ဒုက္ခိတ အာဏာရှင်ကြီးနှင့် လျှပ်တစ်ပြက်လက်ထပ်ပြီး​နောက်

86.2

Unicode

"တချို့လူတွေဆို နှစ်တွေအကြာကြီး crushခဲ့ကြပေမယ့် ဘာမှဖြစ်မလာဘူးလေ။ ကိုယ်တို့ကြတော့ ပြန်ဆုံတာနဲ့ မင်း လောင်ကုန်းလို့ ခေါ်တာခံရတယ်။ ကိုယ့်အတွက် အရှုံးမရှိပါဘူး။"

ဒါကို ကြားတော့ ရှီယွင်နန်ပြုံးမိသွားပြီး သူ့နားလေးတိုးကာ မကျီစယ်ဘဲ မနေနိုင်တော့။ "ကျွန်တော် ထီဆုအကြီးကြီး ပေါက်တာလို့ ပြောသားပဲ"

"ကြည့်ရတာ ကိုယ်တို့နှစ်ယောက်က အရှုံးပေါ်မယ့် ကိစ္စဆို မလုပ်တဲ့သူတွေဖြစ်မယ်။"

"သေချာတာပေါ့"

ရှီယွင်နန် ဝမ်းနည်နေသည့် စိတ်လေးကို မသိမသာ ပြန်ချုပ်တည်းလိုက်ပြီး နောက်ဆုံး အံဆွဲကို ကြည်ကာ မေးလိုက်သည်။ "ခင်ဗျား တခြားဝှက်ထားတာတွေကော ရှိသေးလား?"

ဒီလိုမေးနေရင်း သူ့ရင်ထဲမှာတော့ တိတ်တိတ်လေး မျှော်လင့်စောင့်စားနေမိ၏။

ရှီယွင်နန် သူ့ကိုယ့်သူ ခံစားလွယ်ပြီး အချစ်ငတ်နေမှန်းလည်း သိသည်။

အရင်တုန်းကတော့ သူ့မှာ ဘယ်သူဆီကမှ လုံခြုံစိတ်ချရတဲ့ ခံစားမှုမျိုး မခံစားခဲ့ရ။ အခုတော့ လော့လင်ရှန်းက သူ့နှလုံးသားထဲ အချစ်တွေနဲ့သာ ဖြည့်ပေးထားတာကြောင့် သူဟာ ကြည့်နူးဖို့ကောင်းတဲ့ surprise တွေကို ဆက်သိချင်နေပြီး ကာကွယ်ပေးခံရတဲ့ ခံစားမှုမျိုးကိုလည်း ခံစားကြည့်ချင်မိသည်။

လော့လင်းရှန်းက သူ့မျက်လုံးလေးနဲ့ မျက်ရိပ်မျက်ခြေပြကာ—

"ဖွင့်ကြည့်လိုက်ပါလား?"

ခွင့်ပြုချက်ရသွားတော့ ရှီယွင်နန် ရှေ့သို့ ပြန်လှည့်ပြီး ငုံ့ကာ အံဆွံကိုဖွင့်ကြည့်လိုက်တော့သည်။

အံဆွဲထဲရှိနေသည်မှာ ပုံစံတူ လက်ထပ်စာချုပ်နှစ်ခုနှင့် ကတ္တီပါအနက်ရောင်ဘူးလေးတစ်ဘူးပင်။

အံဆွဲထဲတွင် ပစ္စည်းအများကြီးမရှိသော်လည်း ထိုပစ္စည်းများနဲ့တင် ရှီယွင်နန်အား စိတ်လှုပ်ရှားသွားစေရန် လုံလောက်နေလေပြီ။

လော့လင်းရှန်းက မှင်သက်နေသည့် သူ့ချစ်သူ အနောက်ကနေ ကတ္တီပါဘူးလေးကို ထုတ်လိုက်၏။ ထို့နောက် သူ့စိတ်ထဲတွင် အကြိမ်ပေါင်းထောင်ပေါင်းများစွာ စိတ်ကူးယဉ်ခဲ့သည့် ကိုယ်ဟန်အနေထားကို(ဒူးထောက်)လုပ်လိုက်သည်။