Unicode
ရွှေငါးလေးတစ်ယောက် ညနေခင်းထိ အိပ်မောကျနေခဲ့ပြီး သူ့ဗိုက်ထဲမှ တဂွီဂွီမြည်သံကြောင့် နိုးလာသည်။
သူက ခုတင်ပေါ်တွင် အိပ်ချင်မူးတူးထထိုင်လိုက်ပြီး မျက်လုံးလေးကို ပွတ်သပ်ရင်း အသံတိုးတိုးလေးဖြင့်ခေါ်လာ၏။
"ရှုရှု? ရှောင်ရှုရှု?"
ချက်ချင်းပင် ခြေသံတွေကို ကြားလိုက်ရလေသည်။
ရှီယွင်နန်က အိပ်ခန်းအပြင်ဘက်ရှိ ဧည့်ခန်းထဲမှ ချင်ချင်းလှမ်းလာပြီး လက်ထဲတွင် ရင်းနှီးကျွမ်းဝင်သည့် အိတ်သေးသေးလေးကိုပါ ကိုင်ဆောင်ထားသည်။ "ငါတို့ ရွှေငါးလေး နိုးလာပြီလား?"
"ဟုတ်!"
အိပ်ချင်မူးတူးဖြစ်နေတဲ့ ရွှေငါးလေးဟာ ရှီယွင်နန်ကို မြင်တာနဲ့ ချက်ချင်းပြုံးသွားတော့သည်။
ရှီယွင်နန်က အိတ်ကို ခုတင်ဘေးမှာ ချထားလိုက်ပြီး သူ့တူလေးကို မေးလိုက်သည်။ "ဗိုက်ဆာနေပြီလား?"
ရွှေငါးလေးက သူ့ဗိုက်လေးကို ပွတ်နေရင်း ချွဲတဲတဲလေးပြန်ဖြေသည်။ "ဆာနေပြီ! ရှောင်ရှုရှု သားလေ ကြက်ဥပေါင်းနဲ့ steakစားချင်တယ်။"
"ဟုတ်ပါပြီ၊ ဟိုတယ်စားဖိုဆောင်ကလူတွေကို ချက်ခိုင်းလိုက်မယ်နော်။ ခဏနေကြရင် တူတူစားကြမလား?"
"ဟုတ်!"
"ကြောက်နေသေးလား?" ရှီယွင်နန်က သူ့ခေါင်းလေးကို ပွတ်သပ်ရင်း ဂရုတစိုက်မေးလိုက်၏။
ရွှေငါးလေးက ခဏလောက်စဉ်းစားနေပြီးနောက် လေးလေးနက်နက် ပြန်ဖြေလာသည်။ "အစတုန်းကတော့ သားကြောက်နေတာ။ ဒါမယ့် ဖုန်းထဲကနေ ရှောင်ရှုရှုအသံကို ကြားလိုက်တာနဲ့ သားသတ္တိရှိသွားကော။ ဒီမနက် ရှုရှုတို့နှစ်ယောက်ကိုတွေ့တာနဲ့ မကြောက်တော့ဘူး"
"အရမ်းတော်တာပဲ"
ရှီယွင်နန်က ရွှေငါးလေး၏ ပါးကို ပွတ်သပ်ရင်း လေးလေးနက်နက် ကတိပေးလိုက်သည်။
"ဒီလိုမျိုး နောက်တစ်ကြိမ် ဘယ်တော့မှ ဖြစ်မလာစေရဘူးလို့ ရှောင်ရှုရှုက ကတိပေးတယ်နော်။ ပြီးတော့ ရွှေငါးလေးဘယ်တော့မှ ဘယ်တော့မှ မကြောင်လန့်စေရဘူး။"
YOU ARE READING
ဒုက္ခိတ အာဏာရှင်ကြီးနှင့် လျှပ်တစ်ပြက်လက်ထပ်ပြီးနောက်
RomanceEnglish Title- After a Flash Marriage With the Disabled Tyrant Author- 惗肆 English Translator- [Hua]rricane Status in COO- 94 chapters &17 extras All credit to original author and English translator.
