ဒုက္ခိတ အာဏာရှင်ကြီးနှင့် လျှပ်တစ်ပြက်လက်ထပ်ပြီး​နောက်

27.2

ရှီယွင်နန်တစ်ယောက် ဒီကူရှင်ရဲ့ review တွေကို အကြမ်းဖျင်းကြည့်လိုက်ပြီး အံ့အားသင့်စွာ လွှတ်ခနဲ အသံလေးထွက်လာလေသည်။ "ဥဿဖရားအတုအစား ပလတ်စတစ်ကို တကယ်ကြီးသုံးထားတာပေါ့? သူတို့ ဒါကို ဖော်နိုင်တာ အံ့ဩစရာပဲ!!"

ကုန်ကျစရိတ်ကို ချွေတာဖို့သာ စဉ်းစားနေမယ်ဆိုရင် ထုတ်ကုန်ရဲ့ အရည်အသွေးကလည်း သိသိသာသာ လျော့ကျသွားမှာပဲ။

"ဒီကူရှင်က အရမ်းစုတ်ပြတ်နေတာပဲကို ဘယ်လိုလုပ် သက်ဆိုင်ရာဌာနတွေက စစ်ဆေးတာ ကျော်သွားနိုင်ပါလိမ့်? " ချင်ကျန်း နားမလည်နိုင်ဖြစ်သွားတော့သည်။

ရှီယွင်နန်လည်း ခေါင်းခါလိုက်ပြီး သူလည်းစိတ်ရှုပ်ထွေးသွားလေသည်။

ရှီးခဲယွဲ့ဆိုတာက သူ့အကျိုးစီးပွားကို ဦးစားပေးသူဖြစ်ပြီး သူ့မျက်လုံးတွေထဲမှာ ငွေတွေအပြည့်ဖြစ်နေဖြစ်မယ့် ဒီလို အရည်အသွေးနိမ့်တဲ့ ထုတ်ကုန်ရောင်းဖို့လောက်တော့ မတုံးလောက်ဘူးမလား?

လော့လင်းရှန်းကတော့ ထုံးစံအတိုင်း အေးဆေးတည်ငြိမ်တဲ့ အမူအရာဖြင့် သူ့လက်ချောင်းထိပ်များကို အနည်းငယ် ပွတ်သပ်လိုက်ပြီး သူ့ရဲ့ တွေးခေါ်ပုံကတော့ လုံးဝကို စီးပွါးရေးဆန်လှသည်။ "ချင်ကျန်း၊ ကျောင်းမိသားစု နဲ့ ယလန်က ဒီဝေဖန်တဲ့ ဗွီဒီယိုကို ဖြုတ်ချဖို့  ကျိန်းသေလုပ်လာလိမ့်မယ်။ ဒီဗွီဒီယို ပိုပြန့်သွားအောင် မင်းနည်းလမ်းရှာထားလိုက်။"

"ပြီးတော့ သူတို့ရဲ့ ကူရှင်တွေအကြောင်း မကောင်းတဲ့  မှတ်ချက်ရေးတဲ့သူတွေကို  စုဖို့ တစ်ယောက် ယောက်ကို ရှာ၊ ပြီးရင် နစ်နာတဲ့သူတွေကိုလည်း ပူးပေါင်းတိုင်ကြားဖို့ နည်းလမ်းရှာထားလိုက်..."

လုံ၊ ကျောင်း နဲ့ ယလန်ဟာ စျေးကွက်ထဲမှာ ပြတ်ပြတ်သားသား ပြိုင်ဆိုင်နေကြပြီး တစ်ဖက်လူရဲ့ခိုးယူမှုကကလည်း နဂို အကျိုးစီးပွါးကို ထိပါးလာပြီးနေလေပြီ။

အခုတော့ တစ်ဖက်လူက မထင်ထားတဲ့နေရာမှာ ကားမှောက်လာပြီး( ကျရှုံး) သူတို့ကိုင်တွယ်ဖို့ အော်တိုလုပ်ပေးလိုက်တာပင်။

မားကတ်တင်းဆိုတာ ​​စစ်မြေပြင်လိုပဲ။

ဒီအခွင့်အရေးကို အလဟသ အဖြစ်ခံလို့မဖြစ်ဘူး။