True Star – volume _4 _Chapter (28) - အဲလ်ဘတ်အကူညီဖြင့် လူကယ်ခြင်း
ပုံမှန်အခြေအနေဆိုရင် Tang Feng သည် သူ့ဖုန်းထဲမှာ ဖျက်ဖို့မေ့နေတဲ့ လူကို ဖုန်းခေါ်မည် မဟုတ်ပေ။ အခုတော့ သူ့ကို ချက်ချင်းကူညီနိုင်သူမှာ အဲလ်ဘတ်သာလျှင် ဖြစ်သည်။ 13 လွှာ၏ လှေကားထိပ်တွင် ရပ်နေရင်း အဲလ်ဘတ်က သူ့ ဖုန်းနံပါတ်ကို ပြောင်းထားသလားလို့ ထင်နေပေမယ့် သူတစ်ခါမှ မခေါ်ဆိုဖူးသော ဖုန်းနံပါတ်ကို ခေါ်ဆိုရန် ကြိုးစားလိုက်သည်။
နှစ်စက္ကန့်မကြာခင်မှာပဲ တစ်ဖက်က ဖုန်းပြန်ဖြေလာခဲ့သည်။
[တကယ်ယုံဖို့ ခက်လောက်အောင်ပဲ.... မင်းက ငါ့ကို တကယ် ဖုန်းခေါ်ခဲ့တယ်၊ ငါဒီနေ့ကို စောင့်နေတာ ဘယ်လောက်ကြာနေပြီလဲ ဆိုတာ မင်း သိရဲ့လား]
ဖုန်းတစ်ဖက်မှ အဲလ်ဘတ် ရဲ့ ထူးထူးခြားခြား လေးနက်တဲ့ အသံထွက်ပေါ်လာပြီး အသံက ထိုအသံက လျှပ်စစ်ဓါတ်ပါသလို လူကို ဆွဲဆောင်နိုင်စွမ်းရှိလှသည်။
Tang Feng သည် အဲလ်ဘတ် ၏ အသံကို အလေးထားချိန် မရှိပေ။ အနည်းငယ် ရိုင်းစိုင်းပေမယ့် သူ တဲ့တိုးပဲ ပြောလိုက်သည်။
"အဲလ်ဘတ်၊ ခင်ဗျား ကျွန်တော့်ကို ကျေးဇူးပြုကူညီပေးနိုင်မလား။ အခုချက်ချင်း ဥက္ကဌရုံးခန်းရှိတဲ့ အလွှာကို ချက်ချင်း လာပေးပါလား၊ လှေကားထိပ်မှာ ခင်ဗျားကို စောင့်နေတယ်။"
အပိုစကားတွေ၊ အပိုမေးခွန်းတွေ တစ်ခွန်းမှမမေးပဲ အဲလ်ဘတ်က ရိုးရှင်းစွာ ပြန်ဖြေခဲ့သည်။
[ကိုယ့်ကို တစ်မိနစ်လောက်စောင့်]
သူ သဘောတူပြီးနောက် တစ်ဖက်က ဖုန်းကို ပြတ်ပြတ်သားသား ချလိုက်သည်။
Tang Feng က ဖုန်းကို ခဏလောက် စိုက်ကြည့်ရင်း အဲလ်ဘတ် က သူ့ကို ထောင်ချောက်ဆင်ထားမှာ မကြောက်ဘူးလားဟု တွေးနေသည်။ ဒါမှမဟုတ် တစ်ဖက်လူက သူ့ကို ခြိမ်းခြောက်နိုင်တဲ့ အရာမရှိဘူးလို့ သေချာ ယုံကြည်နေတာလား။ ဘယ်လိုပဲဖြစ်ဖြစ် ဒါက ကိုယ့်ကိုယ်ကိုယ် ယုံကြည်မှုအပြည့်ရှိသူ၏ ပုံစံဖြစ်သည်။
YOU ARE READING
(V 3+V4) ကောင်းကင်ယံထက်က ငွေကြယ်ပွင့် ( MM translation)
Romance(True Star _ Volume -3) Volume _ 1 https://my.w.tt/0VLPMBzaM0 Volume _2 https://my.w.tt/FiO6qMLaM0 https://www.rabbit-converter.org/Rabbit/ Because of my friend Shiroyuki, now i am ok to up my fiction with both myanmar font. Thanks Shiro.