Unicode
ရှီယွင်နန်သည် ပထမဆုံး ဒီဇိုင်းမူကြမ်းကို ပေးပို့ပြီးနောက် လုကျောက်အန်းရဲ့နောက်ဆက်တွဲ အကြံပြုချက်အပေါ် အခြေခံ၍ အနည်းငယ် ပြင်ဆင်မှုများ ပြုလုပ်ခဲ့သည်။ နောက်ဆုံးတော့ သူ က ကျောက်စိမ်းဒီဇိုင်းရဲ့နောက်ဆုံးဗားရှင်းကို တစ်ပတ်အကြာတွင် အပြီးသတ်နိုင်ခဲ့လေသည်။
"အလုပ်ကိစ္စတစ်ခုကြောင့် မင်းရဲ့ခန္ဓာကိုယ် မထိခိုက်စေနဲ့။"
လွန်ခဲ့တဲ့ ရက်အနည်းငယ်အတွင်း သူတစ်ညလုံးအလုပ်လုပ်နေတာကိုမြင်ရသည့် လော့လင်းရှန်းမှာ စိတ်မချမ်းမသာဖြစ်ရသော်လည်း ထိုသူ့ကိုမတားနိုင်ခဲ့ပေ။
အရွယ်ရောက်တဲ့လူတွေ ချစ်တဲ့အခါ၊ တစ်ယောက်ကို တစ်ယောက် အလုပ်အတွက် လုံလောက်တဲ့နေရာတစ်နေရာ ပေးထားသင့်တယ်လေ။
လော့လင်းရှန်း ဘယ်လောက်ပင်ချမ်းသာသည်ဖြစ်ပါစေ၊ သူက ရှီယွင်နန်ရဲ့အသက်မွေးဝမ်းကြောင်းအလုပ်ကို ဆက်မလုပ်ရန် မတားချင်ပေ။ သေချာပေါက်၊ သူနဲ့ လော့မိသားစုက ရှီယွင်နန်ရဲ့ ဘေးကင်းရာနေရာတော့ ဖြစ်ပေးနိုင်တာပေါ့။
"အခုအချိန်မှာ ကျွန်တော်က ပူးပေါင်းထားတဲ့လုပ်ဖော်ကိုင်ဖက်တစ်ယောက်ဆိုပေမယ့်၊ နောက်ပိုင်းကျရင် ကျွန်တော်ရဲ့ အထောက်အထားက ပြောင်းလဲသွားနိုင်တယ်။" ရှီယွင်နန် ပြန်ဖြေလာတော့
လော့လင်းရှန်း နားမလည်ဖြစ်သွားသည်။
ရှီယွင်နန်က ကုလားထိုင်ကို မှီပြီး သူ့ရည်ရွယ်ချက်ကို ပွင့်ပွင့်လင်းလင်းပြောလိုက်သည်။ "ဒီပထမဆုံး ကျောက်စိမ်းဒီဇိုင်းကို ကျွန်တော်အရမ်းကြိုးစားရတဲ့အကြောင်းရင်းက ယွမ်ကုမ္ပဏီ၊ ယွမ်ဖုကွမ်၊အခြားသူတွေနဲ့ ညှိနှိုင်းတဲ့အချိန် ရေတိမ်ဖြတ်ကူးဖို့စီတန်းထားတဲ့ကျောက်တုံးတစ်ခုအနေနဲ့ သုံးချင်လို့ပါ။ "
《"ရေတိမ်ဖြတ်ကူးရန်စီတန်းထားတဲ့ကျောက်တုံး" ဆိုတာ "အောင်မြင်မှုရည်မှန်းချက်ပန်းတိုင်ကိုလျှောက်လှမ်းရာတွင်အသုံးပြုသော လှေကားထစ်"》
လော့လင်းရှန်က ချက်ချင်းနားလည်သွားသည်။ "မင်းက ရင်းနှီးမြုပ်နှံသူဖြစ်နေချင်တာလား?"
YOU ARE READING
ဒုက္ခိတ အာဏာရှင်ကြီးနှင့် လျှပ်တစ်ပြက်လက်ထပ်ပြီးနောက်
RomanceEnglish Title- After a Flash Marriage With the Disabled Tyrant Author- 惗肆 English Translator- [Hua]rricane Status in COO- 94 chapters &17 extras All credit to original author and English translator.
