حارستي الشخصية🗽مكتملة🗽

🗽الجزء 2🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 2:

#الأحدات_العربية"

شافت فيهم كيفاش ضارو بيها وهي تبدا طرطق في صبعانها وعنقها...حتى تم جااي وااحد من لاور بغا يشدها وهي تهز رجلها عطاتها ليه النيف وتم جاي لاخر من قدام،بغات تعطيه الرجل وهو يهز يدو بغا يشد رجلها حتى تراجعت وعطاتو ببونية لسنانو بكل قوتها وهي تشوف في لخر....

...:بعدو مني...

دري⁰:ماتحلميش الغزالة..

تمو جيين جيهتها وهي تشوف في الموس في أرض هزتها وهما يقربو ليها يشدوها حتى غرست موس في فخد وااحد فيهم وتاني في ذراعها وحطت الموس في أخر لحظة قريب من عين دري لي كان يضربها...لاحت الموس وهي تعطيه ببونية بالخف وسط صدمتو لنيف وعوضتو بالتانية لحنكو وتالتة ورابعة وهو يطيح...بقات واقفة كتنهج وهي كتشوف فيهم...شافت في لي كان كيصور شاد تلفون ومصدوم...حركت صبعها بتحذير جيهتو وحركت صبعها على عنقها زعما تحرك ونذبحك...شافت في لخرين لي في أرض كل ومين شاد ضربتو...مشات ركبت في طاكسي وديمارات متحركة وهي تحل الزاج كيدخل الهوى..تنهدت بضيق وهي توقف جنب الطريق وخدات قرعة الماء كتشرب وتكات برااسها اللاور...حتى كتسمع في كلاكصون تاع الرموك بجهد...شافت اتجاه الطريق التاني وهي تشوف في طنوبيل جيا جهة الرموك...حتى كتبان ليها بعدت على الطريق ضاربة في المعطف ورجعت قدام الرموك حتى ضربها...خرجت عينيها في هاد المنظر حتى كيبان ليها وسط الطنوبيل بدمو....نزلت بلا عقل كتجري جهة الطنوبيل..وقفت بعد ماشعلت العافية وكولشي تجمع على الطنوبيل..
بدات كدور في عينيها وهي كتشوف في كولشي كيتفرج وحتى واحد ماعيط لابيلانص...مشات كتجري بغات تقرب حتى شدها راجل...

راجل:فين غادة حماقيتي؟

جرت دراعها مخنزرة ومشات قربت وهي تحاول تحل الباب لقاتو مسورت...بدات كدور في عينيها حتى مشات هزت حجرة وهرست الزاج تاع الباب القدامو ودخلت يدها وسط العافية فكت الساروت...

راجل:هاد البنت حمقة "بالغوات" بعدي على طنوبيل..

دري:بعدي على الطنوبيل را غادي تفركع...

حلت الباب وهو يطيح رااسو جيهتها...شدتو وهي تشوف في دم لي نازل مع جبهتو...بقات سااهية فيه حتى تسمع صوت الموطور تاع طنوبيل كيدير بق بق بق...خرجت عينيها وهي تجرو من درعيه غادا بيه كتزرب...يله تبعد حتى تفركعت الطنوبيل،تلاحت من فوقو وهي طيح في الأرض ضربت في جبهتها....وقفت حطت يدها على جبهتها وشافت في الدم في يدها...ةقفت بزز جرتو وشافت في رجال...

....:وعونوني اولاد قح*اب تفوووو...

جاو كيعونوها حتى هزوه وداتهم لطاكسي حطوه وطلعت مديماريا بزربة...غير تحركت مع وقفت طنوبيلت لكارد...
كانت كتسوق بزربة وهي كتشوف فيه من مرايا القدامية...حتى وقفت قدام سبيطار المخزن وهي تدخل كتعلمهم وبزز لقات شي واحد سمع ليها..حتى خرجو بالبياص وهزوه دااخلين بيه وهي سورتت الطاكسي وتبعتهم...
وقفتها الممرضة...