ကူးပြောင်းလာတိုင်း အမျိုးသားဇာတ်လိုက်ရဲ့လက်မောင်းထဲမှာ သေဆုံး။

Part 84

အပိုင်း ၈၄ ထပ်ပြီး သေရမယ် ဆိုရင်တောင်မှ သူ့ရဲ့ အရှေ့မှာပဲ ဖြစ်ရမယ်။

...

နင်မုန့်၏ မျက်နှာက အေးခဲသွားတော့သည်။

သူက ဘာသဘောနဲ့ ဒီလိုမေးခွန်းကို မေးတာလဲ။

သူမက ရှင်းရှင်းလင်းလင်း‌ မေးခွန်းတစ်ခုသာ မေးလိုက်မိခြင်း ဖြစ်ပြီး သူမကလည်း လက်ထပ်ချင်သည် ဆိုသည့် ဖက်သို့ ချက်ချင်းရောက်သွားပြန်သည်။

သူမကဘက်က သုံးသပ်ကြည့်လိုက်မည်ဆိုလျှင် သူကသာ လက်ထပ်ချင်သော သဘောမျိုး သက်ရောက်နေသည်။

နင်မုန့်က ရှီးချီကိ တွန်းသည်။

"စိတ်မပျက်နဲ့ အခြားသူက နင့်ရဲ့ အကူအညီကို လာတောင်းနေတဲ့ အချိန်မှာ နင့်ရဲ့ အတွေးတွေက ဘယ်လိုဖြစ်ပြီး လက်ထပ်ဖို့ကို ရောက်သွားတာလဲ"

"ကောင်းပြီ"

သူက ပြန်ဖြေပြီး ဘေးဘက်သို့ ပြန်ဆုပ်လိုက်သည်။

ထိုအခြေအနေက သူမကို အံ့ဩသွားစေသည်။ သို့သော် ထိုအချိန်တွင် သူက ထပ်ဖြည့်ပြီး ပြောလိုက်ပြန်သည်။

"ကိုယ်တော့ တကယ်ကို လက်ထပ်ချင်တယ်"

မျက်နှာချင်းဆိုင်တွင် ထိုင်နေသော ရှင်ဟွိုင်ဝမ်ကမူ ထိုစကားများကို ကြားသောအခါ ကြက်သီးထသွားသည်။ မူလက သူ၏ အံ့ဩသင့်နေသော မျက်နှာတွင် ထိန်းချုပ်ရန် ခက်ခဲသော မှင်တက်မှုက ထွက်ပေါ်လာသည်။

နင်မုန့် "..."

ငါတော့ လက်မထပ်ချင်ပါဘူး။

ရှီးချီက ဘယ်လို မင်္ဂလာပွဲမျိုး လိုချင်လဲ၊ ဘယ်လို မင်္ဂလာဝတ်စုံမျိုး သဘောကျလဲဆိုသော မေးခွန်းများ စိုးရိမ်မိပြီး ရှင်ဟွိုင်ဝမ်ကို မျက်စိမှိတ်ပြလိုက်ကာ စကားဆက်ပြောရန် အမူအရာပြလိုက်သည်။

ရှင်ဟွိုင်ဝမ်ကလည်း ဉာဏ်ကောင်းသည်။ သူက ချက်ချင်းလိုလို အဓိပ္ပာယ်ကို သိသွားသည်။ သို့သော် ဆက်မပြောရဲတော့ချေ။

အကြောင်းမူကာ သူမြင်တွေ့ရသည်အတိုင်းဆိုလျှင် သခင်လေးချီက ထိုအမျိုးသမီးအပေါ် ပိုင်စိုးလိုစိတ် ကြီးမားပြီး စရိုက်ကလည်း ဆိုးသည်။ ထို့ကြောင့် သူပြဿသနာ မရှာရဲ့ချေ။