လူတိုင်းမှာ အကြောက်တရားကိုယ်စီရှိကြတယ်တဲ့။
ကျွန်တော်ကတော့ ကိုကို့အမုန်းကို အကြောက်ဆုံးပဲ။
❇️❇️❇️❇️❇️❇️❇️❇️❇️❇️❇️❇️❇️❇️❇️❇️
“ ငါ မင်းကို မုန်းတယ် ဈာန်ရောင်ခ ”
မျက်ရည်များ တသွင်သွင်စီးကျနေသည့် ကိုကိုက နှုတ်ခမ်းကို ပြတ်ထွက်လုမတတ်ကိုက်ရင်း သူ့ကို စက်ဆုပ်ရွံ့ရှာသည့် အကြည့်မျိုးနှင့် ကြည့်လာသည်။
မကောင်းဆိုးဝါးတစ်ယောက်ကို ရွံ့မုန်းနေသလိုမျိုး ... ။
“ ကိုကို ... ကျွန်တော်ကလေ ... ”
တုန်လှုပ်ခြင်းများစွာနှင့် ဖြေရှင်းချက်ပေးဖို့အတွက် ကိုကို့လက်ကောက်ဝတ်လေးကို ဆွဲယူလိုက်ရာ ထိသည်ဆိုရုံမျှရှိသေး ဆတ်ခနဲ ပုတ်ချခြင်းခံလိုက်ရသည်။
“ ဖယ်စမ်း ! ငါ့ကို မထိနဲ့ ! မင်း ငါ့အသားကို နည်းနည်းလေးတောင် လာမထိနဲ့ ဈာန်ရောင်ခ ! ”
ကိုကိုက သူ့ကို အော်ဟစ်ရင်း သူ ထိကိုင်လိုက်သည့်နေရာကို ရွံ့ရှာမုန်းတီးလွန်းစွာ အကြိမ်ကြိမ်အခါခါပွတ်တိုက်နေသည်။
ထိုလက်ကောက်ဝတ်လေး နီရဲတွတ်လာသည့်အထိ ... ။
ဤအခြင်းအရာကို ကြည့်ရင်း ဆက်ပြောမည့် စကားလုံးများက သူ့လည်ချောင်းဝမှာတင် တစ်ဆို့သွားရသည်။
အဲဒီလောက်တောင်လား။
အဲဒီလောက်အထိ ကိုကိုက သူ့ကို မုန်းတီးနေတာလား။
အသားချင်းတောင် အထိမခံနိုင်တော့တဲ့အထိလေ။
နှလုံးသားနာကျင်မှုကြောင့် သူ့မျက်ရည်တစ်စက်က မြေပြင်ပေါ် ပေါက်ခနဲ ကြွေကျသွားသည်။
“ ဈာန်ရောင်ခ ! မင်း တကယ်ရက်စက်တယ် ! ”
ကိုကိုက သူ့ကို လက်ညှိုးငေါက်ငေါက်ထိုးရင်း ပြစ်တင်ပြောဆိုလာသည်။
အခုချိန်မှာ ကိုကိုက တရားလို ... ။
သူကတော့ ဘယ်လိုသနားငဲ့ညှာမှုမျိုးနဲ့မှ မထိုက်တန်သည့် တရားခံတစ်ယောက်ပေါ့။
YOU ARE READING
လွမ်းရိပ်ငွေ့တို့ ကြွေလွင့်ချိန် ( လြမ္းရိပ္ေငြ႕တို႔ ေႂကြလြင့္ခ်ိန္ )
Romanceအချစ်ဆိုတဲ့အရာကို နှလုံးသားနာကျင်မှုအတွက် ကုသရာဆေးအဖြစ် သတ်မှတ်လိုက်မယ်ဆိုရင် အလွမ်းတွေကတော့ နောက်ဆက်တွဲဆိုးကျိုးတွေပဲပေါ့ ... ❇️❇️❇️❇️❇️❇️❇️❇️❇️❇️❇️❇️❇️❇️❇️❇️ အခ်စ္ဆိုတဲ့အရာကို ႏွလုံးသားနာက်င္မႈအတြက္ ကုသရာေဆးအျဖစ္ သတ္မွတ္လိုက္မယ္ဆိုရင္ အလြမ္းေတြကေတ...
