ဒီနေ့ညမှာ ဦးဆောင်ဆိုသူကလည်း ဟန်လင်းသာဖြစ်သည်။ နားထောင်သူကနားထောင်ပြီး လိုက်ဆိုချင်တဲ့နေရာရောက်လျှင်လိုက်ဆိုကြသူတွေလည်းရှိသည်။ ဒီနေ့အတွက် ဘီယာဘူးဦးစွာဖောက်သူကတော့ မမလွမ်းသာဖြစ်၏။ မမလွမ်းစဖောက်ကတည်းက ညွှန်းမှာ မနေထိုင်မထိုင်နိုင်ဖြစ်လာရသည်။ ထိုသို့တစ်ယောက်ပြီးတစ်ယောက် ဖောက်ရင်း လက်ထဲဘီယာဘူးမကိုင်ထားတဲ့သူမရှိတော့။ ဒီထဲမှာ မသောက်တတ်တဲ့သူမပါတော့ချေ။
"ညီမညွှန်းဖွဲ့ရာရောဆိုဦးမလား... ယောကျ်ားလေးထဲကပဲဆိုနေရတော့ သိပ်မမိုက်ဘူး"
တစ်ချိန် ညွှန်းကိုလာထိုးပေးတော့မယ်ဆိုတာသိပေမဲ့ တကယ်တမ်းလာပေးတော့ အင်တင်တင်ဖြစ်နေမိသည်။ မမလွမ်းကိုကြည့်လိုက်တော့လည်း မျက်ခုံးလေးပင့်ကြည့်နေတာမို့ ညွှန်းသက်ပြင်းချလိုက်မိ၏။
"အခု ညွှန်းဆိုပါ့မယ် ဒါပေမဲ့ ဒါပြီးရင်တော့ နောက်မိန်းကလေးသုံးယောက်ထဲက တစ်ယောက်ဆိုရမယ်"
ညွှန်းပြောတော့ မမလွမ်းနှင့်ဟေသာအပါဝင် ငယ့်ရောပါ ၃ ယောက်လုံးရဲ့အကြည့်ဟာ ညွှန်းဆီရောက်လာ၏။ ထို အကြည့်တွေထဲဟာ မဆိုနိုင်ကြောင်းပြောနေသလို။ ညွှန်းပဲ ဆိုရလျှင်တော့ ဒါမတရားဘူးလေ။ ကိုဟန်လင်းတို့ကတော့ ညွှန်းအပြောကိုထောက်ခံကြ၏။
"သီချင်းတစ်ပုဒ်ကိုဖြစ်အောင်ဆိုဖို့မပြောနဲ့ ဖွဲ့ရာ။ ငယ် တစ်ပိုဒ်တောင်ဆိုဖို့အဖြစ်မရှိဘူး။ တစ်ပုဒ်လုံး မရလို့"
ငယ် ပြောတော့ မမလွမ်းရော ဟေသာပါခေါင်းညိတ်ပြလေသည်။
"လေပြေငယ်ပြောတာ အဟုတ်ပဲ။ တို့လည်း တစ်ခါတစ်လေမှနားထောင်တော့ မရဘူး ညွှန်းရာ။ အဲ့တော့ ညွှန်းရာပဲ တို့တွေအစား နောက် ၃ ပုဒ်ထပ်ဆိုပေးပါလား"
မမလွမ်းကတော့ လုပ်ပြီလေ။ သူတို့ကိုဆိုစေချင်လို့ပြောကာမှ မြှားဦးက ညွှန်းစီတည့်တည့်လှည့်လာနေတာပဲ။ မမလွမ်းပြောတာကို ဟေသာကလည်းခေါင်းညိတ်စွာထောက်ခံပြီး ငယ်ကလည်း ဟုတ်ကြောင်း မမလွမ်းမှန်းကြောင်း တဖွဖွပြောနေသည်။ ဒီလိုကျတော့ မတည့်တဲ့သူတွေကတည့်သွားကြပါလား။ ငယ်ကလည်း ဒီလိုကျ မမလွမ်းကိုမကြောက်ပဲ ပြောရဲနေလိုက်တာ။
YOU ARE READING
လွမ်းပျက်ပြယ်
Romanceရုန်းမထွက်ချင်မိတဲ့ မျက်ဝန်းသေတွေ၊ လှုပ်ရုံမျှပြောသည့် နီဆွေးဆွေးနှုတ်ခမ်းလေးနှင့်အတူ ထွက်ပေါ်လာသော နွေးထွေးနူးညံ့သံ။ မမလွမ်းကို တွယ်တာမိတဲ့ခဏတာမှာ ဖြစ်တည်လာတဲ့ခံစားချက်ဟာ လွတ်မြောက်ရန်ခက်လှသော အလွမ်းနာပါလေ။ လွမ်းဆိုတဲ့မိန်းမမှ ဒီလွမ်းနာကိုဖြေဖျောက်...
