Unicode
~~မှော်~~
(Season-4)
အပိုင်း(၃)ကောင်းကင်ပေါ်တငွေ့ငွေ့ပျံတက်သွားသည့် မီးခိုးငွေ့တို့ ဝေဝါးပျောက်ကွယ်သွားသည်အထိ သူမော့ကြည့်နေမိဆဲ..။
မီးပုံတစ်ခုလုံးလောင်ကျွမ်းပျက်ဆီးသွားခြင်း နှင့်အတူ စီသာဆိုသောမိန်းကလေးသည်လည်း ထာဝရပျောက်ကွယ်သွားခဲ့ပြီပဲ။
ဘာကြောင့်မှန်းမသိ သူ့ရင်တစ်ခုလုံး နင့်နင့်သည်းသည်း ခံစားနေရလျက်။
ဒဂ္ဂံတွေတဖွဲဖွဲပြန်သွားသည့်တိုင် အကြီးအကဲများ မီးသင်္ဂြိုလ်သည့်ကွင်းပြင်တွင် ပျံတက်သွားသည့်မီးခိုးငွေ့တို့ကို သူငေးကြည့်၍ ကောင်းနေဆဲ။
"သွားရအောင်နေခ... "
သိပ်မကြာခင်မိုးချုပ်တော့မည်မို့ နှိုင်းက သတိပေးလိုက်သည်။ နေခကတော့ ကောင်းကင်ကို မော့ကြည့်နေရင်း မီးခိုးငွေ့တို့ကို ငေးမောနေမြဲ။
"ငါတို့လည်းစိတ်မကောင်းပါဘူး "
နှိုင်းက အမှန်တကယ်စိတ်မကောင်းစွာ ထပ်ဆိုလိုက်၏။ နေခမချိမရိပြုံးလိုက်ရင်း..
"ငါဒဂ္ဂံတွေရဲ့ခေါင်းဆောင်အစစ်မဟုတ်မှန်း သူသိတယ်.. "
"ဘာ... "
"မင်းတို့နဲ့တစ်ဖွဲ့တည်းဆိုတာလည်း သူသိနေခဲ့တယ်... "
နေခစကားကသူတို့အားလုံးကို အံ့သြသင့် သွားစေသည်။ ဟန်ကမယုံကြည်နိုင်ဟန်ဖြင့်
"ဟုတ်လို့လား... သူမင်းနဲ့ငါတို့အကြောင်းကို သိနေခဲ့ရင် ဒီအတိုင်းနှုတ်ဆိတ်နေမှာတဲ့လား "
ဟန့်စကားကို သူဘာမှမတုန့်ပြန်မိပါ။ မီးခိုးငွေ့တွေကိုသာ ငေးမောကြည့်နေရင်းနှင့် သူမျက်လုံးထဲမြင်ယောင်လာခဲ့မိသည်က သူမနှင့် နောက်ဆုံးတွေ့ဆုံစကားပြောခဲ့သည့်အချိန်...
"အသင်က ကျွန်ုပ်တို့ဒဂ္ဂံတွေရဲ့ ခေါင်းဆောင်အစစ်မဟုတ်သလို ဒဂ္ဂံတွေယုံကြည်တဲ့ နတ်ဘုရားရဲ့သားတော်လည်း မဟုတ်ဘူး"
"ဟင်... "
ထင်မှတ်မထားသည့်စကားကြောင့် သူအထိတ်တလန့်နှင့်သူမကိုကြည့်လိုက်မိ၏။ သူမမျက်နှာကာပကတိတည်ငြိမ်နေ၏။ သူ့ကိုမကြည့်ဘဲ ဟိုးအဝေးဆီမှ မြင်ကွင်းများကိုသာ ငေးမောကြည့်နေရင်း..
YOU ARE READING
မှော် (ေမွာ္)
Fantasy🪸Mhaw🪸 Fantasy Adventure Series ... Own Creation (Season -1 to Season -11) Started date - 18.5. 2019 Ended date - Novel Creator- Sue Khat Pann