حارستي الشخصية🗽مكتملة🗽

🗽الجزء 45🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 45:

كانت خطواتها سراع باغا غير تبعد عليه وعلى أي بلاصة تجمع بناتهم...طاحو دموعها لي خانوها وهما شحال ومخبيين تحت جفونها...حطت يدها على صدرها لي كيضرها...حست بقلبها يسكت...بصيف مايسكت مادازش عليه القليل...عيات ماتصبر وتصبر راسها وهي كتقول يفرجها ربي ويجي ماهوحسن...طاحت على وقفتها على ركابيها وهي مغيبة على العالم خاارجي وماعارفة حتى فين طايحة...
كتبكي وتشهق وشهقاتها بحال صرخاات روحها...هي عاد حست براسها وعرفت شحال بغات غالي...أه بغااتو وبزاف...تقدري تجاوزي أي حب الا حب لي كيبقى في القلب مخبي عمرو يتنسى...وهي لأول مرة كتبغي لهاد درجة وكتخبي حبها غير لراسها ولكن مطراا تبعد عليه...نزلت راسها ودموعها شلال على خدها...ماتقدرش تحارب عالمو على ود الحب...ماتقدرش هي ماقويااش لديك درجة...ماتقدرش توقف في وجه جدو وعائلتو على ود الحب...لي دازت منو كافيها ومابغاش تعذب كتر...

هزت عينيها جنب جعة الضو لي جاي جيهتها وصوت كلاكصون في وذنها...حطت يدها على عينيها وهي كتسناا طنوبيل ضربها...

🌐عنــد ضيــاء..

وقف بطنوبيل قدام حي ديالهم كان راقي فيه عمارات كتار...شاف فيها وهو يحيد السمطة...حيدتها حتى هي وشافت قدامها وكتلعب بيديها بطريقة عشوائية...شاف فيها ضياء وشاف قدامو...

ضياء:شنو قررتي...

ريم:"شافت فيه وشافت قدامها" فاش؟

غمض عينيه بقلة الصبر وشاف فيها...

ضياء:ريم ماتختابريش صبري،را والله مايعجبك الحال وقت نتعصب...

ريم:"شافت فيه وهي تقابل معاه" عطيني وقت كتر عفاك..

ضياء:مستحيل...نساي الوقت،لا عطيتو لك ماكملش على انتقامي...

ريم:مافهمتش؟

ضياء:عندك جوج خيارات الغزالة،لول تنزلي دبا وتقولي لعائلتك بلي تزوجتي ووليتي مرتي،وتاني هي نخليهم يعرفو بطريقتي...

خرجت ريم عينيها وهي تحط يدها لا إراديا على يدو وكتحرك عينيها بترجي..

ريم:عفاك لا...مانقدرش ندير هاد شي...

بقا ضياء كيشوف فيها وهو يجر يدو من يدها...

ضياء:لا بلاما تحاولي،واش كنبان لك كشخص الترجي كينفع معاه؟

خنزرت ريم وهي تهز تلفونها لي كيصوني...شافت في ضياء وهي تجاوب...

ريم:بابا..

جيميري:kızım nerdesin (كزم نايرديسن) "بنتي فينك"

ريم:Kapının önündeyim baba "أنا قدام الباب بابا" (كبينين أُنينديم بابا)