အပိုင်း 105 သူလာတယ်။
"နင့်အခန်းက အရမ်းလုံချုံတာက ငါနဲ့ ဘာဆိုင်လို့လည်း"
နင်မုန့်၏ စကားက အလယ်တွင် ရပ်သွားသည်။
သူမက ရှီးချီကို ကြည့်လိုက်သည်။ သူမ သာမန်ကိစ္စတစ်ခုကို ပြောနေလိုမျိုး အမူအရာ ခပ်ရေးရေးသာရှိနေသည်။
"သူပြောတာမှန်တယ်။ မင်းရဲ့ ယောက်ကျားရဲ့ အခန်းက အလုံချုံဆုံးပဲ"
စနစ်ကလည်း ဝင်ပြောပြန်သည်။
နင်မုန့်ကမူ ထိုစနစ်ကို ခြိမ်းခြောက်လိုက်သည်။
"နင်ဆက်ပြီး ပြောနေမယ်ဆိုရင် ငါနင့်ကို ကွန်ပလိမ်းတက်ရတော့မယ်"
ထိုသို့ ပိုင်ရှင်၏ ကွန်ပလိမ်းက စနစ်အတွက် ကြောက်စရာအကောင်းဆုံး အရာဖြစ်သည်။ ထိုစကားကို ကြားသောအခါ သူက ချက်ချင်းလိုလို ပျောက်ကွယ်သွားပြီး မည်သည့် စကားမှ အပြောတော့ချေ။
ရှီးချီ၏ လက်ချေင်းက လှုပ်သွားသည်။
"ကိုယ့်အတည်ပြောနေတာ"
နင်မုန့်၏ နှုတ်ခမ်းထောင့်က တွန့်သွားသည်။ သူက နောက်နေခြင်း မဟုတ်ကြောင်းကိုလည်း သူမက သိထားပြီးသားဖြစ်သည်။ ထို့ကြောင့် တုံ့ဆိုင်းစွာဖြင့် မေးလိုက်သည်။
"နင့်ရဲ့ အခန်းထဲမှာ အိပ်ရာဘယ်နှစ်ခုရှိလည်း"
သူမက မှတ်မိသည်မှာ မှန်ကန်နေသည်။ ထို့သော် တစ်ခုလောက်သာ ရှိလောက်သည်။
ရှီးချီ၏ မျက်ဝန်းက ရွှင်မြူးသွားသော အရိပ်ရောင်များဖြင့် တောက်ပလာသည်။
"တစ်ခုပဲရှိတယ်"
ထိုအချိန်တွင် လီချွမ်က အနားသို့ လာနေချိန်ဖြစ်သည်။ ထိုသို့ လာနေချိန်မှာပင် သူတို့၏ စကားကို ကြားလိုက်ရပြီး ချက်ချင်းလိုလို ပြောလိုက်သည်။
"သခင်လေး လူတိုင်းက ဒီစံအိမ်ကို လွှတ်လွှတ်လပ်လပ် လာနိုင်ကြတာမဟုတ်ဘူး။ အခြားအကြောင်းပြချက် တွေကိုလည်း သခင်မသိမှာပါ။ ဒါကြောင့် သခင့်ရဲ့ အခန်းထဲမှာ အိပ်ရာတစ်ခုတည်းရှိတယ်"
ငါက အဲဒီအကြောင်းတွေ ဘယ်လိုလုပ်သိမှာလည်း။
နင်မုန့်ကမူ တိတ်ဆိတ်သွားသည်။
YOU ARE READING
ကူးပြောင်းလာတိုင်း အမျိုးသားဇာတ်လိုက်ရဲ့လက်မောင်းထဲမှာ သေဆုံး။
Horrorဘာသာပြန်သူ - Horroe, Romance အမျိုးအစားမို့ နည်းနည်းတော့ သည်းထိတ်ရင်ဖိုလေးတွေ ပါမယ်နော်။ Romance လည်း ပါတော့ ချိုချို ကြောက်ကြောက်.. ချိုကြောက်၊ ကြောက်ချို လေးပေါ့နော်။ BxG အမျိုးအစားပါရှင်။