မှော် (ေမွာ္)

Season-5 Ep(13)

Unicode

~~မှော်~~
(Season -5)
အပိုင်း( ၁၃)

သိပ်သည်းသောအမှောင်ထုလား။
ဟင့်အင်း... မဟုတ်ဘူး

အောက်သို့ဆင်းသွားသည့်လှေကားတို့ကို သူမအတိုင်းသာမြင်နေရသည်။ မှိန်ဖျော့ဖျော့ အလင်းရောင်တောင်မရှိဘဲနှင့် မြင်ကွင်းတို့ကို ရှင်းရှင်းလင်းလင်းမြင်နေရသည်မှာ ထူးဆန်းလွန်းလှသည်။

သို့သော် အားနည်းနေသည့် အလင်းရောင်အောက်တွင် မြင်တွေ့သမျှကတော့ ချောက်ချားစရာကောင်းလှသည်။ လှေကားအဆုံးတွင် ဟာလာဟင်းလင်းအခန်းအချို့မှလွဲ၍ ဘာမှရှိမနေပါ။ ထိုဟာလာဟင်းလင်းဖြစ်နေသည်ကပင် စိတ်အနှောင့်အယှက်ဖြစ်စရာကောင်းလှသည်။

ဒါအော်သံတွေ ညည်းညူသံတွေ ငိုကြွေးသံတွေကြားနေရသည့်နေရာလား.။ နှိပ်စက်ညှင်းပန်းမှုတွေနှင့် ကြောက်စရာကောင်းသောသေခြင်းတရားတွေ ပြည့်နေသည့်နေရာလား။

အတွေးဖြင့် ကြက်သီးတွေထသွားရသည်အထိ လန့်ဖျပ်သွားမိသော်လည်း သိလိုစိတ်ပြင်းပြနေသည့်ဆန္ဒကို သူမမချုပ်ထိန်းနိုင်ခဲ့ပါ။ ထို့ကြောင့်လည်း ခြေလှမ်းတို့က ရှေ့သို့တရွေ့ရွေ့သွားနေမိသည်။

ဘာသံမှမကြားရအောင် တိတ်ဆိတ်ခြောက်ကပ်နေမှုကိုလည်း သူမမနှစ်မြိုမိ။ သို့သော် တစ်ပြိုက်နက်တည်းမှာပင် အသံတစ်ခုခု ထွက်လာမှာကိုလည်းစိုးရွံ့နေမိသည်။ သံတိုင်များနှင့်အခန်းများကို တွေ့မြင်နေရသည့်တိုင် အထဲတွင်ဘာမှရှိမနေပါ။ ရှင်းလင်းလွန်းနေသည်မှာ စိတ်ကိုမလုံခြုံစေသကဲ့သို့ ခံစားစေပါသည်။ ထိုအခန်းများကိုဖြတ်ကျော်အပြီး လမ်းတောင့်ချိုးတစ်ခုတွင်တော့...

"ဟင်..."

မီးရောင်ခပ်သဲ့သဲ့လေးတွေ့မြင်ရသည်။ အထဲသို့ဝင်သည့်စင်္ကြန်လမ်းတစ်လျှောက် နံရံတွင်မီးတုတ်များထွန်းထားသည်။ သို့သော်ထိန်လင်းနေတာမျိုးမဟုတ်ဘဲ ခပ်ဖျော့ဖျော့အလင်းရောင်ရရုံမျှသာ။ ထိုအဝါရောင်ဖျော့ဖျော့မီးအလင်းရောင်ကို ဘာကြောင့်မှန်းမသိအောင် သူမမနှစ်မြိုမိပြန်ပါ။

ထို့အပြင် သူမကိုစိတ်ရူပ်ထွေးသွားစေသည်က လှေကားအဆင်းအောက်တွင် မှောက်မိုက်နေသော်လည်း မီးတုတ်တစ်ခုမှထွန်းမထားဘဲ ဒီဘက်စင်္ကြန်လမ်းတစ်လျှောက်ကိုတော့ မီးတုတ်တွေတစ်တန်းလုံး ထွန်းညှိထားသည်။ စင်္ကြန်လမ်းအဆုံးတွင် မည်သည့်အရာတည်ရှိမည်နည်း။ သူမတွေးတောနေစဉ်မှာပင်