[Unicode]"ရှောင်ကျန့် ငါပြန်လာပြီ . . . "
အမှုကိစ္စနဲ့ရှုပ်နေတော့ ညနည်းနည်းမိုးချုပ်မှ Yiboအိမ်ပြန်လာခဲ့၏။ အိမ်ထဲရောက်တော့ တိတ်ဆိတ်နေတာနဲ့ သူလှည့်ပတ်ရှာမည်အလုပ်-
"နောက်ကျတယ်နော် ဒီနေ့ . . . "
အခန်းကနေ ထွက်လာပြီး ရှောင်ကျန့် သူ့ကိုကြိုဆိုလာ၏။ မျက်နှာကတော့ သိပ်မကောင်းပေ။
"အင်း . . . အမှုကိစ္စရှုပ်နေလို့ . . . မင်းမျက်နှာလည်းမကောင်းဘူး အဆင်ပြေရဲ့လား . . . . . "
Yiboလည်း ပြန်ရောက်ရင် သူ့အရိပ်အကဲကိုပဲကြည်နေမိတော့ ရှောင်ကျန့်လည်း တစ်ခုခုစိတ်ထင့်စရာရှိသော်ငြား အတတ်နိုင်ဆုံးပြုံးပြလာသည်။
"အဆင်ပြေပါတယ် . . . မင်းမစားရသေးဘူးမလား ငါပြင်လိုက်မယ် . . . "
"အယ် ထားလိုက်တော့ . . ရှောင်ကျန့် ငါစားခဲ့ပြီးပြီ . . အပြင်ကနေ . . . "
သူက ချက်ထားခဲ့ရပေမယ့် ထိုတစ်ယောက်က စားခဲ့ပြီးပြီဆိုတာကြားတော့ သူ့မျက်နှာကပြန်ပျက်သွားလေသည်။ ထို့နောက် ဘာမပြောပဲခေါင်းငုံ့ပြီးငြိမ်သွားခဲ့သည်။
"အမှုရှုပ်နေလို့ တခြားသူတွေဆိုမပြန်ဘူး ငါကမင်းနဲ့မခွဲနိုင်လို့ လစ်ထွက်လာခဲ့တာ သူတို့ကမပြန်တော့ အကုန်ပေါင်းမှာလိုက်တာနဲ့ ငါညစာစားဖြစ်သွားတာ . . . "
"မစားဘူးဆိုလည်းပြောလေ . . . ဒီကပိုချက်ထားမိတာကို . . . "
ရှောင်ကျန့်မှာ တကယ်သူ့ရဲ့ကြင်ဖော်တစ်ယောက်ကဲ့သို့ ပွစိပွစိနဲ့စိတ်ဆိုးသွားတာမြင်ရတော့ Yiboပြုံးမိပါရဲ့။
"ငါကဘယ်လိုပြောရမှာလဲ ဖုန်းရှိပြီး sim cardမထားတဲ့ခင်ဗျားဆီကျုပ်က ဘယ်လိုဖုန်းဆက်ပြီးမက်ဆေ့ပို့ရမှာလဲ ပြောပါဦး ဟင် ! "
ဟုတ်လည်းဟုတ်နေတာပဲ Yiboသူ့ကိုဆက်သွယ်၍ရမည်မဟုတ်တာမို့ အကြောင်းရင်းလေးရှင်းပြတော့ ရှောင်ကျန့်က မကြည်တဲ့အကြည့်နဲ့စိုက်ကြည့်လာခဲ့သည်။ သေချာတယ် စိတ်ကောက်တော့မှာ။
"အကုန်လွှင့်ပစ်လိုက်တော့မယ် ဘာမှလာမပြောနဲ့ "
ထို့နောက်ဆောင့်ကြီးအောင့်ကြီးနဲ့ မီးဖိုဘက်ထွက်သွား၍ Yiboမနည်းလိုက်ချော့ရတော့သည်။
YOU ARE READING
Soulmate (Completed Story)
Fanfictionသာသာ fan fiction မေရးဖူးတာ သိျကမွာပါ. . . ဒါပထမဆံုး သာသာရဲ႕ fan fictionေလးျဖစ္ပါတယ္ . . အရင္က ဘာလို႔ မေရးျဖစ္တာလဲဆိုေတာ့ shipေပးဖို႔ အရမ္းသေဘာက်တဲ့ idolေတြ မေတြ႕ေသးလို႔ပါ. . . . . The untamedကုိ ျကည့္ျပီးကတည္းက Xiao Zhanနဲ႔ Yiboကုိ shipခ်င္စိတ္ေတြ...