ဝိန်းရိဖန်တစ်ယောက် စန်းရန်က ကားအနောက်ခန်းထဲသို့ဝင်သွားပြီး အလယ်တည့်တည့်၌ဝင်ထိုင်နေသည်အား ကြောင်အမ်းရင်းရပ်ကြည့်နေမိသည်။အခြားတစ်ဖက်တွင် ထိုင်နေသည့်သူက စုဟောက်အန်း။အရှေ့ခုံ၌ထိုင်နေသည့် ကျုံးစစ်ချောင်က လှည့်ကြည့်လာပြီး
"ဖန်ဖန်..ကားထဲဝင်လေ"
ဝိန်းရိဖန်က 'အင်း'ဟု အသံတစ်ချက်ပြုရင်း ကားထဲဝင်လာခဲ့သည်။
ကားတံခါးပိတ်ပြီးသွားသည်နှင့် စုဟောက်အန်းက အဓိပ္ပါယ်ပါပါပြုံးပြရင်း
"မင်းတို့နှစ်ယောက် ဟိုနားမှာရပ်ပြီး ဘာတွေပြောနေကြတာလဲ..ငါ့ကိုရော ပြောပြလို့မရဘူးလား"
ဝိန်းရိဖန်က စန်းရန်၏မျက်နှာအား တစ်ချက်လှမ်းကြည့်လိုက်ကာ အမှန်တိုင်းပြောပြလိုက်၏။
"သူက ငါ့ကို နေရာတိုင်းမှာလိုက်ကြွားမနေနဲ့ဆိုပြီး မှာနေလို့"
ကျုံးစစ်ချောင် ;
"ဘာကို လိုက်မကြွားခိုင်းတာလဲ"
ဝိန်းရိဖန် ;
"သူနဲ့ အတူတူနေတဲ့ကိစ္စကို"
"...."
ကားအတွင်း၌ နေရာကျပ်ညှပ်သလိုဖြစ်နေသည့်ကြားက ဤစကားတစ်ခွန်းကြောင့် လေထုတစ်ခုလုံး တင်းခနဲဖြစ်သွားလေတော့သည်။
စက္ကန့်ပေါင်းများစွာကြာပြီးနောက် တိတ်ဆိတ်နေမှုကြီးကိုဖျက်လိုက်သည်မှာ စုဟောက်အန်း၏ ညစ်ညမ်းညမ်းစကားပေ။
"ငါ-ူး..သာ့ကော..မင်းဆိုတဲ့ကောင်က အရှက်မရှိမှန်း ငါ သိပေမယ့် မင်း ဒီလောက်ကြီးထိတော့ မျက်နှာမပြောင်နဲ့လေကွာ"
စုဟောက်အန်းက ဆက်၍
"ဝိန်းရိဖန်..မင်း ဒီကောင့်ကို သိပ်အာရုံစိုက်မနေနဲ့..ဒီကောင်က ပါးစပ်ထဲရှိသမျှအကုန်လျှောက်ပြောတဲ့ကောင် ၊ အထက်တန်းကျောင်းတုန်းကနဲ့ တစ်ပုံစံတည်းပဲ..ပုံမှန်လူဆိုရင် အသက်ရလာတာနဲ့ ကိုယ့်ကိုကိုယ်ထိန်းထိန်းသိမ်းသိမ်းနေလာတတ်ပေမယ့် အဲ့ထဲမှာ ဒီကောင် မပါဘူး..ဒီကောင်က အသက်ကြီးလေလေ ပေါလာလေလေပဲ"
YOU ARE READING
နှင်းဦးဝေဝေ [ ဘာသာပြန် ]
Romanceဒီလောက်နှစ်တွေအကြာကြီးကြာခဲ့တာတောင် ကိုယ် အခုချိန်ထိ မင်းတစ်ယောက်တည်းကိုပဲ သဘောကျနေခဲ့တာပါ -စန်းရန်-
![နှင်းဦးဝေဝေ [ ဘာသာပြန် ]](https://img.wattpad.com/cover/354800938-64-k108778.jpg)