Unicode
ရှီယွင်နန် သူ့ရဲ့မှတ်ဉာဏ်တွေကို သေချာပြန်စဉ်းစည်းစားကြည့်နေရင်း ပြောလိုက်သည်။
"ပထမဆုံး ထုတ်ကုန်က ဖန်ပုလင်းအသေးလေးမှာ ပန်းစည်းပုံစံရိုက်ထားတာမျိုး မဟုတ်ဘူးလား?"
ရှီယွင်နန်သည် ငယ်ငယ်ကတည်းက သူ့အမေကို ဆုံးရှုံးခဲ့ရပြီး သူ့ကို နှစ်သိမ့်ပေးဖို့ သူ့မိသားစုကိုအရမ်းလိုအပ်နေချိန်မှာလဲ နိုင်ငံခြားသို့ အပို့ခံခဲ့ရသည်။
ဒီလိုကြီးပြင်းခဲ့ရလို့လဲ ရှီယွင်နန်သည် သူ့အမေအသက်ရှင်စဉ်က သူ့အမေရဲ့ အလှတရားကို အထူးတလည်တွယ်တာနေခဲ့တာဖြစ်သည်။ သူအမှတ်မှားတာ လုံးဝမဖြစ်နိုင်ဘူး။
ထိုစကားကိုကြားပြီးနောက် မစ္စတာလုံက ပြန်ပြောလာသည်။
"ဟုတ်ပါတယ်။ တကယ်တော့ ဒီထုတ်ကုန်လေးက အရင်က အင်ပါယာမြို့မှာ အရမ်း နာမည်ကြီးခဲ့တာ။ ဒုတိယသခင်လေးရှီ ရဲ့အမေလည်း ကျွန်တော်တို့ ရဲ့ customer တစ်ယောက်ဖြစ်ခဲ့မယ်လို့ မထင်ထားခဲ့ဘူး။"
ရှီယွင်နန်က ဒီထုတ်ကုန်လေးကို စိတ်ဝင်စားနေတာကိုတွေ့တော့ လုံတရှန်းပြောလိုက်သည်။
"လွန်ခဲ့တဲ့ငါးနှစ်တုန်းက ကျွန်တော်တို့ ဒီထုတ်ကုန် ရဲ့ ပုံစံကို အဆင့်မြင်အောင် ကြိုးစားခဲ့တယ်။ နိုင်ငံခြားဘရန်းတွေရဲ့ ဒီဇိုင်းနဲ့ ပိုတူစေချင်လို့လေ။ "
လုံဘရန်းက စျေးကွက်မှာပိုကျယ်ပြန့်အောင် ဒီလိုလုပ်ခဲ့ပေမယ့်လည်း အကျိုးရလဒ်ကတော့ မပြော ပလောက်အောင် နည်းခဲ့သည်။
ရှီယွင်နန် တစ်ဖက်လူရဲ့စကားကိုကြားတဲ့အခါမှာ ခေါင်းကိုချက်ချင်းခါလိုက်မိသည်။ "ဒီလို ဒီဇိုင်းမျိုးလိုက်လုပ်တာက မှားယွင်းတဲ့ဆုံးဖြတ်ချက်ပဲ။"
"ပြည်တွင်းဘရန်းတွေက နိုင်ငံခြားဘရန်းတွေရဲ့ပုံစံတွေကိုတုပတတ်ကြတယ်။ ဒါပေမဲ့ သူတို့ရဲ့အဆင့်မြင့် ကုန်ကြမ်းတွေ ကုန်ကျစရိတ်တွေကိုတော့ လိုက်မမီကြဘူး။ ဒါကြောင့် စျေးပေါတဲ့ပုံစံပဲ ပိုပေါက် စေတယ်။"
လော့လင်းရှန်းစကားတော့ဝင်မပြောပေမယ့် အတွင်းစိတ်ထဲမှာတော့ ရှီယွင်နန်ဘက်က အတွေးကို လက်ခံမိသည်။
YOU ARE READING
ဒုက္ခိတ အာဏာရှင်ကြီးနှင့် လျှပ်တစ်ပြက်လက်ထပ်ပြီးနောက်
RomanceEnglish Title- After a Flash Marriage With the Disabled Tyrant Author- 惗肆 English Translator- [Hua]rricane Status in COO- 94 chapters &17 extras All credit to original author and English translator.