True Star _Volume 4 _ Chapter (41) - ရုပ်ရှင်ပွဲတော် (1)
ပါတီမှာ Tang Feng ( ထျန်းဖုန်း) တကယ့်ကို ပျော်ခဲ့ရသည်။ အစပိုင်းတွင် ဖော်ရွေချင် ယောင်ဆောင်ကာ တိုက်ခိုက်နေသော Jonas ပေါ်လာလို့ စိတ်အနှောက်ယှက် အနည်းငယ်ဖြစ်ရသော်လည်း သူ့ကို Tang Feng လျစ်လျုရှုလိုက်ကာ မိမိဖာသာ စိတ်သက်သာသလို နေလိုက်သည်။ လူ့ဘဝက တိုတောင်းလှသည်။ အနှောက်ယှက်ပေးသော လူကြောင့် မိမိ ၏ အေးဆေးသောအချိန်ကို ဖဲ့ပေးဖို့ မတန်ပေ။
အကျင်လူ၏ အကြိမ်ဖန်များစွာ လိုက်လံတိုက်ခိုက်သည်ကို ခံရပြီးနောက် စိတ်ရှည်သည်းခံပြီး တစ်ဖက်သား၏ စိတ်ကို နားလည်ပေးနိုင်သည့် Tang Feng ပင်လျှင် သည်းမခံနိုင်အောင် ဖြစ်ကာ လက်ပါခဲ့ရသဖြင့် ကိုယ့်ဘာသာပင် မယုံနိုင်အောင် ဖြစ်ခဲ့ရသည်။
Gino က မကြာသေးမီကမှ ရိုက်ကူးခဲ့သည့် ဇာတ်ကား ပရိုမိုးရှင်းကြောင့် အလုပ်များနေပြီး အားလုံးက ပွဲအပြီးတွင် Tang Feng နှင့် Gino တို့ လမ်းခွဲကြသည်။ သူတို့ နှစ်ယောက်ကြား အခုအခြေအနေက တော်တော်ကောင်းပါတယ်။ ကိုယ်စီ အလုပ်ရှုပ်နေကြပေမယ့် အချိန်ရရင် စုပြီး စကားပြောဖို့ ထွက်လာကြတယ်။ Gino သည် ချစ်သောသူကို လက်မလွှတ်နိုင်သော လူမဟုတ်ပေ။ ရေစက်မပါလို့ ဇနီးမောင်နှံမဖြစ်နိုင်ရင်တောင် သူငယ်ချင်းကောင်းတစ်ယောက်ဖြစ်နိုင်ပါတယ်ဆိုသည့် လူစားမျိုးဖြစ်သည်။
"ဘေဘီ၊ ရုပ်ရှင်ထဲမှာ မင်းကို အခွင့်ကောင်းယူတဲ့ လူကို ငါ တွေ့လိုက်ရသလိုပဲ"
Tang Feng သည် လာကြိုသော ကားပေါ်သို့ ပြန်ရောက်သောအခါ Charles က ထိုင်နေပြီဖြစ်သည်။ သူက ကားထဲမှာ အမြဲရှိနေသလားပင် မသိပေ။
"သူက ငါ့ထက် ရုပ်ရည်ပိုသာတယ်လို့ မင်း ထင်လား"
Tang Feng သည် သဝန်တိုနေသော Charles ၏ ပခုံးပေါ် သူ့လက်ဖဝါးဖြင့် တစ်ချက် ပုတ်လိုက်ကာ မေးလိုက်သည်။
Charles က ပြုံးပြီး သူ့ရင်ဘတ်ကို ပွတ်သပ်ရင်းပြောလိုက်သည်။
"ဟုတ်ပါတယ် မင်းက ပိုကြည့်ကောင်းတယ်၊ ဒါပေမယ့် ဒါက ကမ္ဘာပေါ်မှာ ဘယ်သူ့ကို မေးမေး ဒီလိုပဲ ဖြေမယ့် အမှန်တရားပဲ!"
သူတို့နှစ်ယောက် ကားပေါ်တက်ပြီး ဟိုတယ်ကို တိုက်ရိုက်ပြန်လာခဲ့သည်။ အဲလ်ဘတ်က ဟိုတယ်မှ ထွက်ခွာသွားပြီဟု Tang Feng ခန့်မှန်းမိလိုက်သည်။ အခန်းထဲတွင် Albert နှင့် သူ အတူနေခဲ့သည့် အရိပ်အယောင်လုံးဝ မကျန်ရှိခဲ့ပေ။ အယ်လ်ဘတ်ရဲ့ အဝတ်အစားတွေလည်း မကျန်၊ ဆံပင်ပင်မွေး တစ်ပင်တောင် မကျန်ရစ်ခဲ့ပေ။ မသိလျှင် ဒီနေရာကို အယ်လ်ဘတ် လုံးဝ ခြေမချဖူးသည့်နှယ်ပင်။
Tang Feng သည် သန့်ရှင်းသပ်ရပ်စွာ ရှိနေသည့် ဟိုတယ်ခန်းထဲ လျှောက်သွားကြည့်ပြီးနောက် အံ့ဩသွားသည်။
"ဒါက မှုခင်းဇာတ်ကားထဲက မြင်ကွင်းတစ်ခုလို ခံစားရစေတယ်။ ရာဇဝတ်သားက ထွက်သွားပြီးတဲ့နောက် အခန်းကို လုံးဝ ရှင်းထားခဲ့တယ်၊ လက်ဗွေရာတွေ၊ သဲလွန်စတွေ လုံးဝ မရှိဘူး၊ ဘာမှ မကျန်ခဲ့ဘူး။"
အခန်းထဲဝင်လာတော့ Tang Feng က အိပ်ခန်းထဲကို အရင်ကြည့်လိုက်ပြီး ဗီရိုကိုဖွင့်လိုက်တော့ သူ့အဝတ်အစားတွေပဲ ကျန်တော့တယ်။
အတူတူရှိလာပြီး နောက်ပိုင်းတွင် သူက အဲလ်ဘတ် ရှိနေသည်ကို နေသားကျလာခဲ့ပြီ ဖြစ်သည် ။ အခုတော့ အခန်းထဲမှာ နေအပ်လိုတဲ့ Albert ဖတ်နေခဲ့သော စာအုပ်များမှအစ သူ ရေးခဲ့သည့် မှတ်စုများအဆုံး ဘာမှ ခြေရာလက်ရာ မကျန်အောင် အားလုံး ပျောက်ကွယ်သွားသည်။
"သူလို ရွံမုန်းစရာကောင်းတဲ့ လူမျိုးက ဒီနေ့အထိ အသက်ရှင်နေနိုင်တယ်ဆိုတာ အရမ်းကို သတိကြီး လွန်းလို့ ဆိုတာ ဘေဘီ စိတ်ထဲ ထည့်ထားသင့်တယ်။ သူက သူ့ သရုပ်မှန်ကို ဖော်ထုတ်နိုင်တဲ့ အရာ၊ သူ့ ဂုဏ်သိက္ခာကို ထိခိုက်စေတဲ့ သဲလွန်စနဲ့ အားနည်းချက် နည်းနည်းလေးတောင် မကျန်အောင် ဂရုတစိုက်ရှိတဲ့ စရိုက်လက္ခဏာလည်း ရှိသေးတယ်။"
Charles သည် Tang Feng အနားတွင် အပေါ်အောက် လှည့်ပတ်နေကာ အယ်လ်ဘတ်အကြောင်းက ို ရှင်းပြနေသည်။
"ဟား....ဟား....ဟား၊ ယဉ်ကျေးလိမ်မာသလို အယောင်ဆောင်နေတဲ့ သားရဲကြီးက နောက်ဆုံးတော့ ပျောက်ကွယ်သွားပြီ။ အဲယ်လ်ဘတ် တခြားတစ်ယောက်ယောက်ကို မြန်မြန်တွေ့ဖို့ မျှော်လင့်မိတယ်ကွာ "
ကံမကောင်းစွာနဲ့ပဲ Charles ရဲ့ ခဏတာ ပျော်ရွှင်မှုကို Tang Feng က ရေအေးဖြင့် လောင်းပေးခဲ့တယ်။
"ညဘက်ဆို ကျွန်တော့် အခန်းထဲမဝင်နဲ့ ။ ဝင်တာနဲက ချက်ချင်း ဟိုတယ်ခန်းထဲက မောင်းထုတ်ပစ်မယ်။"
Tang Feng က အေးစက်စွာပြောခဲ့သည်။
"ဘေဘီ......."
"............"
မင်းက တောင့်တင်းကြံ့ခိုင်တဲ့ ကိုယ်လုံးကြီးနဲက ခုလို ညုတုတု လုပ်နေလို့ မဖြစ်ဘူးလေ.... ဒီလို လုပ်နေတာက မင်းကို မိန်းမလျာကြီးနဲ့ တူသွားလို့ ကျွန်တော့်ကို စိတ်မသက်မသာ ဖြစ်စေတယ်။
"စကားမစပ် Charles.....ခင်ဗျားက ပိုနူးညံ့ပြီး ပိုချောလာတယ် Charles"
Tang Feng က သူ့ခေါင်းကို အသာယမ်းကာ အမှန်အတိုင်းပြောလိုက်တယ်။
"ဒီည ကိုယ် တခြားအခန်းမှာပဲ အိပ်တော့မယ်နော် အချစ်လေး"
ညှဉ်းဆဲခံရလို့ ဒေါသထွက်နေသည့် ချားလ်တစ်ယောက် အခုလို ချီးမွမ်းစကားလေးကို ကြားလိုက်ရသည့်အခါ သူ့ စိတ်ပျက်လက်ပျက် အမူအရာတို့ ချက်ချင်းပျောက်သွားပြီး သဘောထားကြီးကာ ချစ်သူကို အလိုလိုက်တတ်သည့် အင်အားကြီးသည့် ချားလ်စ် ချက်ချင်း ပြန်ပေါ်လာသည်။
Tang Feng သည် Charles နှင့် စကားပြောရန် အခြားအရာများစွာ ရှိနေသေးသည်။
"ခင်ဗျား ဒီကို အခုအချိန် လာခဲ့တာ ဘာမှ မ ဖြစ်ဘူးလား။ လုထျန်းကျီ က ကျွန်တေ်တို့ကို အမြဲတမ်း စောင့် ကြည့်မနေဘူးလား "
Tang Feng က မေးလိုက်သည်။
"စိတ်ချစမ်းပါ ကိုယ့်ဘေဘီလေး .....အခုချိန် လုထျန်းကျီ က တခြားသူတွေကို လိုက်ဂရုစိုက်ဖို့ နှလုံးသား မရှိလောက်တော့ဘူးလို့ ကိုယ်ထင်တယ် "
ချားလ်စ်က ပြုံးပြုံးလေးဖြင့် အပိုင်ပေါက် ပြောလိုက်သည်။
ထိုစကားအရ Lu Tian chen ( လုထျန်းချန်) နဲ့ သူ့အဖေကြား တိုက်ပွဲက ပြင်းထန်တယ်လို့ ခန့်မှန်းမိလိုက်သည်။ Tang Feng သည် Lu Tian chen အကြောင်းကို တွေးလိုက်မိပြီး သူ့ကို နားအလည်ပေးဆုံးသော လူအတွက် ခံစားချက်မရှိဟု Tang Feng တပ်အပ် မပြောနိုင်ပေ။
Lu Tian chen အတွက်တော့ နည်းနည်းလေး စိတ်ပူမိပေမယ့် အခု သူ လုပ်နိုင်တာက သူက Lu Tian chen ရဲ့ အားနည်းချက်ကို မဖြစ်စေဖို့ပဲ။
ကိုယ့်ကိုကိုယ် တစ်ဖက်သားရဲ့ အားနည်းချက်ဖြစ်အောင် ဆွဲယူတာကို ဘယ်သူကမှ မကြိုက်သလို သူက ဘယ်သူ့ကိုမှလည်း အကြွေးမတင်ချင်ပေ။
လွန်ခဲ့သောတစ်နှစ်တာအတွင်း ညအချိန်တွင် Lu Tian chen ၏ရှားပါးသော ချစ်ခင်ကြင်နာသည့် အမူအရာ၊ ကောင်းကင်ပေါ်မှာ ပစ်လွှတ်ပေးသည့် မီးရှူးမီးပန်းများသည် Tang Feng ၏ နှလုံးသားကို အမြဲတမ်း မှတ်မှတ်ထင်ထင် ရှိနေလိမ့်မည်။
Lu Tian chen က သူ့ဘဝကို အသိဆုံးဖြစ်သည်။ သူ ပြန်လည်မွေးဖွားလာသည်ကိုလည်း သိကာ နားလည်ပေးထားသည်။
............
အဲလ်ဘတ်က ဟိုတယ်မှ ထွက်သွားပြီးနောက် ခါတိုင်းလိုပင် သူ့ သတင်းလုံးဝ မကြားရပေ။ တကယ်ပဲ သူ့ကို စွန့်ပစ်ပြီး မလိုချင်တော့ဘူးဟု ထင်လာခဲ့သည်။ မကြာသေးမီက Tang Feng သည် Jonas တစ်ယောက် အပန်းဖြေ ဗီးလာကြီး တစ်လုံး ထပ်မံဝယ်ယူခဲ့ကြောင်း ကြားသိလိုက်ရသည်။
အဲလ်ဘတ်၏ လက်ချက်ဆိုတာ Tang Feng ခန့်မှန်းလိုက်သည်။ ထိုလူရဲ့ လက်ရှိ အခြေနေကို ဖော်ပြရမယ်ဆိုရင် သူက တိတ်တိတ်ဆိတ်ဆိတ်နဲ့ အိပ်ပျော်နေသည့် အခြေနေလို့ တင်စားနိုင်သည်။ နောက်ပြီး ဘာဆက်ဖြစ်လာမလဲဆိုတာ Tang Feng သည် Charles ကို မမေးခဲ့ပေ။ Jonas က အရမ်းကို တုံးအ မိုက်မဲပြီး လောဘကြီးတယ်ဆိုရင် နောက်ဆုံး အဲလ်ဘတ် ဆီက အသတ်ခံရလိမ့်မယ်လို့ Charles က ပြောခဲ့သည်။
"Albert က အမြတ်အစွန်း လိုက်ရှာသူ တစ်ယောက်ပဲ။ သူ ဘယ်လောက် ပေးနိုင်လဲဆိုတာက မင်းဆီက သူ ဘယ်လောက် အမြတ်တွေ ပိုရနိုင်သလဲ ဆိုတဲ့အချက်ပေါ် မူတည်တယ် "
ချားလ်စ်ကတော့ ခုအဖြစ်ပျက်အပေါ် ဒီလိုပြောခဲ့တာပဲ။
Tang Feng က ဒီစကားကြားတော့ သူ ကြုံတွေ့ခဲ့သည်ကို ပြန်တွေးနေမိသည်။
သူက Albert ဆီက ဘာပစ္စည်းမှ မတောင်းခဲ့ဖူးဘူး။ အဲ့ဒါကြောင့် Albert က သူ့အတွက် ပုံမှန်လို မဟုတ်တဲ့ အခြေနေကို ဖော်ပြခဲ့တာလား။ သူ့အပေါ် ဘာမှ ထူးထူးဆန်းဆန်း မလုပ်ခဲ့တာလား။ ဘာအကြောင်းကြောင့်ပဲဖြစ်ဖြစ် Albert က ထွက်သွားပြီး လုထျန်းကျီ ဟာ ရုတ်တရက် ထွက်ပေါ် မလာသည်က လွဲရင် အမေရိကားမှာ ရှိတဲ့ သူ့ရဲ့ရိုက်ကူးရေးဟာ အလွန်ချောမွေ့ပြီး တည်ငြိမ် နေသည်။
ထိုအချိန်တွင် Tang Feng သည် တစ်ခါတစ်ရံတွင် သူသည် ဖီးနစ်ထျန်း ဘဝတွင် ရှိနေသည့် အချိန်သို့ ပြန်သွားသည်ဟု ခံစားရပြီး အလုပ်လုပ်ရန် နေ့တိုင်း စတူဒီယိုသို့ အချိန်မှန်သွားကာ စာအုပ်ဖတ်ရန် အိမ်ပြန်ကာ ကော်ဖီပူပူတစ်ခွက်သောက်ရန် သို့မဟုတ် နို့လက်ဖက်ရည်နှင့် သရေစာစားပြီး ရုပ်ရှင်ကြည့်ရင်း လမ်းလျှောက်ခွင့်ရတာက တကယ့်ကို အံ့သြစရာကောင်းလှတယ်။
ကံကောင်းထောက်မစွာ၊ သူ အိမ်ပြန်ရောက်တိုင်းလိုလို Charles ကိုတွေ့ရလိမ့်မယ်။ ထိုဝက်ဝံကြီး၏ တည်ရှိမှုသည် Tang Feng ကို သူ ပြန်လည်မွေးဖွားလာသည့် အချိန်တိုင်းကို ပြန်လည် သတိရစေသည်။ အိုး၊ ပြန်လည် မွေးဖွားလာပြီးနောက် သူ့ဘဝက အမြဲတမ်း စိတ်လှုပ်ရှားစရာ တွေနဲ့ ပြည့်နေခဲ့တယ်။
သူက အချိန်တိုင်း တင်းမာမှုနှင့်အန္တရာယ်ကို ရင်ဆိုင်ခဲ့ရသည်။
အချိန်တွေကုန်လွန်သွားပြီး အော်စကာ ရုပ်ရှင်ပွဲတော်အတွက် ဆန်ခါတင်စာရင်းကို အောင်မြင်စွာ ထုတ်ပြန်လိုက်လေပြီ။ "Slayer" ဇာတ်ကားတွင် သူ၏ အကောင်းဆုံးဇာတ်ဆောင်အတွက် Tang Feng က အကောင်းဆုံး သရုပ်ဆောင်အဖြစ် ရွေးချယ်ခံထားရပြီး ယခင်ဘဝက Feinnes ရဲ့ အောင်မြင်မှုကို အမှီလိုက်နိုင်တာက သူ့အတွက် ဝမ်းသာစရာဖြစ်သည်။ ဒါက Feinnes မရှိသည့် နောက်ပိုင်းတွင် ပထမဆုံး အခြားသော တရုတ်လူမျိုး အနုပညာ ကြယ်ပွင့်တွေလည်း အမေရိကန်ပြည် အော်စကာဆုအတွက် အမည်စာရင်းတင်သွင်းခံရခြင်းဖြစ်သည်။
ဒါက အမှန်လား အမှားလားဆိုတာ မသိပေမယ့် Tang Feng တစ်ယောက် ဆုရရှိဖို့ သိပ်ပြီး စိတ်ထဲမှာ အလွန်အမင်း မျှော်လင့်ထားခြင်းမရှိပေ။
မျှော်လင့်ချက်တွေက အရမ်းများခဲ့လျှင် ဆုံးရှုံးမှုတွေ ပိုများနိုင်ပေမယ့် အော်စကာဆုရဖို့ စိတ်အားမထက်သန်တဲ့ သရုပ်ဆောင်က သရုပ်ဆောင်ကောင်းတော့ မဟုတ်ပေ။
မင်းသားတစ်ယောက်ချင်းစီအတွက် ဆုတစ်ခုရဖို့က အရေးကြီးဆုံးမဟုတ်ပေမယ့် ဘဝအတွက် တကယ်အရေးကြီးသည်တော့ မဟုတ်ပေ။ အနည်းဆုံးတော့ ကိုယ့်အနုပညာအရည်ချင်းကို အသိမှတ်ပြုပေးခြင်းဟု မှတ်ယူရမည်။
Tang Feng အတွက်၊ အော်စကာသည် သူ့အရင်ဘဝအတွက် နောင်တစရာ ဖြစ်ခဲ့သည်။ အော်စကာဆုအတွက် အကောင်းဆုံး မင်းသားဆုကိုလည်း ရရှိခဲ့သော်လည်း ဒီဆုကို ယူချိန်မှာ သူ မကြာခဏဖျားနာနေချိန်ဖြစ်သည်။
ထိုအချိန်က ပါဝင်သည့်ဇာတ်ကားများသည် အကောင်းဆုံး မဟုတ်သော်လည်း ဆု ရနိုင်ချေ အများဆုံး ပြိုင်ဘက်များကို မမျှော်လင့်ဘဲ အနိုင်ယူနိုင်ခဲ့သည်။ ဒီအချက်က ဒိုင်တွေ၏ ကိုယ်ချင်းစာမှုနှင့် အထင်ကြီးမှု ရမှတ်များ မြင့်မားကြောင်း ထင်ရှားလှသည်။
ယခုအချိန်အထိ သူသည် လူထုနှင့် အကဲဖြတ်ဒိုင်များ၏ အသိမှတ်ပြုမှုကိ ရရှိရန် သူ၏ အကောင်းဆုံး အရည်ချင်းနဲ့ စစ်မှန်သော ခွန်အားကို ပိုမိုအသုံးပြုချင်သည့် စိတ်တို့ ကျန်ရှိနေဆဲဖြစ်သည်။
............
ရုပ်ရှင်ပွဲတော်ကို သတ်မှတ်ရက်အတိုင်း ဖွင့်လှစ်ခဲ့သည်။ လူသစ်များစွာရှနေသည့် အနုပညာ စက်ဝိုင်းထဲကို ရုတ်တရက် ဖောက်ထွင်းဝင်ရောက်လာတဲ့ နိုင်ငံရပ်ခြားမှ အနုပညာ ကြယ်ပွင့်တစ်ယောက်အနေနဲ့ Tang Feng ဟာ လူတိုင်းရဲ့ အသိမှတ်ပြုမှု မရခဲ့ပေမယ့် အနည်းဆုံးတော့ လူတွေက သူ့ သရုပ်ဆောင်သည့် သတင်းကို ရဲရဲတင်းတင်းပြောရဲတဲ့ လူငယ်သရုပ်ဆောင်ကို မှတ်မိနေပါသေးတယ်။
ထိုအချိန်တွင်၊ သေခြင်းတရားနှင့် တွေ့ကြုံခဲ့ရသော ရိုက်ကူးရေး အဖွဲ့ဝင်အားလုံး ပြန်လည်ဆုံတွေ့ ကြလေပြီ။ ကော်ဇောနီပေါ်ကို တက်လှမ်းကြတဲ့အခါ အားလုံးက တစ်ယောက်နဲ့တစ်ယောက် လက်ဆွဲနှုတ်ဆက်ကြတယ်။ စည်းလုံးညီညွတ်သော မိသားစုကဲ့သို့ ရင်ထဲမှ လာသည့် စစ်မှန်သည့် အပြုံးဖြင့် အော်စကာကို ရယူမည့် လမ်းကို လျှောက်လှမ်းခဲ့ကြသည်။
ပြီးခဲ့သည့် အကြိမ်ကျင်းပခဲ့သည့် ဗင်းနစ်မြို့ ရုပ်ရှင်ပွဲတော်မှ အနီရောင် ကော်ဇောပေါ်က လျှောက်လှမ်းစဉ်နှင့် နှိုင်းယှဉ်ပါက Tang Feng သည် ယခုတစ်ကြိမ်တွင် ပရိသတ်၏ အသံသည် ပိုမိုကျယ်လောင်ကြောင်း ရှင်းရှင်းလင်းလင်း ခံစားခဲ့ရသည်။ သူ ရောက်လာတဲ့ အခါမှာတော့ လူတော်တော်များများက သူ့ဓာတ်ပုံနဲ့ ပိုစတာကို ယူလာပြီး လက်မှတ်ထိုးခိုင်းတယ်။
လူအများက အသိအမှတ်ပြုခံရခြင်းသည် ကြယ်တစ်ပွင့်အတွက် ဆုလာဘ်တစ်ခုဖြစ်သည်။
ကော်ဇောနီကိုဖြတ်ပြီး လမ်းလျှောက်ပြီးနောက် Tang Feng သည် ဧည့်လမ်းညွှန်နောက်ကို လိုက်သွားခဲ့သည်။ ခြေနှစ်လှမ်းတောင် မလှမ်းရေသေးမီတွင် လူတစ်ယောက်က သူ့ကို လိုက်နော်က်ကို လိုက်လာကာ Tang Feng ၏ခါးကို လက်နှင့် ထောက်ကာ ဆိုးသွမ်းလူဆိုးကြီးက သေနတ်ဖြင့် ချိန်ထားသလို လုပ်ခဲ့သည်။
"ကြယ်ပွင့်ကြီး ငါလည်း မင်း လက်မှတ်ထိုးချင်တယ်။"
Charles ရဲ့ ဝတ်စုံပြည့်နှင့် ချောမောနေသည့် ရုပ်သွင်က Tang Feng ရဲ့ဘေးမှာ တည့်တည့် ပေါ်လာခဲ့သည်။
ယင်းမတိုင်မီက Charles သည် ရုပ်ရှင်ပွဲတော်ဖွင့်ပွဲအခမ်းအနားသို့ လာမည်ဟု မပြောခဲ့လို့ Tang Feng သည် သူ့အတွက် အံ့အားသင့်စရာ တစ်စုံတစ်ရာရှိမည်ဟု မထင်ခဲ့ပေ။ ဟောလိဝုဒ်ကို ပထမဆုံး ရောက်တုန်းက Charles က သူ့ရဲ့ ဘဝလမ်းကြောင်း တိုးတက်မှုတချို့အတွက် တက်ရောက်ဖို့ လိုအပ်သည့် ဧည့်ခံပွဲတွေကို ခေါ်သွားတာကိုလည်း မှတ်မိပါသေးတယ်။
"ဘယ်မှာ လက်မှတ်ထိုးပေးစေချင်တာလဲ"
Tang Feng က ဖြေလိုက်ရင်း ပတ်ဝန်းကျင်းကို လှည့်ပတ်ကြည့်တယ်။ ထိုအချိန်တွင် သတင်းထောက်တွေက အပြင်ဘက်တွင်ရှိနေသည်ကို တွေ့ရတော့ သူက Charles ကို ဘေးသို့ ဆွဲထုတ်လိုက်သည်။
"ဒါပေါ့....အဲ့နေရာလေ..မင်း သိတယ်မလား...အွတ်..."
ဝက်ဝံကြီးက သူ့မျက်လုံးတစ်ဖက်ကို မှိတ်လိုက်ပြီး ညစ်ကျယ်ကျယ်ပြောလိုက်ချိန် Tang Feng က ချားလ်ရဲ့ ခါးကို လက်သီးနဲ့ ထိုးကာ သတိပေးလိုက်သည်။
" အလေးအနက်ထားစမ်းပါ။"
" ဘေဘီ....ကျေးဇူးပြုပြီး ကိုယ့်ကို သနားပါဦးကွာ ။ "
Charles ဟာ လူတွေကို စိတ်ဆိုးစေမယ့် ထူးခြားတဲ့ အလုပ်ကို လုပ်လေ့ရှိသည်။ အခုအချိန်မှာတော့ ချားလ်က လိုက်လျောညီထွေ နေထိုင်လာပြီဖြစ်ပြီး စတွေ့သည့်အချိန်က သူ လုပ်ခဲ့သည့် အပြုမူအတွက် Charles အပေါ် Tang Feng ရဲ့ နာကြည်းမှုကို တဖြည်းဖြည်း ချေဖျက်ပစ်ပြီးဖြစ်သည်။
မနေ့ညက Charles သည် နောက်ဆုံးတွင် Tang Feng ကို သူ့အောက်တွင် အတင်းဖိထားပြီး အေးစက်စက် အနေထားအောက်မှ ရုန်းထွက်ကာ ပူပြင်းတောက်လောင်သည့် ချစ်ဇောဟုတ်ထဲ ဆွဲသွင်းခဲ့သည့် ဒီနေ့မှာ ချားလ်တစ်ယောက် တစ်ကိုယ်လုံး အလင်းရောင်ဖြာထွက်လုမတတ် တက်ကြွလန်းဆန်းနေခြင်းဖြစ်သည်။
သူက မနက်ခင်းစောစောထပြီး တကိုယ်လုံး အေပရွန်ကလွဲပြီး ဘာမှ မဝတ်ပဲ မနက်စာ ပြင်ဆင်ပေးခဲ့သည်။ ဒါက မနက်ခင်း တက်ကြွလန်းဆန်းနေသည့် စာဖိုမှုးတစ်ယောက်ရဲ့ အရသာလို့ ပြောလိုက်သေးသည်။
သူက ပျော်စေပျက်စေ အပြုအမူအချို့ကို တမင်တကာ လုပ်ယူကာ Tang Feng ရယ်မောစေခဲ့သည်။
ရုပ်ရှင်ပွဲတော်တွင် "Heavenly Son" ဇာတ်ကား ရိုက်ကူးမှု တစ်ဝက်နီးပါး ပြီးစီးနေပြီဖြစ်ပြီး Lu Tian chen နှင့်ပတ်သက်သည့် သတင်းများထဲမှာ မတွေ့ရတာ ကြာပြီဖြစ်သည်။
Charles က အဲဒီအကြောင်းကို ပြောချင်ပုံမပေါ်ဘဲ Tang Feng က ဘယ်လိုမေးရမှန်းမသိပေ။ ကုမ္ပဏီ အကြောင်းနှင့်ရောပြီး ရှောင်ယု ကို ရံဖန်ရံခါ မေးရတော့သည်။ လုထျန်းကျီ သည် ကုမ္ပဏီတွင် မကြာသေးမီက မရှိခဲ့ကြောင်း၊ ကုမ္ပဏီ၏ အရေးကိစ္စများကို အခြားသော အကြီးတန်း အမှုဆောင် အရာရှိများက စီမံခန့်ခွဲကြောင်း သူမက ပြောကြားခဲ့သည်။
Tian chen Entertainment Company တွင်မူလက လူအမြောက်အမြားမရှိခဲ့ဘဲ Lu Tian chen နှင့်သူ၏သားကဲ့သို့ အဓိက အုပ်ချုပ်သူ နှစ်ယောက်ကြား စက်ပွဲဖြစ်တော့ တိုက်ပွဲမပြီးခင်မှာ ကုမ္ပဏီက ပြိုလဲရတာ့မလားလို့ အားလုံးက ခန့်မှန်းနေကြသည်။
===============
BẠN ĐANG ĐỌC
(V 3+V4) ကောင်းကင်ယံထက်က ငွေကြယ်ပွင့် ( MM translation)
Lãng mạn(True Star _ Volume -3) Volume _ 1 https://my.w.tt/0VLPMBzaM0 Volume _2 https://my.w.tt/FiO6qMLaM0 https://www.rabbit-converter.org/Rabbit/ Because of my friend Shiroyuki, now i am ok to up my fiction with both myanmar font. Thanks Shiro.
