{Unicode}
အပိုင်း ၁၂၉
ကြည့်နေသည့် လူအုပ်ကြီးကား စိတ်ရှုပ်ထွေးနေဆဲ။
ဖုဟုန်က ဖုယွီချွမ်းထံ လှမ်းမေးသည်။
"သူတို့က ဘာတွေလဲ?
ဖုယွီချွမ်းက တခဏမျှ တွေးတောပြီးနောက်
"သူငယ်ချင်းတွေ ထင်တယ်၊ ဟုတ်တယ်မလား? သူတို့က တီဗီစီးရီးအတူ တွဲရိုက်ဖူးတော့ နှစ်ယောက်ကြားက တော်တော်လေး ဆက်ဆံရေးကောင်းပုံရတယ်"
ဖုဟုန်က တွေးတွေးဆဆဖြင့် ခေါင်းညိတ်သည်။
သူ့ဘေးနားရှိ လူသစ်မှာ အဆုတ်ကွဲမတတ် သံကုန်အော်ဟစ်နေသည်။
"ဟော့ရှီးက အရမ်းမိုက်တာပဲ! ရှန့်ချောင်ကို စတိတ်စင်ပေါ်မှာ ကိုယ်တိုင်ကိုယ်ကျ နည်းလမ်းပြလိုက်သေးတယ်၊ မနာလိုလိုက်တာ၊ ဒါ ဖန်တွေအတွက် များလွန်းသွားပြီ!"
လူအချို့က ခပ်သောသော ရယ်လာသည်။
ရှန့်ချောင် ခပ်မြန်မြန်ပင် စတိတ်စင်ပေါ်မှ ဆင်းလာကာ အခြားသူများအား နှုတ်ဆက်ပြီးနောက် ယဉ်ယဉ်ကျေးကျေး ဆိုသည်။
"အချိန်ဖြုန်းမိတဲ့အတွက် တောင်းပန်ပါတယ်၊ လူတိုင်း အစမ်းလေ့ကျင့်မှု ချောမွေ့စေဖို့ ဆုတောင်းပါတယ်"
လူအများစုက လက်ယမ်းကာ 'အဆင်ပြေကြောင်း' ဆိုကြသည်။
စင်နောက်ဘက် ကော်ရစ်တာအား ဖြတ်သွားချိန်တွင် ဝန်ထမ်းများ ဝိုင်းအုံနေသည့် တံခါးပေါ်တွင် 'ဟော့ရှီး' နာမည်ကဒ်ပြား ချိတ်ဆွဲထားသည့် အခန်းအား တွေ့လိုက်ရသည်။ ထိုအခန်းအား တချက်မျှပင် လှည့်မကြည့်ပဲ သူမ ကျော်ဖြတ်သွားသည်။ ပေ့မင်းဖန် ရယ်မောချင်စိတ်အား ဖုံးဖိကာ ချီးကျူးလိုသည့် အကြည့်တချက် ပို့လွှတ်သည်။
သူမ၏ နားနေခန်းသို့ ပြန်ရောက်ချိန်တွင် ဒါရိုက်တာ ရောက်ရှိလာကာ မနက်ဖြန်တွင် ထုတ်လွှင့်မည့် တိုက်ရိုက်ထုတ်လွှင့်မည့်အစီအစဉ်အား ရှင်းပြကာ ရှန့်ချောင်က အချက်တစ်ခုချင်းစီ ချရေး၍ မှတ်သားသည်။
ရှင်းပြမှုများ ပြီးဆုံးသည်နှင့် ပေ့မင်းဖန်က
"ဒါဆို သွားရအောင်"
YOU ARE READING
GTKWF (Myanmar Translation )
RomanceTitle: Get to Know about Wife Fan Author: Chun Dao Han Chapters: 167 chapter This is just a fan translation Credit to original author Start Date - End Date -
