Unicode
~~မှော်~~
(Season -2 )
အပိုင်း(၁)"ဟင့်...ဟင့်"
"ဟီး....ဟီး"
ငိုကြွေးသံလား... ညည်းညူသံလား
နက်ရိူင်းသောအမှောင်ထုကြီးတွင် ဘာဆိုဘာမှ မသဲကွဲ..။ ချောက်ချားဖွယ်ကောင်းသော ထိုအသံတို့က ဘယ်ကလာနေမှန်းလည်း မမှန်းဆနိုင်ပြန်။
ဦးတည်ရာမဲ့လျှောက်သွားနေရင်း သူမစိတ်အစဉ်သည်လည်း လွင့်မျောချင်တိုင်း မျောလို့နေခဲ့သည်။ ဘာကိုမှရေရောရာ မဖမ်းဆုပ်နိုင်သေးစဉ်မှာပင်
"ဟင့်.... ဟင့်"
ဟော... ထပ်ကြားရပြန်ပြီ။ ဒီတစ်ခါတွင်တော့ တစ်စုံတစ်ယောက် ငိုကြွေးနေသည်မှာ သေချာပါသည်။ ပို၍သေချာသည်က မိန်းကလေးတစ်ယောက်၏နာနာကျင်ကျင်ငိုကြွေးသံ။
သူမငိုသံကြားရာဆီသို့ ခန့်မှန်းပြီးလျှောက်လာလိုက်ရာ တစ်နေရာအရောက်တွင်တော့...
"ဟင်.... "
ဟုတ်ပါသည်..။ အလင်းရောင်ခပ်ဖျော့ဖျော့လေးသာရှိသည့်ခပ်လှမ်းလှမ်းတွင် ထိုင်ငိုနေသော မိန်းကလေးတစ်ယောက်။ မျက်နှာကို လက်နှင့်အုပ်ရင်း နင့်နင့်သည်းသည်း ငိုကြွေးနေသည်မှာ တကယ့်ကိုဝမ်းနည်းပက်လက်။
သူမလည်း ထိုမိန်းကလေးအနားတွင် ဒူးထောက်ထိုင်လိုက်ရင်း
"အစ်မ ဘာဖြစ်လို့ငိုနေသလဲဟင်"
သူမအသံကြောင့် ထိုမိန်းကလေးထံမှ ငိုသံတိတ်သွား၏။ ထို့နောက် ဖျပ်ခနဲ့မော့ကြည့်လာတော့
"ဟင်..."
အမှောင်ကျနေသည့်တိုင် ထိုမိန်းကလေး၏မျက်နှာကို ကောင်းစွာမြင်ရပါသည်။ သူမနှင့်လွန်စွာရင်းနှီးခဲ့သော မျက်နှာလေး။
သူမအံ့ဩတုန်လှုပ်စွာပင်
"မမ..... "
"မြူ.... "
မမကိုယ်တိုင်ကလည်းသူမကိုမြင်တော့ အတော်လေး အံ့ဩတုန်လှုပ်သွားပုံရ၏။ မယုံကြည်နိုင်ဟန်နှင့်
"မြူ... ညီမလေး ဒီကိုဘယ်လိုရောက်နေသလဲ"
"ဟို... "
YOU ARE READING
မှော် (ေမွာ္)
Fantasy🪸Mhaw🪸 Fantasy Adventure Series ... Own Creation (Season -1 to Season -11) Started date - 18.5. 2019 Ended date - Novel Creator- Sue Khat Pann