ကူးပြောင်းလာတိုင်း အမျိုးသားဇာတ်လိုက်ရဲ့လက်မောင်းထဲမှာ သေဆုံး။

Part 41

အပိုင်း (၄၁) အတန်းထဲမှာ သရဲပုံပြင်တွေ မပြောရဘူး။

တစ်မိနစ်တာ အချိန်တိုအတွင်းတွင် ထိုလူ၏မျက်နှာက စက္ကူရုပ်တစ်ရုပ်ကြောင့် အရေခွံအဆုတ် ခံလိုက်ရသည်။

မြင်ကွင်းက သွေးလွှမ်းပြီး ထိတ်လန့်သဲဖို ဆန်လွန်းနေလေသည်။ ထို့အပြင် စင်မြင့်ထက်မှ စတင်ကာ ဖျော့တော့သောအညှီနံ့က ပြန့်လာသည်။ တိုက်ရိုက်ကြည့်ရန်ပင် ထိတ်လန့်စရာ ကောင်းလွန်းသော အလောင်းနှင့် ထပ်ပေါင်းလိုက်သော် ထိုမြင်ကွင်းက လူတစ်ယောက်ကို ငယ်သံပါအောင် အော်ဟစ်မိစေရန် သွေးဆောင်နိုင်စွမ်း ရှိနေသည်။

ထိုသို့ဖြစ်သွားပြီသောအခါ ကျန်ရစ်နေသော လူအနည်းစုက ယခုလို အခြေအနေမျိုးဖြင့် ကြုံတွေ့ရမည်ဟု မမျှော်လင့်ထားကြလေသဖြင့် မျက်နှာအမာရွတ်နှင့် လူ၏အလောင်းကို စိုက်ကြည့်ပြီး အချိန်တစ်ခု ကြာသည်အထိ မတုန့်ပြန်နိုင်ကြချေ။ အချိန်တစ်ခု ကြာပြီးမှသာ လူတစ်ယောက်က ဘေးဘက်သို့ တွားသွားလျက် ကပ်သွားပြီး အော်ငိုကာပြောသည်။

"နံပါတ်(၃) ခေါင်းဆောင် အစ်ကိုကြီး သူ.. သူ.. သူ သေသွားပြီ"

သူ၏အနားမှ ကတုံးနှင့်လူ၏ မျက်နှာက အလွန်မည်းမှောင်နေသည်။ သူကထိုလူကို တွန်းထုတ်ပြီး အော်လိုက်သည်။

"မင်းကငါ့ကို လာပြောရအောင် ငါ သောက်ကျိုးနည်းအောင် ကန်းနေလို့လား"

သူကမြေပြင်မှ ထရပ်ပြီးနောက် သူ၏အိမ်ရှေ့မှ လူငယ်ကို သတိထားကာ ကြည့်သည်တစ်ဖက်သူက အနောက်မှ မိန်းကလေးငယ်၏ မျက်လုံးကိုလက်ဖြင့် အုပ်လျက်တည်ငြိမ်သော မျက်နှာထားဖြင့် သူ့ကိုကြည့်နေချင်း ဖြစ်သည် သူကအကျိုးအကြောင်း ဆက်ဆက်ကာတွေးတော ပြီးနောက်တွင် မေးလိုက်သည်။

"မင်းလုပ်တာမဟုတ်လား"

ယခင်က အဆင်ပြေနေခဲ့သည့် ထိုစက္ကူအရုပ်က လူအိုကြီးက ဖန်တီးထားခဲ့ပြီး နောက်တွင်သူတို့၏ အမိန့်ကိုနားထောင်ခဲ့သည် ထိုလူအိုကြီးလဲ သတိမေ့နေသည့်တိုင်အောင် စက္ကူရုပ်များက သူတို့၏အမိန့်ကို နာခံနေသေးသည်။

ယခုလေးတင် ဘာတုန့်ပြန်မှုမှ မရှိခဲ့ချေ ခေါင်းဆောင်က ရုတ်တရက်အသတ် ခံလိုက်ရသည် သူကထိုစက္ကူအရုပ်များကို အမိန့်ထုတ်ရန် အချိန်မရှိခဲ့မည်မှ သေချာသည် သံသယဝင်ရန် မလိုလောက်အောင် ဒါကကြိုးကိုင် ခံရလောက်ခြင်း ဖြစ်သည်။