Unicode
မိထွေးဖြစ်သူကလန့်သွားကာ သူ(မ)ရဲ့လက်ကိုရုန်းလိုက်သည်။ဒါပေမဲ့ ဝမ်ရန်ကောကသူ(မ)လက်ကိုမလွှတ်ပေးပဲ တင်းကြပ်စွာဆုတ်ကိုင်ထားလိုက်သည်။
"ခင်ဗျားကိုမေးနေတယ်လေ..ဘာကိစ္စကျုပ်အမေရဲ့လက်ကောက်ကခင်ဗျားဆီရောက်နေရတာလဲ!"
"အာ့ ငါ့လက်ကိုလွှတ်!..အကိုရေ..ကျွန်မလက်နာနေပြီ ဟင့်"
မိထွေးကသူ့အဖေဆီလှည့်ကာသနားကမားဖြင့် အကူအညီတောင်းလာသည်။ ဝမ်ရန်ကောမှာထိုမိန်းမရဲ့အသံကိုအော်ဂလီဆန်သွားရသည်။ ဝမ်သခင်ကြီးကသူ့မိန်းမကိုအပြစ်တင်လိုက်တော့သည်။
"မင်းကိုအဲ့လက်ကောက်ကိုမထိဖို့ပြောထားတယ်လေ။အခုချက်ချင်း သားကိုပြန်ပေးလိုက်စမ်း"
"အကို..ဒါပေမဲ့"
"ပြန်မပြောနဲ့..ပေးလိုက်!"
မိထွေးဟာမကျေနပ်ပေမဲ့ သူ(မ)ရဲ့လက်ကလက်ကောက်ကိုချွတ်လိုက်ပြီး ဝမ်ရန်ကောကိုမပေးချင်ပေးချင်နဲ့ပေးလိုက်ရသည်။ ဝမ်ရန်ကောကမိထွေးလက်ထဲကသူ့အမေရဲ့လက်ကောက်ကိုချက်ချင်းဆွဲယူလိုက်ပြီး ထမင်းဝိုင်းမှထလိုက်၏။
"သား မစားတော့ဘူးလား?"
ဝမ်ရန်ကောက မိထွေးကိုအထင်သေးရှုံ့ချစွာကြည့်လိုက်ပြီး..
"စားချင်စိတ်မရှိတော့ဘူး..ကျွန်တော်အခန်းပြန်နားတော့မယ်"
"အေး အေး..ဗိုက်ဆာလာရင် တစ်ယောက်ယောက်ကိုပြောလိုက် ဟုတ်ပြီလား"
ဝမ်ရန်ကောခေါင်းတစ်ချက်ညိတ်ပြလိုက်ပြီး ထမင်းဝိုင်းမှလှည့်ထွက်သွားလိုက်တော့သည်။ ဝမ်သခင်ကြီးကတော့ သူ့ဇနီးကိုအပြစ်တင်တဲ့မျက်လုံးတို့ဖြင့်စိုက်ကြည့်လိုက်တော့သည်။
ဝမ်ရန်ကောဟာသူ့အမေနေခဲ့တဲ့အခန်းဆီသို့သွားလိုက်ပြီး စင်ပေါ်တင်ထားသောလက်ဝတ်ရတနာများထည့်သည့်သေတ္တာငယ်ကိုဖွင့်လိုက်ကာ သူ့အမေရဲ့လက်ကောက်ကိုသေချာပြန်သိမ်းလိုက်၏။ ထိုနောက်ရတနာသေတ္တာကိုပိုက်ပြီးနောက် သူ့အခန်းဆီသို့သွားလိုက်တော့သည်။
ညရောက်တဲ့အခါမှာသူဗိုက်ဆာလာ၏။မိထွေးဖြစ်သူကြောင့် ညစာကိုဝလင်အောင်မစားခဲ့ရဘူးမဟုတ်ပါလား။ဒါကြောင့် ဝမ်ရန်ကောဟာသူ့အခန်းထဲမှထွက်လာလိုက်သည်။
DU LIEST GERADE
⚠I Became The 4th Male Lead⚠(Complete✔)
Romantikstarted date -11.2.2023 end date -31.7.2023 ⚠WARNING:3some,4some,adult,smut. all Possessive seme manly uke/tall uke genres:Harem,Romance,incest,Boylove, Transmigration. ((Photo Credit To Original Artist. ))
