ်မိနိုင်ဘူး!!"
ထို့နောက် ဆက်မေးသည်။
"ဆိုင်းဘုတ်ယူလာသေးလား? ဒီနေ့ညက ပရိသတ်အားပြိုင်ပွဲဖြစ်မှာ!"
ရှန့်ချောင် သူမအိတ်ထဲမှ ရွှေရောင်စာလုံးဖြင့် ရေးသားထားသည့် "ရှီး" ဆိုင်းဘုတ်ကို ထုတ်ယူလာသည်ကို မြင်လျှင် လျန်ရှောင်ထန် မပြုံးပဲ မနေနိုင်ပေ။
"ဘုရားရေ! ဆိုင်းဘုတ်ပါ ပါလာတာပဲ၊ မယူလာလောက်ဘူးထင်လို့ တစ်ခုအပိုယူလာပေးသေးတယ်"
နှစ်ဦးသား လုံခြုံရေးဂိတ်ဆီ ဦးတည်လိုက်သည်။
လက်ရှိအချိန်တွင် အနုပညာရှင်များရော ပရိသတ်များပါ ခန်းမထဲသို့ ဝင်ရောက်နှင့်ပြီးဖြစ်သည်။ လုံခြုံရေးက စကားများများ မဆိုသည့်အပြင် သူမကိုပင် အာရုံမစိုက်ချေ။ ရှန့်ချောင် သက်ပြင်းချနိုင်သွားကာ လျန်ရှောင်ထန်နှင့်အတူ လက်မှတ်အတိုင်း ခန်းမထဲသို့ ဝင်လာခဲ့သည်။
ရှန့်ချောင် အထဲရောက်သည်နှင့် ရွှေရောင်မီးများနှင့် အနီရောင် မီးပင်လယ်တို့ကြောင့် မျက်ဝန်းများ ကျိန်းစပ်သွားရသည်။
ရှန့်ချောင် - "ရှန်ကျွင့်ယီးရော ဒီညလာမှာလား?"
လျန်ရှောင်ထန် - "အင်း!! ဒါကြောင့် ကျိန်းသေပေါက် အားပေးရမယ်!"
YOU ARE READING
GTKWF (Myanmar Translation )
RomanceTitle: Get to Know about Wife Fan Author: Chun Dao Han Chapters: 167 chapter This is just a fan translation Credit to original author Start Date - End Date -
