Chapter (47): ထျန်းဖုန်းအပေါ် ရိုက်ခတ်လာသည့် အတင်းဖျင်း မုန်တိုင်း
သမုဒ္ဒရာထဲတွင် ခုနစ်ရက်ဆက်တိုက် Gino ၏ဧည့်သည်ဖြစ်ခဲ့သော်လည်း Tang Feng သည် Gino ကို သူ့ သူငယ်ချင်းတွေနဲ့ ကစားခွင့်ပေးပြီး ထျန်းဖုန်းက Ruth နှင့်အတူ ပျော်ရွှင်စွာ အဖော်ပြုပေးခဲ့သည်။
အသက်အရွယ်ကြီးရင့်သော အဘိုးအိုအတွက် သူ့အနှစ်သက်ဆုံးအရာမှာ အအေးခံထားသော Coke ဖြင့် လှေပေါ်တွင် ငါးမျှားထွက်ခြင်း၊ နေရောင်ခြည်ခံကာ ပင်လယ်လေညှင်းခံခြင်းသာ ဖြစ်သည်။
Charles က တကယ့်ကို အသက်အန္တရာယ် နဲ့ နီးတဲ့ အားကစားကို နှစ်သက်သူဖြစ်သည်။ ပထမ သူက Tang Feng ကို ကားပြိုင်မောင်းဖို့ သွားတယ်။ Tang Feng အတွက်တော့ ဒါဟာ အရမ်းကောင်းတဲ့ အတွေ့အကြုံပါပဲ။ စိတ်အားထက်သန်မှုနဲ့ အရှိန်မြှင့်မြှင့်မောင်းနှင်ခြင်းက တကယ့်ကို ရင်ထဲ တလှပ်လှပ် ခံစားရစေတယ်။
တာဝန်မဲ့သူ အချို့လို့ အများပြည်သူ လမ်းပေါ်မှာ တရကြမ်း မောင်းမည့်အစား ပြိုင်ကားလမ်းကြောင်းပေါ်တွင်သာ မောင်းလေ့ ရှိသည်။ ပြိုင်ကား မောင်းခြင်းအပြင် Charlesက ရွက်တိုက်ခြင်း၊ တောင်တက်ခြင်းတို့ကို နှစ်သက်သည့်အပြင် ရေငုပ်ခြင်းကိုလည်း နှစ်သက်သည်။
သင်္ဘောဖြင့် ပင်လယ်သို့ မောင်းနှင်လာပြီးနောက် Charles သည် Tang Feng ကို အတူတကွ ရေငုပ်ရန် တိုက်တွန်းခဲ့သည်။ Tang Feng က ရေကူးနိုင်ပေမယ့် သူ့ရဲ့နည်းစနစ်က မကောင်းလှဘူး။
နှလုံးရောဂါရှိသူ မပြောနဲ့... သာမန်လူတစ်ယောက်တောင် ရေထဲမှာ အကြာကြီး နေရတဲ့အခါ ရင်ဘတ်နဲ့ အဆုတ်က မသက်မသာ ခံစားရလိမ့်မယ်။ အခုတော့ Tang Feng သည် ရေကူးခြင်းကို နှစ်သက်သော်လည်း ဘေးကင်းသော ရေကူးကန်တွင်သာ ရေကူးခြင်းကိုသာ နှစ်သက်သည်။
"ချားလ်စ် ဟာသ မလုပ်နဲ့.... သူက ရေငုပ်လို့မရဘူး။"
Lu Tian chen သည် Charles ၏ အဆိုပြုချက်ကို သဘောမတူပေ။
"ငါနဲ့ တခြားသူတွေ ထျန်းဖုန်းကို ကူညီပေးလိမ့်မယ်၊ ဒီလိုမျိုး ယတိပြတ်မငြင်နဲ့လေ"
Charles က ကျယ်လောင်စွာပြောပြီး ရေငုပ်ကိရိယာရှေ့တွင် ကြိုးတစ်ချောင်းကို ဆွဲယူလိုက်သည်။
"Tang Feng ရဲ့ ခန္ဓာကိုယ်မှာ ဒီကြိုးကို ချည်ထားရင် သူ လုံးဝ ရေထဲ နစ်မြုပ်စေမှာ မဟုတ်ဘူး။ အားလုံးက အဘိုးကြီးလို ငါးမျှားရင်း အချိန်ဖြုန်းဖို့ ပင်လယ်ကို လာနေကြသလို မလုပ်နဲ့။ အခုချိန်က ငါတို့ရဲ့ ငယ်ရွယ်တဲ့ စွမ်းအားတွေကို အစွမ်းကုန်သုံးပြီး ပျော်ရွှင်ရမယ့် အချိန်လေကွာ ...."
ချားလ်စ်က သူ့ပုခုံးကို သိုင်းဖက်ပြီး ပင်လယ်ကို ညွှန်ပြလိုက်သည်။
"ရေငုပ်ဖို့ တစ်ကြိမ်ပဲ ကြိုးစားကြည့်စမ်းပါ။ မင်း ရေငုပ်တာကို လုံးဝ ချစ်မိသွားလိမ့်မယ်။"
အဘိုးကြီး ဟုတ်လား...... အိုကေ၊ သူက တကယ်ကိုပဲ လူလတ်ပိုင်းအရွယ်ရောက်နေပါပြီ.....
"ခင်ဗျား အဲဒါကို သင်ပေးမယ် မဟုတ်လား" Tang Feng က စိတ်အားထက်သန်စွာပြောလိုက်သည်။
Lu Tian chen က စိတ်မချနိုင်စွာဖြင့် သူ့ဘေးနားက ပြောလိုက်တော့သည်။
"ငါလည်း မင်းနဲ့ ရေထဲ အတူတူဆင်းမယ်။"
"မင်း ရေငုပ်နေတုန်းလား?" Charles က မျက်ခုံးပင့်ကာ သူငယ်ချင်းကို ခပ်ထေ့ထေ့ မေးလိုက်သည်။
ချားလ်စ်ကို လျစ်လျူရှုပြီး လုထျန်းချန်က ထျန်းဖုန်းရှေ့ကို တိုက်ရိုက်လျှောက်သွားခဲ့ပြီး Lu Tianchen သည် ခေါင်းငုံ့ကာ ရေငုပ်ကိရိယာများကို စိတ်ချရရဲ့လားဆိုတာ စတင်စစ်ဆေးတော့သည်။
ထျန်းဖုန်းက ရေငုပ်တာကို စိုးရိမ်သည်တော့ မဟုတ်ပေ။ ဒါပေမယ့် အခြေခံအားဖြင့်တော့ Repulse ပင်လယ်ကွေ့ ရဲ့ အနက်က ငါးမီတာ ဒါမှမဟုတ် ခြောက်မီတာလောက် နက်လေ့ရှိပြီး အောက်ကို ဆင်းပြီးရင် ပြန်တက်ဖို့က မိနစ်အနည်းငယ်ကြာတယ်။
ရေအောက်ရှုခင်းက တကယ်လှပေမယ့် ........................
"ရိုးရိုးသားသားပြောရရင် ကျွန်တော့်မှာ စိတ်လှုပ်ရှားလာရင် စိတ်ဖိအား တစ်ချို့ဖြစ်လာလေ့ရှိတယ်၊ အဲ့အချိန် အသက်မရှူနိုင်တာ ဖြစ်တတ်တယ်။ ပင်လယ်ရေက ပါးစပ်နဲ့ အဆုတ်တွေထဲကို ဝင်သွားတာမျိုးကို ကျွန်တော် တကယ် မကြိုက်ဘူး"
Tang Feng က Charles နဲ့ Lu Tian chen တို့အကူအညီနဲ့ ရေငုပ်ကိရိယာကို ကိုယ်ပေါ်မှာ စတင်တပ်ဆင်ခဲ့ပါတယ်။
"ဒါက စိတ်လှုပ်ရှားစရာကောင်းပေမယ့် ကြည့်ရတာ အရမ်းစိတ်ဝင်စားဖို့ကောင်းပုံရတယ်။"
"ငါ မင်းကို ဆွဲခေါ်သွားပေးမယ်"
Lu Tian chen သည် ရိုးရှင်းသော စကားတစ်ခွန်းဖြင့် ပြုံးပြခဲ့ခြင်းက ရုတ်တရက် လူကို စိတ်လုံခြုံမှုအပြည့် ခံစားစေခဲ့သည်။
"ခင်ဗျား သိပါတယ်၊ ကျွန်တော် ငယ်ငယ်တုန်းက ဒီလိုမျိုး ပင်လယ်အနက်ပိုင်းမှာ ရေငုပ်ဖို့ စိတ်ကူးယဉ်ခဲ့ ဖူးတယ်။"
Tang Feng က ပြုံးပြုံးလေးပြောလိုက်သည်။
Charles က "ကိုယ့်ရဲ့ Tang Feng က ဘာကို စဉ်းစားနေတာလဲ။ နောင် ဘုရင်မဖြစ်ချင်ရင် ကိုယ့်ကို မြန်မြန်ပြောပါ ဟား...ဟား...။"
"ချားလ်စ်ကို မော့ကြည့်လိုက်ပြီး Tang Feng က တည်ငြိမ်စွာ ပြောခဲ့သည်။
"မင်းချစ်တဲ့လူ၊ မင်းကိုချစ်တဲ့သူနဲ့ ကမ္ဘာပေါ်မှာ မင်း အလုပ်ချင်ဆုံး အရာတွေကို လုပ်ဖို့ပဲ......"
ထိုစကားသံထွက်လာပြီးနောက် ထျန်းဖုန်း အနောက်ဘက်မှာ ရပ်နေသည့် လူက ပိုတိတ်ဆိတ်သွားပြီး အခု စကားပြောနေသည့် အမျိုးသား အတွက်၊ ကလေးဘဝတုန်းက ရိုးရိုးရှင်းရှင်းနဲ့ စိတ်ကူးယဉ်တာတွေဟာ အမြဲတမ်း ချစ်ဖို့ကောင်းနေတာပဲလို့ တွေးနေမိသည်။
နေထွက်ချိန်နဲ့ နေဝင်ချိန်တွေကို အတူတူကြည့်ဖို ချစ်သူရဲ့ လက်ကို တွဲထားရန် ထိုအမျိုးသား တွေးခဲ့တယ်။ မနက်တိုင်း အိပ်ရာထတိုင်း သူ့ပတ်ဝန်းကျင်မှာ ချစ်ရတဲ့သူကို တွေ့ဖို့ဆိုတာ ကမ္ဘာပေါ်မှာ အကြီးကျယ်ဆုံးလို့ ထင်ခဲ့တာ။ သူက ဒီလို ရောင့်ရဲလွန်းသည့် အရာလေးတွေနဲ့ ပျော်ရွှင်ခဲ့သည်။
သူ့မျှော်လင့်ချက်တွေက သေးငယ်ပြီး ရိုးရှင်းလွန်းလှတယ်၊ သူက ချစ်ရသူနဲ့ အတူနေရမယ့် ပြီးပြည့်စုံတဲ့ အိမ်ကို လိုချင်ခဲ့တယ်၊ ညဘက်မှာ သူ့ကို အလုပ်ကနေ အိမ်ကို လိုက်ပို့ဖို့ တစ်ယောက်ယောက်ပဲ လိုတယ်။ စားပွဲမှာ တစ်ယောက်တည်း အမြဲထိုင်ပြီး တိတ်တိတ်လေး စားနေဖို့ မလိုချင်ခဲ့ဘူး။
သို့သော် ယခင်က ဖီးနစ်ထျန်း ၏အမြင်တွင် ဤသို့သေးငယ်ပြီး ရိုးရှင်းသောမျှော်လင့်ချက်များသည် ဇိမ်ခံမှု တစ်ခုဖြစ်ပြီး ယခု ထျန်းဖုန်း ဘဝတွင်တော့ သူ့ဆီမှာ ထိုကဲ့သို့သောဇိမ်ခံမှုများကို အလွယ်တကူ ရရှိနေပြီ ဖြစ်သည်။
"ငါ သုံး... နှစ်..တစ်....လို့ ရေတွက်ပြီး သုံးယောက်လုံး အတူတူ ခုန်ကြမယ်!"
Charles က ပင်လယ်လေကို မျက်နှာမူပြီး အော်လိုက်တယ်။
"ကောင်းပြီ!"
သူ့ပတ်ဝန်းကျင်က လူနှစ်ယောက်က သူ့လက်ကို တင်းတင်းဆုပ်ထားသလို ခံစားလိုက်ရတော့ Tang Feng က ရယ်မောပြီး "တစ်" ဆိုတဲ့ အသံထွက်လာတဲ့အခါ ကျသွားတဲ့အခါ လှေပေါ်ကနေ ပင်လယ်ထဲကို ခုန်ဆင်းသွားခဲ့တယ်။
ပင်လယ်ရေအောင်တွင် ဆိတ်ငြိမ်သော အပြာရောင်ကမ္ဘာတစ်ခုကို တွေ့လိုက်ရပြီး... တောက်ပသော နေမင်းကြီးသည် ပင်လယ်ပြင်အောက်တွင် အလင်းကို ယိုင်ထိုးထားပြီး အပြာရောင်အလင်းတန်းများကို မတူ ကွဲပြားစွာ ဖြာထွက်နေစေသည်။ ရေကူးနေသည့် ငါးကလေးများက သူ့ဘေးနားကနေ ကပ်လျက် ကူးခတ်နေတယ်။ သူသည် မတူညီသောကမ္ဘာကိုမြင်ပြီး မတူညီသော ဘဝထဲ ရောက်သွားခဲ့သည်။
ဘဝမှ ပင်လယ်ရေအနက်ပိုင်းကို ရေငုပ်ပြီးနောက် ထျန်းဖုန်းအတွက် လုပ်စရာ ဘာမှ မကျန်တော့သလို ခံစားလိုက်ရသည်။
လှပကာ တိတ်ဆိတ်လွန်းလှသည့် ရေအောက် ပာရောင်ကမ္ဘာကြီးက ထျန်းဖုန်းကို အဆုံးမရှိသည့် အေးချမ်းမှုကို ယူဆောင်လာပေးခဲ့သည်။
............
သာယာသောပင်လယ်၊ နေမင်းကြီးသည် ပင်လယ်ရေမျက်နှာပြင်ကို စိမ့်ဝင်နေသော ပုလဲမှုန့်ကဲ့သို့ မျက်နှာပြင်ကို လွှမ်းခြုံနေပြီး အေးမြသော ပင်လယ်လေညင်းသည် အမြဲ လူကို လန်းဆန်းနေစေသည်။
ဘဝဟာ ထာဝရ ငြိမ်သက်နေမှာ မဟုတ်ပေ။၊ ရံဖန်ရံခါမှာ မုန်တိုင်းက ရုတ်တရက် ပြင်းထန်စွာ ရောက်လာလိမ့်မယ်။
အားလပ်ရက် ခုနစ်ရက်ကြာပြီးနောက် Tang Feng နှင့် Lu Tian chen တို့သည် အလုပ်များ လုပ်ကိုင်ရန် လူ့အဖွဲ့အစည်းသို့ ပြန်ခဲ့ကြသည်။
"Heavenly Son" ၏အောင်မြင်မှုကို အနည်းငယ်မျှော်လင့်ထားသော်လည်း ဤရုပ်ရှင်၏ အောင်မြင်မှုသည် ယနေ့ဟောလိဝုဒ်တွင် Tang Feng ရဲ့ နာမည်ကို ဟိုးအမြင့်ဆုံးကို ဆွဲတင်နိုင်သည်အထိ အကောင်းဆုံးဖြစ်လာမည်ဟု မထင်ခဲ့မိသည်။ အခုတော့ ဟောလိဝုဒ်တွင် တရုတ်ပြည်မှ လာသည့် အနုပညာကြယ်ပွင့်လေးက ထင်ရှားလာခဲ့လေပြီ။
အပိုဆုများနှင့် ရုပ်ရှင်ဆုများ အပါအဝင် ဝင်ငွေလည်း မြင့်တက်လာခဲ့သည်။ ဤ ရုပ်ရှင်သည် Tang Feng ကို အဆင့်မြင့် သရုပ်ဆောင်ဖြစ်အောင် ဖန်တီးထားပြီးဖြစ်သည် ။ ဝင်ငွေ ဒေါ်လာ ၁၀ သန်း ရရှိလာ စေခဲ့သည်။
ဟောလိဝုဒ်သို့ ဝင်ခွင့်ရရန် တံခါးပွင့်သွားပေမယ့် ထို မတော်တဆမှုမှာ မြန်ဆန်လွန်းလှသည်။
............
အင်တာနက်ပေါ်ရှိ အစီရင်ခံစာများစွာနှင့် အတင်းအဖျင်း ဂျာနယ်မှ တင်ထားသည့် သူတို့ ၏ဓာတ်ပုံများကို အပေါ်ယံလျှပ်ကာ ဖတ်လိုက်သည်။ Tang Feng သည် ထိုစာမျက်နှာကို ဖတ်မနေပဲ တစ်ခါတည်း ပိတ်လိုက်သည်။
မနေ့မနက်ကပဲ Tang Feng နဲ့ Charles တို့ရဲ့ ရင်းနှီးတဲ့ဓါတ်ပုံတစ်ပုံဟာ အင်တာနက်မှာ ရုတ်တရက် ပေါ်လာခဲ့တယ်။ တကယ်တော့ အပြင်မှာ သူနဲ့ ချားလ်က ဒီလောက်မနီးစပ်ခဲ့ဘူး။ Tang Feng နှင့် Charles တို့သည် အပြင်ထွက်သည့်အခါ ရံဖန်ရံခါ အတူတူ ညစာ စားလေ့ရှိကြပြီး Charles သည် ကိုယ်တိုင် အပြင်ထွက် လှုပ်ရှားလိုသော ယောက်ျားလေးဖြစ်သည်။
Charles က Tang Feng ရဲ့ ပခုံးတွေကို ကိုင်ထားတဲ့ ပုံတွေ ပါနေပြီး တချို့ပုံထဲမှာ ထျန်းဖုန်း၏ ပါးပြင်ကို နမ်းနေသေးတယ်၊ ဒါပေမယ့် ဒါက တကယ် နမ်းနေတာတော့ မဟုတ်ပါဘူး။
နာမည်ကြီးတွေ အတင်းအဖျင်း သတင်း ထွက်လာတယ်ဆိုတာ ကြီးကြီးမားမားကိစ္စမဟုတ်ပေမယ့် တကယ်တမ်းမှာတော့ စူပါစတားတွေကြားမှာ လိင်တူချစ်သူလို့ ဘယ်သူမှ ဝန်မခံချင်ကြတာကို တွေ့ရလိမ့်မယ်။ ဒီလို သတင်း ထွက်လာတဲ့အခါတိုင်း ထိုသရုပ်ဆောင်က ကြီးမားသော အန္တရာယ်နှင့် ရင်ဆိုင်ရလိမ့်မည်။ လိင်တူချစ်ခြင်းကို ထောက်ခံသည့် လူနည်း၏ ပံ့ပိုးကူညီမှုကို ရနိုင်ပေမယ့် လိင်ကွဲ ထောက်ခံသူ ပရိတ်သတ် အများစုကို ဆုံးရှုံးသွားနိုင်သည်။
ပိုဆိုးသည့်အချက်က လိင်တူချစ်သူ အများစုသည် ပရိတ်သတ်အများစု၏ ထောက်ခံမှုကို ရဖို့ သူတို့ရဲ့ လိင်တူ စုံမက်ခြင်းကို လျှို့ဝှက်ထားဖို့သာ ရွေးချယ်ကြသည်။
တကယ်တော့ Tang Feng ဟာ သူ ကိုယ်တိုင်နဲ့ Charles သို့မဟုတ် Lu Tian chen နဲ့ သတင်းထွက်ရမည်ကို မကြောက်ပေ။ သူက Gay ဖြစ်နေတယ် ဆိုတဲ့အချက်ကို မကြိုက်ပေမယ့်၊
သူသည် လိင်တူချစ်သူ အဖြစ် မွေးဖွားလာသူ မဟုတ်သော်လည်း သူ့ကို အနှောက်အယှက်ပေးခဲ့တဲ့ လူ အားလုံးက အမျိုးသားများဖြစ်သည်။ ယခင်က မိသားစု တစ်ခု ဖန်တီးဖို့ ထျန်းဖုန်း မိန်းကလေးတစ်ဦးနှင့် လက်ထပ်ရန် စိတ်ကူးခဲ့ဖူးသော်လည်း ကံတရားကို ဖန်တီးတဲ့ နတ်ဘုရားက ယောက်ျားတွေကို သူ့ဘဝထဲ ထည့်သွင်းရမည်ကို နှစ်သက်ခဲ့သည်။
ယခု တစ်ကြိမ် အင်တာနက်ပေါ် ပျံ့နှံ့နေသည့် ဖြစ်ရပ်ထဲတွင် Charles အကြောင်း မထင်မရှားသာ ပါဝင်နေပြီး သတင်းများစွာက Tang Feng ကိုသာ ဦးတည်း ဒုက္ခပေးခဲ့သည်။ ဥပမာအားဖြင့်၊ ထိုသို့ ချောမောပြီး အားကြီးသောလူသည် အမှန်တကယ်တွင် မြေအောက်ကမ္ဘာကို မှောင်ခိုပေးသွင်းနေသူ ဆိုသည့် မတူ ကွဲပြားခြားနားသော လူ ဖြစ်နေသည်။
ရိုးရိုးရှင်းရှင်းပြောရလျှင် Tang Feng နှင့် Charles တို့သည် အမှန်တကယ် ချစ်မြတ်နိုးကြကြောင်း ဝန်ခံရန် မရည်ရွယ်သော်လည်း ထိုသတင်းများက Tang Feng ရဲ့ တရှိန်ထိုး အောင်မြင်လာသည့် ဘဝနဲ့ ထိုအမျိုးသားတွေကြောင့် ဆိုပြီး စွပ်စွဲချင်နေဟန်တူသည်။
ဖျော်ဖြေရေးနယ်ပယ်မှာ ဒီလို ပုံစံဖြင့် တဟုန်ထိုး အောင်မြင်လာသည့် သရုပ်ဆောင်က သိပ်မများလှပေ။ Tang Feng ရဲ့ အရှိန်က လူအားလုံးထက်ကို အရမ်းမြန်ဆန်စွာဖြင့် အမြင့်ကို တက်သွားခဲ့သည်။ အခု ဖော်ထုတ်လာသည့် ဓါတ်ပုံများ၏ သက်သေပြချက်များအရ Tang Feng သည် ယနေ့ အဆင့်အတန်းကို ရောက်နိုင်ဖို့ ထိုအမျိုးသားများအပေါ် အမှန်တကယ် အားကိုးနေပုံရသည်ဟု အသံတိတ်ပြောချင်နေသည်။
ထျန်းဖုန်း၏ အနုပညာအရည်ချင်းက အချိန်၏စမ်းသပ်မှုကို ခံနိုင်ရည်ရှိပေမယ့် အမှန်တရား ပေါ်လာဖို့ဆိုတာ ရည်မှန်းထားသည်ထက် အချိန်ကြာမြင့်လွန်းလှသည်။
"သတင်းတွေ အကုန်လုံး ရှုပ်ကုန်ပြီ။"
Charles က သတင်းစာကို မကျေမနပ်နဲ့ ဘေးဖယ်ထားပြီး ဒေါသဖြင့် အော်လိုက်သည်။
"ဥပဒေကို လျစ်လျူရှုပြီး ထင်တာ ရေးတဲ့သူ အကုန် ငါ တရားစွဲလိုက်မယ်"
"သူတို့က အမှန်အတိုင်းပြောတာ။"
Tang Feng က Charles ကို " စိတ်ဆိုးနေဖို့ မလိုပါဘူး" ဟု ပြုံးလျက်ပြောသည်။
ဖျော်ဖြေရေးသတင်းစာတိုင်းက သူတို့ သတင်းစာတိုက် ဆက်လက်ရပ်တည် ရှင်သန်ရန် အနုပညာ ကြယ်ပွင့်များပေါ်တွင် မှီခိုနေရသည်၊ ထိုအနုပညာရှင်ကို အပုပ်ချရန် မရည်ရွယ်ပေမယ့် အနှေးနှင့်အမြန်ဆို သလိုပင် ထိုသို့သော သတင်းများက အမြဲရှိနေမည်ဖြစ်သည်။
သူ နာမည်ကြီးလာတဲ့အခါ သူ့အပေါ် နာကြည်းမှုတွေ၊ မကျေနပ်မှုတွေ ရှိသည့် တစ်ယောက်ယောက်က သူ့အပေါ်ကို မဟုတ်မမှန် အပုပ်ချသည့် သတင်းလွှင့်ခြင်းက အမြဲရှိမှာပါ။ ဒါက ဖီးနစ်ထျန်းဘဝမှာတုန်းကလည်း ဖြစ်ပျက်ခဲ့ဖူးသည်။ အခု Tang Feng ဘဝတွင်လည်း ထိုသို့ ကြုံတွေ့ခဲ့ရသည်။
"ငါ သူတို့ကိုသတ်ချင်တယ်"
"မင်း လူတိုင်းကို မသတ်နိုင်ဘူး၊ "
Tang Feng က ထလာပြီး ဒေါသူပုန်ထနေသည့် ဝက်ဝံကြီးကို နှစ်သိမ့်သည့်အနေဖြင့် Charles ရဲ့ ပုခုံးတွေကို ပွေ့ဖက်ရင်း ဆိုဖာရဲ့ လက်ရန်ပေါ်မှာ ထိုင်ပြီး ဖြောင့်ဖျလိုက်သည် ။
"အမှန်တရားကို သိတဲ့ သူက အမြဲတမ်း လူနည်းစုပဲ၊ ဒါပေမယ့် အချိန်က အရာအားလုံးကို သက်သေပြလိမ့်မယ်။"
ဒီ အတင်းအဖျင်း သတင်းက သူ့ကို ရုပ်ပိုင်းဆိုင်ရာ ထိခိုက်မှုတွေ အများကြီး ဖြစ်စေမှာ မဟုတ်ဘူး။ ဒါက ဖီးနစ်ထျန်း ရဲ့ အတွေ့အကြုံကို အခြေခံထားကာ ထျန်းဖုန်း သေချာသိနေခြင်း ဖြစ်သည်။ ဇာတ်ကားကောင်းတွေနဲ့ ဒါရိုက်တာတွေနဲ့ ကြုံတွေ့ရတဲ့အခါ၊ ပူးပေါင်းဆောင်ရွက်မှုတွေ ရှိသင့်တယ်။
သို့သော် တစ်ခါတစ်ရံတွင် မတော်တဆမှုများလည်း ရှိသည်။ Lu Tian chen ပြန်ရောက်သောအခါတွင် သတင်းဆိုးလေး တစ်ခု ထွက်လာခဲ့သည်။
" "ကောင်းကင်ဘုံရဲ့ သားတော်" ၏ နောက်ဆက်တွဲ ရိုက်မယ့် ဇာတ်လမ်း ထုတ်လုပ်သူတွေက အခု ပေါ်ထွက်လာတဲ့ အတင်းအဖျင်း သတင်းကြောင့် ငါတို့နဲ့ ဆက်လက်ပူးပေါင်းဖို့ အစီအစဉ်မရှိတော့ဘူးတဲ့။ "
Lu Tian chen သည် သတင်းစာထဲရှိ Tang Feng နှင့် Charles တို့၏ သတင်းများကို ထောက်ပြခဲ့သည်။
"သူတို့က မင်းကို အန္တရာယ်များလွန်းတယ်လို့ ထင်ကြပြီး သတင်းတွေထွက်ပြီး ရုပ်ရှင်ထဲက ဟီးရိုးရဲ့ အပြုသဘောဆောင်တဲ့ ပုံရိပ်ကို ထိခိုက်မှာ စိုးရိမ်နေကြတယ် "
" Tang Fengက အာရှတောင်းပိုင်းမှာ ရိုက်ကူးရေးလုပ်တုန်းက ပြန်ပေးသမားတွေ လက်ထဲကနေ လူတွေကို ကယ်တင်ခဲ့တယ်လေ"
ထိုသတင်းကို ကြားတော့ ချားလ်စ်က စိတ်မချမ်းသာစွာ ပြောခဲ့သည်။
"သူတို့က ဒါကို မေ့ပစ်ဖို့ ရည်ရွယ်ထားတာ ထင်ရှားတယ်။"
Lu Tian chen ၏ မျက်လုံးများက Tang Feng ကို မမှိတ်မသုန် စိုက်ကြည့်လာသည်။
"တကယ်တော့ ကိုယ် စုံစမ်းစစ်ဆေးမှု နည်းနည်းလုပ်ခဲ့တယ်။ ကြည့်ရှုသူ အများစုက သတင်းကို သိပ်အလေးအနက်မထားပေမယ့် ထုတ်လုပ်သူတွေက မင်း ရဲ့ အနုပညာကြေးကို လျှော့ချဖို့ ဒီသတင်းကို သုံးချင်ပုံရတယ်။"
"ဘယ်လောက်လျှော့ချင်တာလဲ။ "
ရွေးချယ်ခွင့်ရမယ်ဆိုရင် Tang Feng က လစာနည်းတဲ့ ရုပ်ရှင်တွေကို လက်ခံမှာမဟုတ်ဘူး။
"၅၀၀,၀၀၀။"
အတင်းအဖျင်း သတင်းတက်လာသည့် တခဏအတွင်းမှာ ထျန်းဖုန်းရမည့် အနုပညာကြေးက ဆယ်သန်းမှ ငါးသိန်းအထိ အဆနှစ်ဆယ်လျော့သွားသည်။
Lu Tianchen မျက်မှောင်ကြုတ် " သူတို့က ဒါကို ရည်ရွယ်ချက်ရှိရှိ လုပ်ခဲ့ကြတယ်။"
"ဒါပေမယ့် ထုတ်လုပ်သူဟာ သူ့ရဲ့လစာကို အမှန်တကယ် လျှော့မပေးချင်ပေမယ့် သူ့ကို ပြောင်းလဲပစ်ချင်တယ်လို့ သူက မမျှော်လင့်ထားပါဘူး။
"ဓာတ်ပုံ တွေ ထွက်လာလို့ သူတို့က ကျွန်တော့် အနုပညာကြေးကို 500,000 ပဲ ပေးမယ်လို့ ပြောတယ်ဆိုရင်တောင် တကယ် ရုပ်ရှင်ရိုက်ခါနီးမှာ သူတို့က ကျွန်တော့်ကို ပြောင်းလဲဖို့ အကြောင်းပြချက်အသစ်တွေ ရှာကြလိမ့်မယ်။"
Tang Feng က ခါးသီးတဲ့အပြုံးနဲ့ သက်ပြင်းချလိုက်တယ်။
"ကျွန်တော် Robert နဲ့ စကားပြောလိုက်မယ်။"
*******-******
BINABASA MO ANG
(V 3+V4) ကောင်းကင်ယံထက်က ငွေကြယ်ပွင့် ( MM translation)
Romance(True Star _ Volume -3) Volume _ 1 https://my.w.tt/0VLPMBzaM0 Volume _2 https://my.w.tt/FiO6qMLaM0 https://www.rabbit-converter.org/Rabbit/ Because of my friend Shiroyuki, now i am ok to up my fiction with both myanmar font. Thanks Shiro.
