Unicode
"လက်မှတ်မှာ ရှီးခယ့်ယွဲ့ နာမည် ရေးထားတယ်"
ယွီရှော့ အဖြေကို ကြားသည့် အခါ ရှီယွင်နန် မျက်လုံးထဲ သရော်သည့်အရိပ်အယောင်များ ပေါ်လာ၏။ သူထင်ထားသလိုရောမထင်ထားသလိုပါ ခံစားလိုက်ရသည်။
ဘယ်လိုပဲဖြစ်ဖြစ် ရှီးခယ့်ယွဲ့ရဲ့ သံသယလွန်ကဲတဲ့ စရိုက်အရဆို စေ့စပ်ပွဲကြောင့် နာမည်ဆိုးနဲ့ နာမည်ကြီးသွားပြီး အရှုပ်အထွေးတွေဖြစ်နေရင်တောင် သူက အဲ့နေရာမှာတင် ရပ်နေမှာ မဟုတ်။
ဒါပေမယ့်လည်း ရှီးခယ့်ယွဲ့ အတင့်ရဲလွန်းပြီး ဒီလောက်အစွမ်းအစရှိလိမ့်မယ်လို့တော့ မထင်ထားခဲ့။ လူအိုကြီးရှီနဲ့ ရှီရှန်း ဖယ်ကျဉ်တာ ခံထားရတာတောင် သူက ရှီကုမ္ပဏီမှာ ဒီလိုမျိုး တရားမဝင်အလုပ်တွေ လုပ်နိုင်သေးတယ်!
ရှီယွင်နန် ယွီရှော့ကို ကြည့်ကာ-
"ဒါက သေချာသွားပြီလား?"
ယွီရှော့က လက်ဖက်ရည် လာချပေးသည့် အိမ်တော်ထိန်းကို ကြည့်လိုက်ပြီး လက်ဖက်ရည်ခွက်ကို တည်တည်ငြိမ်ငြိမ်ပဲ လက်ခံလိုက်သည်။
"မသေချာဘဲ ကျွန်တော်ဘယ်တော့မှ မလှုပ်ရှားဘူး။ ကျွန်တော့်အစ်ကို ယွီမင်ကို တစ်ချက်တည်းနဲ့ အလဲမထိုးနိုင်ရင် ရှေ့လျှောက် ကျွန်တော်အတွက် ပိုဆိုးလာဖို့ပဲ ရှိတော့တယ်။"
ယွီရှော့က စကားပြောတာ ခဏရပ်ပြီး လက်ဖက်ရည်ခွက်အား စားပွဲခုံပေါ် တင်လိုက်၏။
"ဒါက ဒီလို..."
"ဘာက ဒီလိုလဲ?" ရှီယွင်နန်က သူဘာဆိုလိုချင်မှန်း သဘောပေါက်ပေမယ့်လည်း မသိသလိုလေး မေးလိုက်သည်။
"ကျွန်တော့ အစ်ကိုကြီးကို ဖြုတ်ချရင် ဒီကိစ္စကနေ ရှီးခယ့်ယွဲ့အကြောင်းပါ ပေါ်သွားပြီး ရှီကုမ္ပဏီကိုပါ ထိခိုက်လိမ့်မယ်"
ရှီမိသားစု၏ ကုန်စည်ပို့ဆောင်ရေးလုပ်ငန်းမှာ တရုတ်နိုင်ငံတွင် လူသိများလေသည်။ ဒီလို တရားမဝင်ကိစ္စနှင့်ပတ်သတ်နေမှန်း သိသွားကြပါက၊ လူထု၏ ဝေဖန်ချက်များဖြင့် အကြီးအကျယ် ဖိနှိပ်ခံရမှာ ဖြစ်ပြီး နောက်ဆက်တွဲ ခံစားရမည့် အကျိုးဆက်များမှာတော့ ပြောစရာမလိုအောင် သိသာနေလေပြီ။
YOU ARE READING
ဒုက္ခိတ အာဏာရှင်ကြီးနှင့် လျှပ်တစ်ပြက်လက်ထပ်ပြီးနောက်
RomanceEnglish Title- After a Flash Marriage With the Disabled Tyrant Author- 惗肆 English Translator- [Hua]rricane Status in COO- 94 chapters &17 extras All credit to original author and English translator.