Unicode
~~မှော်~~
(Season-5)
အပိုင်း(၁၂)
"ဟင်... မင်း "
မြူခိုးတွေကဝေ့ဆိုင်းလွန်းနေသဖြင့် အာရုံတွေထွေပြားနေသော်လည်း သူမဆိုတာသေချာပါသည်။ ထုံးစံအတိုင်း မျက်နှာကိုဖုံးအုပ်ထားသည့်တိုင် လှပစူးရှသောမျက်ဝန်းတို့ကို သူကောင်းစွာမှတ်မိနေဆဲ။
"သုန်နရီသာ..."
"အရှေ့တည့်တည့်သွားရင် စမ်းချောင်းတစ်ခုတွေ့လိမ့်မယ် စမ်းချောင်းအတိုင်း စုန်ဆင်းသွားပါ အဝါရောင်ပန်းတွေပွင့်တဲ့နေရာရောက်ရင် လျှိုတစ်ခုရှိလိမ့်မယ် လျှိုကိုတွေ့အောင်ရှာပါ ပြီးရင်လျှိုအတိုင်းဆင်းသွားပါ "
"ခဏ မင်းဘာတွေပြောနေသလဲ ငါနားမလည်ဘူး ပြီးတော့ မင်း မင်းဘယ်လိုလုပ်ဒီရောက်လာသလဲ "
သူမကသူ့အမေးကိုမကြားသည်လား။ ဂရုမစိုက်သည်ပဲလား။ သူမပြောလိုသည်ကိုသာ ဆက်၍ပြောသွားသည်။
"လျှိုအောက်မှာကျောက်ဂူတွေရှိတယ် အစိမ်းရောင်ပြန်နေတဲ့ဂူထဲဝင်သွားလိုက်ပါ ဒါအမြန်ဆုံးသွားနိုင်တဲ့ဖြတ်လမ်းပဲ "
ပြောပြီး သူမကလှစ်ခနဲ့ပျောက်ကွယ်သွားရာ သူဘာမှပြောချိန်မရလိုက်ပါ။ သူမပျောက်ကွယ်သွားသည်နှင့် ဝေဝါးနေသည့်ပတ်ဝန်းကျင်သည် တဖြည်းဖြည်းကြည်လင်လာတော့၏။ ရှင်းလင်းသွားသည့်မြင်ကွင်းကိုကြည့်ပြီး သူအံ့သြမှင်သက်သွားရတော့သည်။
အိပ်မက်လား... တကယ်လား။ သူမသဲကွဲတော့ပါ။ သူမအမှန်တကယ်ရောက်လာသည်လား .. သူထင်ယောင်ထင်မှားဖြစ်နေသည်လား။ စိတ်တွေဝေဝါးရူပ်ထွေးနေစဉ်
"မောင်နေခ နိုးပြီလား ကျုပ်တို့ခရီးဆက်ကြရအောင် အလျင်လိုနေတော့ မနက်စာကိုလမ်းမှာတွေ့တဲ့အသီးတွေကိုပဲ ခူးပြီးစားကြတာပေါ့"
ဦးအဂ္ဂအသံကြားမှသူအသိဝင်လာပြီး
"ဦးအဂ္ဂ ခင်ဗျားတစ်ယောက်ယောက်ကို တွေ့လိုက်မိသေးလား "
"တောထဲမှာဘယ်ကလူရှိရမှာလဲ ကြည့်ရတာ မင်းအိပ်ရေးပျက်တာများနေလို့ မြင်ချင်ရာမြင်နေတာဖြစ်လိမ့်မယ်"
YOU ARE READING
မှော် (ေမွာ္)
Fantasy🪸Mhaw🪸 Fantasy Adventure Series ... Own Creation (Season -1 to Season -11) Started date - 18.5. 2019 Ended date - Novel Creator- Sue Khat Pann
