{Unicode}
အပိုင်း ၃၅
နောက်တစ်နေ့မနက်တွင် ရှန့်ချောင် သူမ၏ ကြီးမားလှတဲ့ luggage ကို ဆွဲကာ လေဆိပ်ဆင်းလာသည်။
တက်စီသမားက သူမကို မှတ်မိသွားကာ အမှတ်တရလက်မှတ် တောင်းဆိုလာတာမို့ ရှန့်ချောင် 'Happy New Year' ဟုရေးကာ လက်မှတ်ထိုးပေးလိုက်သည်။ နှစ်ကူးအကြိုရောက်ဖို့ ရက်အနည်းငယ်လိုသေးကာရာသီဥတုက အေးစက်နေပေမဲ့ ပတ်ဝန်းကျင်အခြေအနေက မြူးကြွကာ ပွဲတော်ချိန်ခါဖြစ်နေဆဲပင်။
သူမ၏ ကိုယ်ပိုင်ခရီးစဉ်အတွင်း မည်သည့်ပရိသတ်မှ လိုက်မပို့ပဲ လူတိုင်းက သူတို့၏ နွေးထွေးတဲ့အိမ်ဆီ အပြေးပြန်နေကြသည်။ ရှန့်ချောင်သည်လည်း ထိုနည်းတူဖြစ်ကာ ဇာတိမြေရောက်ချိန်တွင် နေ့လယ်ခင်းဖြစ်နေလေပြီ။
သူမပြန်လာမည့်အကြောင်းကို ရှန့်အမေထံ ကြိုတင်အကြောင်းကြားထားပြီးဖြစ်ကာ သူမ တံခါးမှ ဖြတ်ဝင်လာသည်နှင့် တပြိုင်နက် မွှေးပျံ့သည့်ထမင်းအနံ့ကို ရလိုက်သည်။ ရှန့်အမေက ဝှီးချဲနှင့်သာ သွားလာနိုင်သော်လည်း နှစ်ပေါင်းများစွာကြာပြီးသည့်နောက် အလေ့အကျင့်ရပြီးဖြစ်ကာ နေအိမ်ရှိ ပစ္စည်းကိရိယာအားလုံးမှာ သူမ၏ အရပ်အမြင့်နှင့် တိုင်းထွာထားခြင်းဖြစ်သည်။
ရှန့်ချောင် ခုန်ဆွခုန်ဆွဖြင့် သူမအမေကို ပွေ့ဖက်လိုက်ပြီးနောက် ချိုချိုမြိန်မြိန်ပြုံးကာ အော်လိုက်သည်။
"မား သမီးပြန်လာပြီ၊ သမီးကို လွမ်းလား?"
ရှန့်အမေက သူမခေါင်းကို ပွတ်သပ်လိုက်ကာ တီဗီကို ညွှန်ပြရင်း သူမနဖူးကို နမ်းလိုက်သည်။
"နင့်ကို နေ့တိုင်းမြင်နေရတာလေ"
တီဗီစင်၏ အောက်ဆင့်တွင် ဟောင်းနွမ်းနေသည့် DVD Player တခုရှိကာ နေရာအတော်များများတွင် ရောင်းချခြင်းမရှိတော့သော်လည်း ရှန့်အမေက အသုံးပြုနေဆဲဖြစ်သည်။ မြို့ရှိ ဗီဒီယိုခွေအရောင်းဆိုင်တွင် သူမသမီး၏ ရုပ်ရှင်ဇာတ်လမ်းတွဲခွေအားလုံးကို ဝယ်ယူထားခဲ့ကည နေ့စဉ်နေ့တိုင်း သူမအိမ်တွင် အကြိမ်ပေါင်းမရေတွက်နိုင်အောင် ဖွင့်ကြည့်သည်။
VOUS LISEZ
GTKWF (Myanmar Translation )
Roman d'amourTitle: Get to Know about Wife Fan Author: Chun Dao Han Chapters: 167 chapter This is just a fan translation Credit to original author Start Date - End Date -
