Unicode
~~မှော်~~
(Season- 5)
အပိုင်း(၈)အရှေ့တွင်လာချပေးထားသည့် စားကောင်းသောက်ဖွယ်ရာများကိုကြည့်ပြီး သူတို့မှာ ဝမ်းသာအားရပင် မစားနိုင်အောင်ဖြစ်ရသည်။
"ကျုပ်ကိုသူတို့ကအစိမ်းစားဖို့အတွက်မှ မဟုတ်တာ ယဇ်ပူဇော်ဖို့ဖမ်းလာတာလေ ဒီကာလမှာသူတို့ယုံကြည်တဲ့နတ်ဘုရားကို ပူဇော်ဖို့အတွက် ဝဝလင်လင်ကျွေးမွေးထားတယ်ပဲပြောရမှာလား ဝက်ကိုမသတ်ခင်အသားတိုးအောင် အစာကျွေးသလိုပေါ့ ခင်ဗျားတို့ကိုလည်း သူတို့ယဇ်ပူဇော်လိမ့်မယ်"
ခါရာစကားကိုပြန်ကြားယောင်တော့ စားနေရင်းနင်နင်လာရသည်။ ခါရာကမူ ပေါ့ပါးစွာပင် အားပါးတရစားသောက်နေသဖြင့် သူတို့အတော်အံ့သြနေမိ၏။ နိူင်းမနေသာတော့ဘဲ
"ခင်ဗျားပြောတော့ ကျွန်တော်တို့ကို အခုလိုကျွေးမွေးထားတာ ဝက်ကိုအသားတိုးစေတဲ့ ရည်ရွယ်ချက်ဆို... "
"အင်း... ဟုတ်တယ်လေ "
"တစ်ကိုယ်လုံးကိုဆီနဲ့သုတ်လိမ်းပြီး အရှင်လတ်လတ်မီးကင်ပစ်ဖို့အတွက် ဝလင်အောင်ကျွေးမွေးတဲ့အစားအစာကို ခင်ဗျားပေါ့ပေါ့ပါးပါးမျိုချနေတယ်နော်"
"ဒါဆိုရင် ခင်ဗျားကမစားဘဲနေမှာလား သေမှာချင်းအတူတူကို အရသာရှိရှိ သုံးဆောင်သွားတာပိုမကောင်းဘူးလာ "
ခါရာကအေးအေးဆေးဆေးပင်ပြန်ပြောနေရာ နိူင်းဘာဆက်ပြောရမည်မှန်းပင်မသိတော့ပေ။ နေခက ခါရာကိုမသင်္ကာပုံနှင့် အကဲခတ်ကြည့်နေရင်း
"ခင်ဗျားမှာဘာအကြံအစည်ရှိလဲ ခါရာ"
"ကျုပ်လား.... "
"ယစ်ပူဇော်ပြီးသေရမဲ့အရေးကို ဘာပူပင်သောကမှမရှိတာမထူးဆန်းဘူးလား ခင်ဗျားကြည့်ရတာ နည်းနည်းလေးတောင် မတုန်လှုပ်သလိုပဲ"
ခါရာတစ်ချက်ပြုံးလိုက်ပြီးနောက် ကိုက်လက်စကြက်ပေါင်ကို အပြီးသတ်စားလိုက်၏။ စားပြီးသွားသည့်အခါကျမှ
"ကျုပ်က မီးနဲ့သေမဲ့ဇာတာမပါဘူး "
"ဘယ်လို"
"ကျုပ်အချိန်အကြာကြီးအသက်ရှင်သွားမဲ့ ဇာတာရှိနေတယ်လေ ယုတ္တိမတန်ဘူးပဲပြောပြော ကျုပ်ကကျုပ်ကံကြမ္မာကိုယုံကြည်တယ်"
YOU ARE READING
မှော် (ေမွာ္)
Fantasy🪸Mhaw🪸 Fantasy Adventure Series ... Own Creation (Season -1 to Season -11) Started date - 18.5. 2019 Ended date - Novel Creator- Sue Khat Pann