ဒုက္ခိတ အာဏာရှင်ကြီးနှင့် လျှပ်တစ်ပြက်လက်ထပ်ပြီး​နောက်

80.2

Unicode

"မား...ဝူးဝူး..."

သူ့အမေနှင့် အမြဲအင်အားကြီးခဲ့သည့် သူ့ဦးလေးတို့ ရှုံးနိမ့်သွားသည်ကို မြင်သောအခါ ယွမ်ခယ့်ဝမ်တစ်ယောက် ကြောက်လန့်သွားတော့လေသည်။

သူက ချန်ဖန်းစကားကို နားမထောင်တော့ဘဲ ငိုရင်း ပြေးလာ၏။ "သားမှားသွားပါတယ်... ရဲဖမ်းတာခံချင်ဘူး...သားနောက်မခိုးတော့ပါဘူး!"

မှောင်နေပြီဖြစ်ကာ၊ လမ်းကို ရှင်းရှင်းလင်းလင်း မမြင်နိုင်သောကြောင့် ယွမ်ခယ့်ဝမ်တစ်ယောက် ချော်လဲကာ ကတ္တရာလမ်းပေါ်ရှိ ကျောက်တုံးနှင့် စောင့်မိသွားတော့သည်။ သူ့ခေါင်းမော့လာသည့်အခါ သူ့နဖူးပေါ်က ဒဏ်ရာမှာ ရွှေငါးလေး ဒဏ်ရာထက်တောင် ပိုပြင်းနေလေသည်။

ဟန်ဆောင် ငိုကြွေးနေတာကနေ နာကျင်သွားသော​ကြောင့် တကယ့်မျက်ရည်အစစ်များ ကျလာ၏။

ဒါကို ချန်ဖန်းမြင်သည့်အခါ၊ သူမ စိုးရိမ်သွားပြီး မကျေမနပ်ပြောချင်သည့်စိတ်ကို ခဏဖယ်ထုတ်လိုက်ကာ သူမ သားအနားသို့ အမြန်ပြေးသွားတော့သည်။

"ရှောင်ဝမ် မားမားကိုကြည့်။ မား သားကို မကာကွယ်နိုင်လို့ တောင်းပန်ပါတယ်ကွယ်။ အစကတည်းက ဒီလူတွေကို အိမ်ထဲပေးမဝင်ခဲ့ရမှာ!"

ရှီယွင်နန်ကပဲ အရင် စ သရော်လိုက်သည်။ "ရယ်ရတယ်၊ ခင်ဗျားသားဘာသာ လဲတာလေ ဘာလို့ ကျုပ်တို့ကို လာအပြစ်တင်နေတာလဲ?"

"အခုတော့ နာတဲ့ အရသာကို သိပြီမလား? ကျုပ်တို့ကလေး ယွမ်ခယ့်ဝမ်အနိုင်ကျင့်လို့ ဒဏ်ရာရသွားတုန်ကကြတော့ရော ဘာလို့ ခင်ဗျား သားကို အပြစ်မတင်လဲ?"

သူပြောပြီးသည်နှင့်ပဲ သူတို့ရှေ့ကနေ ကားမီးရောင်ထွက်လာ၏။

သူတို့နှင့် ဒီမှာ ဆုံဖို့ ရောက်လာသည့် ချင်ကျန်းလည်း အမြန်ထွက်လာသည်။ ရှေ့တွင် ကမောက်ကမဖြစ်နေသည့် အခြေအနေကို မြင်သည့်အခါ သူမျက်မှောင်ကြုတ်မိသွား၏။

"ခေါင်းဆောင်၊ မစ္စတာရှီ"

ထို့နောက် သူက ယွမ်မုန်အား တစ်ချက်ကြည့်လိုက်သည်။