Unicode
ရှီယွင်နန်မှာတော့ လော့လင်းရှန်းမျက်လုံးလေးများအား စိုက်ကြည့်ရင်း သူ့စကားများမှန်မမှန်ကို ဖြည်းဖြည်းချင်း အတည်ပြုနေ၏။
အရက်အရှိန်ကြောင့် ရီဝေဝေပိုဖြစ်လာသည်နှင့် သူလော့လင်းရှန်းအား နှစ်စက္ကန့် သုံးစက္ကန့်ကြာ မဖက်ထားဘဲ မနေနိုင်တော့... လော့လင်းရှန်း၏ လည်ပင်း၊ ပုခုံးတောင် ပူနွေးလာသည့်အထိပင်။
"ယွင်နန်?"
"ကျွန်တော် ထင်နေတာ..." တိုးညှင်းသည့် လေသံထဲမှာတော့ မကျေမနပ်အရိပ်အယောင်လေးတွေ ပြည့်နှက်နေလျက်- "ခင်ဗျားတောင် ကျွန်တော့ကို မလိုချင်တော့ဘူးထင်နေတာ"
လော့လင်ရှန်းနှလုံးသားလေးကို ထိုစကားတွေက ပြင်းပြင်းထန်ထန် ထိုးဖောက်သွား၏။ သူအမြဲ လုပ်ချင်နေခဲ့သည့်အရာမှာ သူ့ချစ်သူကိုတစ်သက်လုံး ရင်ခွင်ထဲတွင် သော့ခတ်သိမ်းထားဖို့ပင်။
"ကိုယ်က မင်းကို မလိုချင်ဘဲ နေပါ့မလား"
ရှီယွင်နန်မှာ လော့လင်းရှန်း ဖက်ထားသည့် အား ကို ခံစားမိလိုက်တာကြောင့် မငိုဘဲမနေနိုင်တော့။ "ဒါဆို ဘာလို့ အရင်တုန်းက မပြောရတာလဲ?"
"ကိုယ်က ဒီကိစ္စကို ပေါ့ပေါ့တန်တန် ဝန်မခံချင်ဘူး။ ပြီးတော့ ကိုယ်မင်းအပေါ် တိတ်တခိုးချစ်တဲ့ အချစ်တွေနဲ့ မင်းခံစားချက်တွေကို တစ်သက်လုံးချုပ်နှောင်မထားချင်ဘူး......"
လော့လင်းရှန်း လက်ဖဝါးလေးဟာ ရှီယွင်နန် ဂုတ်လေးကို ပွတ်သပ်ပေးနေ၏။ သူ့လေသံလေးမှာ စိတ်ရှည်နေသလို ကိုယ့်ကိုယ်ကို အပြစ်တင်သည့် အရိပ်အယောင်လေးတွေပါ စွန်းထင်းနေသည်။
"အရင်တုန်းကတော့ ကိုယ့်ခြေထောက်တွေ လုံးဝသက်သာလာမယ်လို့ မထင်ခဲ့ဘူးလေ။ မင်းစိတ်ထဲ မထားပေမယ့် ကိုယ်ဒီတိုင်း မနေနိုင်ခဲ့ဘူး။ ယွင်နန် ကိုယ် မင်းအတွက် ဝန်ထုပ်ဝန်ပိုး မဖြစ်စေချင်ဘူး"
"နောက် အခြေအနေတွေပြောင်းသွားတော့ ကိုယ်ဒီကိစ္စကို ခဏဆိုင်းငံ့ထားနိုင်မယ်လို့ ထင်နေခဲ့တာ..ဘာလို့ဆို..."
"ကျန်းမာတဲ့ ခန္ဓာကိုယ်နဲ့ပဲ မင်းရှေ့မှာ ရပ်နေချင်တယ်။ အန္တရာယ်တွေကြုံတဲ့အခါ မင်းကိုကာကွယ်ပေးပြီး မင်းလက်ကလေးကို တစ်သက်လုံး ဆုပ်ကိုင်ထားချင်တယ်။"
YOU ARE READING
ဒုက္ခိတ အာဏာရှင်ကြီးနှင့် လျှပ်တစ်ပြက်လက်ထပ်ပြီးနောက်
RomanceEnglish Title- After a Flash Marriage With the Disabled Tyrant Author- 惗肆 English Translator- [Hua]rricane Status in COO- 94 chapters &17 extras All credit to original author and English translator.
