နောက်ဆုံးတစ်ကြိမ်အပြီးတွင် ပြတင်းပေါက်အပြင်ဘက်ရှိ မိုးကျသံများဟာလည်း ရပ်သွားခဲ့ပုံရသည်။
ဝိန်းရိဖန်မှာ စန်းရန်၏ရင်ဘတ်ပေါ်တွင် မျက်နှာအပ်ထားရင်း စန်းရန်၏အတင်းအကြပ်ပွေ့ဖက်မှုများကို ခံနေရဆဲ ၊ ခံစားနေရသည်မှာလည်း တစ်ကိုယ်လုံး အင်အားဟူ၍မရှိတော့သည့်အလား ၊ နေရာတိုင်း၌လည်း ချွေးများစေးကပ်နေကာ အတော်လေးကို သက်သောင့်သက်သာမရှိလှပေ။
ပူလွန်း အိုက်လွန်း အိပ်ချင်လွန်း ပင်ပန်းလွန်းနေသည်ကလွဲ ဘာမှပင်မသိတော့၏။
ဤအခြေအနေတွင်။
စန်းရန်က လေအေးပေးစက်ရီမုလှမ်းယူ၍ စက်ပိတ်လိုက်သည်အား ဝိန်းရိဖန် သတိထားမိလိုက်၏။
ထိုအခါ ဝိန်းရိဖန် ချက်ချင်းခေါင်းထောင်လာပြီး အနည်းငယ်အက်ကွဲနေသည့်အသံတို့ဖြင့် ;
"ဘာလို့ပိတ်လိုက်တာလဲ"
"ခဏနေမှ ပြန်ဖွင့်ပေးမယ်"
စန်းရန်မှာ လက်ရှိအချိန်တွင် အရှေ့ဆံပင်များဖိုသီဖတ်သီဝဲကျ၍ ချွေးများဖြင့်စိုစွတ်နေသည့်အပြင် မျက်ဝန်းများ ခပ်နက်နက် ၊ သူ့မျက်ခုံးတန်းပေါ်ရှိ ရမက်ဆန္ဒများကလည်း ကိုယ်လက်နှီးနှောပြီးပါသည့်တိုင် မပျောက်သွားသေးချေ။
"ချွေးထွက်ထားတာ....မင်း အအေးမိသွားလိမ့်မယ်"
ညတစ်ဝက်စာ အချိန်ကာလတစ်ခုလုံး လူးလှိမ့်ပြီးပါသည့်တိုင် စိတ်အားထက်သန်နေဆဲဖြစ်သည့် စန်းရန်ကိုကြည့်ရင်း ဝိန်းရိဖန်၏အဖြစ်မှာ စကားပင်မဆိုရဲတော့သည့်အခြေအနေ။ သို့သော်ငြား အသေအချာတွေးတောစဥ်းစားကြည့်လိုက်ပြီးနောက်တွင်တော့ စကားဆိုဖြစ်လိုက်ပါသေး၏။
"စန်းရန်"
"အမ်...."
စန်းရန်က ဘေးနားတွင်ရှိသည့်အင်္ကျီကိုလှမ်းယူပြီး သူမအား ဝတ်ပေးမည်ပြုနေသည့်အချိန်။
ဝိန်းရိဖန်က မနှေးမမြန်ဖြင့် တစ်ခုတောင်းဆိုလာခဲ့၏။
"နင် ငါ့ကို ရေချိုးပေးလို့ရလား"
YOU ARE READING
နှင်းဦးဝေဝေ [ ဘာသာပြန် ]
Romanceဒီလောက်နှစ်တွေအကြာကြီးကြာခဲ့တာတောင် ကိုယ် အခုချိန်ထိ မင်းတစ်ယောက်တည်းကိုပဲ သဘောကျနေခဲ့တာပါ -စန်းရန်-